Ցանկություն, աշխատասիրություն, համբերություն` այս երեք քայլերը քեզ կդարձնեն պարող. Գևորգ Վերդյան

Citylife.am- Գևորգ՛, բավականին երիտասարդ եք, բայց արդեն ունեք Ձեր պարի ստուդիան։ Մտահաղացումը Ձե°րն է եղել, թե° հարազատներինը։

Գևորգ– Անկեղծ ասած իմն է եղել։ Ես մանկուց երազել եմ ունենալ խումբ, և երբ դարցա 20 տարեկան՝ երազանքս իրականացրի։

Citylife.am- Ինչու° որոշեցիք հենց նման ստուդիա հիմնել, ի°նչն էր պատճառը։

Գևորգ-Որովհետև ես ինքս պարող-բեմադրիչ եմ, և ցանկանում էի, որպեսզի իմ ունեցած գիտելիքները փոխանցեմ երեխաներին։Citylife.am- Դժվար չէր արդյո°ք նման տարիքում բավականին մեծ ծանրաբեռնվածություն վերցնել Ձեր ուսերին։

Գևորգ– Իհարկե՛, դժվար էր, բայց երբ դու զբաղվում ես քո սիրած մասնագիտությամբ, դա ավելի է հեշտացնում աշխատանքի ընթացքը։

Citylife.am- Գևորգ՛, գիտեմ, որ Ձեզ մոտ կարող են ընդունվել 4 տարեկանից սկսած։ Ինչպե°ս է կատարվում ընդունելությունը, ի°նչն եք առաջնահերդ ուշադրություն դարձնում նրանց մեջ։

Գևորգ– Ընդունելության առումով ինձ մոտ շատ հեշտ է։ Ես ցանկացած տեսակի երեխա ընդունում եմ, որովհետև ես իրավունք չունեմ կոտրել երեխային, եթե նա ցանկանում է պարել, ապա պետք է պարի։ Ժամանակը և աշխատասիրությունը կիրականացնեն բոլոր ցանկությունները։Citylife.am- MHP Dance Studio-ն շուրջ 4 տարի է, ինչ Ձեր գլխավորությամբ հանդես է գալիս մի շարք համերգներով։ Այդ ընթացքում, ի°նչ ձեռքբերումներ եք ունեցել։

Գևորգ– Ունեցել ենք մեծ հաջողություններ, բազմակի անգամներ նվաճել ենք առաջին հորիզոնական՝ Հայաստանի տարածքում , ինչպես նաև Վրաստանում երկու անգամ 12 երկրներից մենք արժանացանք Grand Pri մրցանակին։

Citylife.am- Ունե°ք մտադրություն բացի Երևանից, մարզերում նույնպես գործունեություն ծավալել։

Գևորգ– Այո՛, իհարկե ունենք ծրագրեր։ Աշխատում են, որպեսզի մասնաճյուղեր լինեն նաև մարզերում։ Մենք այնպես ենք ուզում անել, որ բոլորին հարմար և հասանելի լինի։

Citylife.am- Առաջիկայում ի°նչ համերգներ կամ շրջագայություններ են ապասում։

Գևորգ- Հուլիսի 21-ին ունենք միջազգային մրցույթ Վրաստանում։ Հոկտեմբերին պատրաստվում ենք մասնակցել IDO միջազգային մրցությին՝ դա արդեն Հայաստանում։