ՀՀ ոստիկանությունը ներկայացրել է ՃՏՊ-ների հունիսի 14-ի ամփոփագիրը. կա երկու զոհ

ՀՀ ոստիկանությունը ներկայացրել է ճանապարհատրանսպորտային պատահարների հունսի 14-ի ամփոփագիրը։

Ինչպես «Արմենպրես»-ը տեղեկացավ ՀՀ ոստիկանության պաշտոնական կայքից, հունիսի 14-ին, ժամը 2.55-ին, «ՎԱԶ-21070» մակնիշի ավտոմեքենան Երևան-Գյումրի-Բավրա ճանապարհի 165-րդ կմ-ին կողաշրջվել է, ինչի հետևանքով ուղևորը` 1983 թ. ծնված Արսեն Մխոյանը, տեղում մահացել է, իսկ վարորդը մարմնական վնասվածքով տեղափոխվել է հիվանդանոց: 
Կատարվում է քննություն:

Հունիսի 14-ին, ժամը 20.15-ին, Երևանի Օհանովի փողոցի թիվ 8/1 շենքի մոտ իրար են բախվել «ԲՄՎ» և «Մերսեդես» մակնիշի ավտոմեքենաներ, ինչի հետևանքով «ԲՄՎ»-ի վարորդը՝ 1956 թ. ծնված Արմեն Ավետիսյանը, տեղում մահացել է:
Կատարվում է քննություն:

Հունիսի 14-ին, ժամը 18.20-ին, «Շկոդա» մակնիշի ավտոմեքենայի վարորդը Երևանի Արզումանյան փողոցի թիվ 16 շենքի մոտ վրաերթի է ենթարկել 13-ամյա պատանու, ով մարմնական վնասվածքներով տեղափոխվել է հիվանդանոց: 
Կատարվում է քննություն:

Հունիսի 14-ին, ժամը 22.20-ին, Երևանի Լենինգրադյան փողոցի թիվ 2 շենքի մոտ իրար են բախվել «Միցուբիշի», «Տոյոտա» և «ԲՄՎ» մակնիշի ավտոմեքենաներ:
Պատահարի հետևանքով «ԲՄՎ»-ի վարորդը մարմնական վնասվածքներով տեղափոխվել է հիվանդանոց: 
Կատարվում է քննություն:

Հունիսի 14-ին, ժամը 11.50-ին, «ՖԱՎ» մակնիշի ավտոբուսը Արտաշատի խճուղու թիվ 33 հասցեի մոտ արգելակել է, ինչի հետևանքով ուղևորը վայր է ընկել ու մարմնական վնասվածքներով տեղափոխվել հիվանդանոց: 
Կատարվում է քննություն:

Հունիսի 14-ին, ժամը 15.20-ին, Երևանի Արցախի պողոտայի և Ռոստովյան փողոցի խաչմերուկում անհայտ ավտոմեքենայի վարորդը վրաերթի է ենթարկել 56-ամյա քաղաքացուհու, որը մարմնական վնասվածքներով բուժօգնության է դիմել հիվանդանոց: 
Կատարվում է քննություն:

Հունիսի 14-ին, ժամը 16.30-ին, Երևանի Ազատամարտիկների և Նոր-Արեշի 11-րդ փողոցների խաչմերուկում իրար են բախվել «Օպել» մակնիշի ավտոմեքենա և «ԳԱԶ 32213» մակնիշի միկրոավտոբուս:
Միկրոավտոբուսի 3 ուղևորները մարմնական վնասվածքներով տեղափոխվել են հիվանդանոց: 
Կատարվում է քննություն:

Հունիսի 14-ին, ժամը 19.00-ին, «Պոռշե» մակնիշի ավտոմեքենան Երևանի Բաղրամյան պողոտայի և Երզնկյան փողոցի խաչմերուկում բախվել է «Լեքսուս» մակնիշի ավտոմեքենայի, ինչի հետևանքով «Լեքսուս»-ի վարորդը վրաերթի է ենթարկել 53-ամյա քաղաքացուհու, որը մարմնական վնասվածքներով տեղափոխվել է հիվանդանոց: 
Կատարվում է քննություն:

Հունիսի 14-ին, ժամը 11.20-ին, «ԲՄՎ» մակնիշի ավտոմեքենան Երևանի Բաբաջանյան և Անդրանիկի փողոցների խաչմերուկում վրաերթի է ենթարկել 80-ամյա քաղաքացուհու և 3-ամյա տղայի, ովքեր մարմնական վնասվածքներով տեղափոխվել են հիվանդանոց:
Կատարվում է քննություն:

Հունիսի 14-ին, ժամը 9.10-ի սահմաններում, «Նիսսան Իքս Տրաիլ» մակնիշի ավտոմեքենայի վարորդը Վաղարշապատի Կամո-Շահումյան փողոցների խաչմերուկում վրաերթի է ենթարկել 61-ամյա քաղաքացուհու և 2-ամյա աղջկա ու նույն ավտոմեքենայով վերջիններիս մարմնական վնասվածքներով տեղափոխել հիվանդանոց: 
Կատարվում է քննություն:

Հունիսի 14-ին, ժամը 16.25-ի սահմաններում, «ԲՄՎ-318» մակնիշի ավտոմեքենայի վարորդը Վանաձոր-Դիլիջան ճանապարհի 4-րդ կմ-ին վրաերթի է ենթարկել 8-ամյա տղայի և մարմնական վնասվածքներով տեղափոխել նրան հիվանդանոց: 
Կատարվում է քննություն:

Հունիսի 15-ին, ժամը 1.20-ին, «ՎԱԶ 2107» մակնիշի ավտոմեքենան Ծաղկաձոր քաղաքից դեպի Հրազդան ընթանալիս բախվել է ճանապարհի երկաթյա արգելապատնեշին:
Վարորդը մարմնական վնասվածքներով տեղափոխվել է հիվանդանոց: 
Կատարվում է քննություն: