Հայ պաշտոնյանների ծնողները. լուսանկարներ

Wnews.am-ը գրում է.

Նրանցից շատերը հավանաբար չէին էլ պատկերացնում, որ կգա մի օր, երբ իրենց կողմից դաստիարակված զավակները զբաղեցնելու են պետական բարձր պաշտոններ եւ լուծելու են պետության համար կարեւորագույն խնդիրներ։

Wnews.am-ը ներկայացնում է հայ պաշտոնյաների ծնողներին։

 

ՀՀ նախագահ Սերժ Սարգսյանն իր ծնողների հետ

Սերժ Սարգսյանի ծնողների տունը գտնվում է Ստեփանակերտի Տեղեցոնց կոչվող թաղամասում (այստեղ ժամանակին բնակություն են հաստատել Գորիսի Տեղ գյուղի բնակիչները)։ Հայրը՝ Ազատ Ավետիսի Սարգսյանը, մահացել է 2013 թվականի դեկտեմբերի 16-ին։

«Միշտ Սերժին ասում եմ`նախագահին ամեն օր ես տեսնում եմ: Հարցնում ա` ո՞նց ես տեսնում: Հենց ասում եմ տելեվիզրով, սկսում ա ծիծաղել»,- իր հարցազրույցում ասել է նախագահի մայրը` տիկին Նորան։

Նա նշել է, որ իրեն ոչ թե որդու պաշտոնն է պետք, այլ առողջությունը։

Նախագահի մայրը շարունակում է հասարակ քաղաքացու կյանքով ապրել Ստեփանակերտում։

՝«Բալա’ ջան, տի եշիլ մի (այդպես մի կարծի), վեր մեր տղան նախագահ ա, ուրեմն մեր քեթը ցից ա: Չէէ, մունք հասարակ մարդիկ ընք»,- ասում է տիկին Նորան։

ՀՀ արդարադատության նախարար Արփինե Հովհաննիսյանի մայրը՝Աննա Մկրտչյանը, Երևանի քաղաքապետարանի աշխատակազմի Էրեբունու և Նուբարաշենի ՔԿԱԳ տարածքային բաժնի պետն է։

«Ես երջանիկ եմ իմ դուստրերով, նրանց հաջողություններն իմ երջանկության գրավականն եմ համարում»,- հարցազրույցներից մեկում ասել է տիկին Մկրտչյանը։

Նա նաեւ նշել է, որ աշխատում է չթերանալ խոհանոցում, քանի որ դուստրերը սիրում են իր պատրաստած ուտեստները։

ԱԺ պատգամավոր, երգչուհի Շուշան Պետրոսյանի մայրը օպերային հայտնի երգչուհի Արաքս Մանսուրյանն է, ով  բնակվում է Ավսրիայում։

2015 թվականին Առաջին հանրապետության տոնի առթիվ Արաքս Մանսուրյանին շնորհվել է «Հայրենիքին մատուցած ծառայությունների համար» 1-ին աստիճանի մեդալ։

ՀՀ կառավարության աշխատակազմի ղեկավար-նախարար Դավիթ Հարությունյանը եղբայրների ու մոր՝ Լուարա Դավթյանի հետ։

Տեւական ժամանակ լուրեր էին շրջանառվում, թե Դավիթ Հարությունյանի մայրն ապրում է ծերանոցում, սակայն նախարարը հերքել էր այդ տեղեկությունները։

 

 

Ընտանիքի հայրը՝ Նիկոլայ Ծառուկյանը, մասնագիտությամբ էլեկտրատեխնիկ է, այժմ զբաղվում է հասարակական գործունեությամբ։ Գագիկ Ծառուկյանի մայրը՝ Ռոզա Ծառուկյանը, մասնագիտությամբ հաշվապահ է և «Մուլտի Ագրո» սահմանափակ պատասխանատվությամբ ընկերության նախագահն է։

ՀՀ քննչական կոմիտեի նախագահ Աղվան Հովսեփյանի եւ ԱԺ պատգամավոր Ռուբեն Հովսեփյանի հայրը՝ Գառնիկ Հովսեփյանը, մահացել է այս տարվա օգոստոսին Չքնաղ գյուղում։

Տարիներ առաջ մահացել է նաեւ Աղվան Հովսեփյանի մայրը։

Իր հարցազրույցներից մեկում Աղվան Հովսեփյանը հոր մասին հետեւյալն է պատմել. «Եղբայրներով ցանկանում էինք պատրաստել պապուս եւ տատուս գերեզմանաքարը, արդեն նախագծել, գծագրել, պլանավորում էինք, ինքս էլ ուզում էի քանդակել, տաշել, երբ հայրս կանչեց եւ ասաց. “Տղաս, գիտեմ, ինչով ես զբաղված: Բայց սա իմ հերն ու մերն են, սա ես պետք է անեմ”: Եվ ինքն արեց»:

«Ժառանգություն» կուսակցության առաջնորդ Րաֆֆի Հովհաննիսյանի հայրը` Կալիֆոռնիայի համալսարանի պրոֆեսոր, հայագիտության ամբիոնի վարիչ Ռիչարդ Հովհաննիսյանն է։

«Բարգավաճ Հայաստան» կուսակցության նախագահ Նաիրա Զոհրաբյանը մոր եւ դստեր հետ