Արցախում կազմակերպվել է առաջին օդային փառատոնը (լուսանկարներ)

«Ստեփանակերտի օդանավակայանը» Արցախ այցելող զբոսաշրջիկներին նոր հետաքրքիր ժամանցի հնարավորություն է տալիս: Ընկերությունը իր ստեղծման օրվանից երկտեղանի փոքրիկ ինքնաթիռով զբոսաշրջային թռիչքներ է իրականացնում մայրաքաղաքում ու հանրապետության գեղատեսիլ վայրերում: Թռիչքների գինը 10 րոպեն 10 հազար դրամ է:

Վերջին մի ամսում օդանավակայանը սկսեց համագործակցել «ՅելլԷքստրիմպարկ»-ի հետ: Եվ այս ծրագրի իրագործման պահից սկսած Ստեփանակերտի օդանավակայանը զբոսաշրջիկների ամենասիրելի վայրն է դարձել և Արցախ ժամանող յուրաքանչյուր զբոսաշրջիկ` իր հնարավորության սահմաններում օգտվում է, ամենօրյա զբոսաշրջային թռիչքներից:

«ՅելլԷքստրիմպարկ» ընկերության համահիմնադիր ՏիգրանՉիբուխչյանի հետ համագործակցելով օդանավակայանը ակտուալ ու հետաքրքրական դարձավ նաևՀայաստանիՀանրապետության բնակիչների համար: Եվ ամեն կիրակի ՀայաստանիՀանրապետությունից մի խումբ երիտասարդներ Տ. Չիբուխչյանի գլխավորությամբ այցելում են Ստեփանակերտ ճախրելու Ազատ Արցախում:

ԱՀ էկոնոմիկայի նախարարության և «ՅելլԷքստրիմպարկ» ընկերության հերթական կարևոր նախաձեռնությունն էր հունիսի 17-ին Ստեփանակերտի օդանավակայանում կազմակերպված օդային փառատոնը: Միջոցառման մասնակիցները հնարավորություն ունեին Ստեփանակերտի օդանավակայանից զբոսաշրջային թռիչքներ կատարել երկտեղանի ինքնաթիռով, պարապլանով և օդապարիկով: Նման ձևաչափով միջոցառում Արցախում առաջին անգամ էր կազմակերպվում և միջոցառման տոմսերի կարճ ժամանակահատվածում սպառումը ինքնին վկայում է միջոցառման կայացած և անհրաժեշտ լինելու մասին: Միայն 30 տոմս գնվել է Երևանում և փառատոնին ակտիվ մասնակցում էին նաևՀայասատանից ժամանած հյուրերը:

«Միջոցառման նպատակն է Արցախում զարգացնել զբոսաշրջության ոլորտը, բարձրացնել տեղեկացվածությունը Արցախի թեթևավիացիայի ներուժի մասին, աշխուժացնել երիտասարդական կյանքը, նպաստել երիտասարդության ազատ ժամանցի և առողջ ապրելակերպի կազմակերպմանն ու խրախուսել հետաքրքիր բիզնես նախագծերի իրականացումը»,-լրագրողների հետ զրույցում տեղեկացրեց Տ. Չիբուխչյանը:

ԱՀ էկոնոմիկայի նախարարի տեղակալ Սերգեյ Շահվերդյանն էլ ասել է, որ միջոցառումների նպատակը զբոսաշրջության զարգացումն է: «Մենք ուզում ենք ցույց տալ, որ Արցախը Հայաստանի մի մասն է, որտեղ ընթանում է բնականոն կյանք, երիտասարդությունը զվարճանում է, նաև այն, որ մենք բացի պատմամշակութային զբոսաշրջությունից ունենք նաև արկածային տուրիզմ»,- ասել է Ս. Շահվերդյանը:

Զբոսաշրջային թռիչքները իրականացվում էին Puzzle's 5 pieces, «Շուշվաբենդ», «Nemra» ռոքխմբերի կատարումների ներքո:

Լուսանկարները ստորև՝

 

Պատրաստեց Մերի Ղազարյանը։