Թե ինչ փոխվեց Մեծ Բրիտանիայում՝ ծխելն արգելող օրինագծի ընդունումից հետո

Արդեն անգամ բրիտանացիներն են դժվար հիշում, թե ինչ տեսք ունեին այգիներն ու հասարակական վայրերը 10 տարի առաջ՝ մինչ ծխելն արգելող օրինագծի ընդունումը։ Դրսում որոշ ժամանակ անցկացնելուց հետո մարդկանց հագուստից ծխի տհաճ հոտ էր գալիս, իսկ փողոցները լի էին ծխախոտի մնացուկներով։

Նոր օրենքի ընդունումը Մեծ Բրիտանիայում համարվում է որպես հասարակական առողջության պահպանմանն ուղղված մեծ քայլ։ Չնայած՝ ամեն ինչ այդքան էլ հեշտ չէր, սակայն 10 տարում դրական տեղաշարժ իսկապես նկատվել է․ արդյունքները տեսանելի են բոլորի համար։

Ահա, թե վերջին 10 տարում մասնավորապես ինչ փոփոխություններ են տեղի ունեցել Մեծ Բրիտանիայում։

1․ Օրեցօր ավելի շատ մարդիկ են թողնում ծխելը

Արգելքի սահմանումից հետո մարդիկ սկսեցին գիտակցել, թե որքան վնասակար է ծխելը։ 2007 թվականից ի վեր ամեն տարի կրճատվում է ծխող մարդկանց քանակը։ Այս 10 տարիների ընթացքում մինչև 16 տարեկան ծխող երեխաների քանակը ևս պակասել է՝ հասնելով մինչև 3%-ի, ինչը Բրիտանիայի պատմության մեջ երբևէ ամենացածր ցուցանիշն է։

2․ Ավելի քիչ մարդիկ են հոսպիտալացվում

Վիճակագրական տվյալները ցույց են տալիս, որ սրտի կաթվածի, ասթմայի և թոքի ինֆեկցիաների պատճառով ավելի քիչ մարդիկ են հոսպիտալացվում։ Արգելող օրենքի ընդունումից ընդամենը մեկ տարի անց սրտի կաթված ստացած մարդկանց քանակը նվազեց 2.4%-ով։ Միգուցե թվա, թե սա մեծ ցուցանիշ չէ, բայց 2․4%-ը նույնն է ինչ 1,200 մարդ։

3․ Հրաժեշտ՝ բրենդային փաթեթվորումներին

Մեծ Բրիտանիայում ծխախոտի տուփերի վրա այլևս նշված չեն բրենդի անվանումը և այլ մանրամասները։ Փոխարենը առաջին երեսին պատկերված են սարսափելի նկարներ, որոնք նախազգուշացնում են, թե ինչ ահավոր հիվանդություններ կարող է առաջացնել ծխախոտի օգտագործումը։

Ավստրալիան ծխելն արգելող օրինագիծ ընդունեց Բրիտանիայից 3 տարի առաջ։ Ծխախոտի տուփի վրա նման նկարներ տեղադրելուց հետո պարզվեց, որ ծխողների քանակն իսկապես նվազում է։ Հենց այս օրինակին էլ հետևեց Բրիտանիան, ուր նախատեսված է, որ այդպիսի տուփերի շնորհիվ 300,000 բրիտանացիներ շուտով կթողնեն ծխելը։

4․ «Պասիվ ծխող» երևույթի մասին ավելի շատ մարդիկ իրազեկվեցին

Օրենքի ընդունումը դրական ազդեցություն ունեցավ նաև այն մարդկանց համար, ովքեր չեն ծխում, սակայն նրանց ընտանիքի անդամը/զուգընկերը ծխում է։ Մարդիկ իրազեկվեցին այն մասին, որ ծխող մարդու կողքին կանգնածի առողջությունը նույնքան վտանգված է, որքան հենց ծխողինը։ Այժմ ծխով լինի սենյակում գտնվելը բրիտանացիների համար կարծես մղձավանջ լինի։

5․ Կայարաններում նույնպես չեն ծխում

Որոշ կազմակերպություններ որոշեցին ավելի խիստ արգելքներ սահմանել, քան օրենքն էր պահանջում։ Օրինակ՝ Մեծ Բրիտանիայի երկաթուղիները շահագործող ընկերությունը բոլոր կայարաններում արգելեց ծխելը։ Միգուցե նրանց անհանգստացնում էր այն փաստը, որ 1987 թվականին Kings Cross կայարանում բռնկված հրդեհից 31 մարդ զոհվեց։ Հրդեհի պատճառը մի մարդ էր, ով իր ծխախոտը վառելուց հետո լուցկու այրվող հատիկը շպրտել էր երկաթգծի ուղղությամբ։

6․ Դեռահաս ծխողների քանակը կրճատվեց

Այն սարքերը, որոնց մեջ կարելի է գումար գցել և ստանալ ծխախոտի տուփը, արդեն անցյալում են։ Բրիտանիայում արգելվում է նման սարքերի միջոցով ծխախոտի վաճառքը։ Նախկինում 16 տարեկանի փոխարեն այժմ ծխելն արգելված է 18 տարեկանից փոքրերի համար։ Նաև աճել են ծխախոտի գները․ դեռահասները, որոնց գրպանում այդքան էլ շատ գումար չկա, չեն կարողանա անգամ այլ ճանապարհներով ծխախոտ ձեռք բերել։

7․ Մեքենայի մեջ ծխելու արգելքը

Եթե մեքենայի մեջ 18 տարեկանից փոքր երեխա է գտնվում, ապա ծխելն արգելվում է։ Պատճառն այն է, որ պասիվ ծխող լինելու արդյունքում ամենաշատը տուժում են երեխաները․ նրանց շնչուղիներն ավելի փոքր են և նրանք ավելի արագ են շնչում։

8․ Տարածում են գտել էլեկտրոնային ծխախոտները

Չնայած՝ այս տեսակի ծխախոտները շատ ավելի անվնաս են, քան սովորականները, այնուամենայնիվ մարդիկ բաժանվել են երկու խմբի․ մի մասը դրական բերաբերմունք ունի, իսկ մյուս խմբի մարդիկ դեմ են էլեկտոնային ծխախոտներին և առաջարկում են դրանք ևս արգելել։