Արվեստն իր բոլոր դրսևորումներով իմ տարերքն է եղել մանկության տարիներից. Տաթև Գրիգորյան

Citylife.am-ն այս անգամ շատ հաճելի  և հետաքրքիր հարցազրույց ունեցավ դերասանուհի Տաթև Գրիգորյանի հետ:

Citylife.am- Տա‘թև, սերը դեպի թատերական աշխարհ եկել է դեռ մանկության տարիներից: Ինչպե՞ս եղավ արձագանքը ընտանիքի անդամների կողմից, երբ որոշեցիք, որ պետք էընդունվեք թատերական ինստիտուտ:

Տաթև– Արվեստն իր բոլոր դրսևորումներով իմ տարերքն է եղել մանկության տարիներից, բայց երբեք չեմ երազել դերասանուհի դառնալու մասին: Բավականին ուշ եմ հասկացել, որ դերասանական արվեստը  միակ մասնագիտությունն է, որտեղ ես ինձ կգտնեմ: Որոշումս, բնականաբար, ընտանիքիս զարմացրեց, սակայն հարգեցին իմ ցանկությունը, որի համար շնորհակալ եմ: Citylife.am- Կամերային երաժշտական թատրոնի դերասանուհիներից եք: Ներկա պահինինչպիսի՞ զբաղվածություն ունեք թատրոնում:

Տաթև – Երևանի կամերային երաժշտական պետական թատրոնում աշխատել եմ հինգ տարի, բայց այս պահին այնտեղ չեմ աշխատում:  Իմ հիմնադրած «Նուրի» թատերախմբով պարբերաբար հանդես ենք  գալիս Հայաստանի պետական ֆիլհարմոնիայի «Դպրոցականի  ֆիլհարմոնիա» նախագծում և  նույն թատերախմբով պատրաստվում ենք ներկայացնել նոր նախագիծ` ‹‹Երգում են դերասանները››, որտեղ ընդգրկված են պրոֆեսիոնալ երաժիշտներ և մեր թատերախմբի դերասանները: Չեմ ուզում ավելի մանրամասնել: Վերջին շրջանում համագործակցում եմ նաև Հ. Թումանյանի անվան պետական տիկնիկային թատրոնի հետ:Citylife.am- Թատրոնում ձեր կերտած բոլոր կերպարներից կնշեք այն մեկը, որն առավելյուրահատուկ էր ձեզ համար:

Տաթև – Իմ  բոլոր կերպարները՝ սկսած Ժան Պոլ Սարտրի  ‹‹Դռնփակ››  պիեսի Էսթելից, իմ կենսագրության հրաշալի իրողություններն են, բայց ես ուզում եմ առանձնացնել Գեյշան:  Սեյ Սենագոնի ‹‹Նամակներ բարձի տակ›› ստեղծագործության հիման վրա Սամսոն Մովսեսյանը բեմադրել է ‹‹Գեյշա›› ներկայացումը, որտեղ ես մեծ սիրով մարմնավորել եմ Գեյշայի կերպարը: Նագիկո Սեյ Սենագոնի փիլիսոփայությունը բոլոր ժամանակների և բոլոր ժողովուրդների կանանց հագեբանական կերտվածքի մասին է:  Ես շնորհակալ եմ Սամսոն Մովսեսյանին, ում հետ աշխատում եմ արդեն 9 տարի:
‹‹ՊԱԼԱՏՈՒՄ ՎԱՌՈՒՄ ԵՆ ԱՐՀԵՍՏԱԿԱՆ ԼԱՄՊԵՐԸ…ՆՐԱՆՑ ԼՈՒՅՍԸ ՍԱԿԱՅՆ ՉԻ ՋԵՐՄԱՑՆՈՒՄ ՄԱՐԴՈՒ ՀՈԳԻՆ….ՍԱ Է ՏԽՐԵՑՆՈՒՄ›› Սեյ ՍենագոնCitylife.am-  Տաթև, բավականին լավ ձայնային տվյալներ ունեք: Հնարավո՞ր է արդյոք միօր ձեզ տեսնենք բեմում արդեն՝ որպես երգչուհի:

Տաթև – Ես արդեն մենահամերգ եմ ունեցել Հայաստանի պետական ֆիլհարմենիայի ‹‹Առնո Բաբաջանյանի››  անվան համերգասրահում՝ հրաշալի երաժիշտներ Արսեն Ներսիսյանի, Վարդան Գաբոյանի, Արթուր Մոլիտվինի և Նարեկ Կեչումյանի հետ: Նույն խմբով ելունթ ենք ունեցել նաև ‹‹Ուլիխանյան›› ակումբում, բայց որպես երգչուհի հայտ ներկայացնելու միտում չունեմ: Ես դերասանուհի եմ և սիրում եմ երգել:

Citylife.am-  Վերջերս նկարահանվեցիք «Քավարան» հեռուստանովելում: Ինչպե՞ս եքվերաբերվում նման ձևաչափով սերիալներին, քանի որ այն կարծես թե շատ տարածվածչէ մեր երկրում:

Տաթև– Գիտեք, երբ սցենարը լավն է, ռեժիսորը ճիշտ դերասաններ է ընտրել, ստեղծագործական խումբը պրոֆեսիոնալ է, ձևաչափը արդեն կարևոր չէ ինձ համար։ «Քավարանը» այդ դեպքն է։ Կարծում եմ՝ չեմ չափազանցնում։Citylife.am- Մի փոքր կպատմեք ձեր կերպարի մասին:  Ինչպե՞ս և ու՞մ կողմից ստացաքառաջարկը:  

Տաթև– Իմ կերպարը մելոման է, խաղաղության «աղավնի», բարի ու ներողամիտ: Իմ կարծիքով խիստ դրական կերպարում դժվար է ներկայանալ, դժվար է ակտիվանալ: Թե որքանո՞վ է ստացվել, հեռուստադիդողը կորոշի։ Ես սիրեցի Էլիզին: Առաջարկը ստացել եմ Տաթև Կետիկյանից, ով ինձ նրկայացրեց ռեժիսոր Հարութ Շատյանին: Շատյանի հետ քննարկեցինք իմ կերպարը,  և մենք ընդհանուր հայտարարի եկանք:Citylife.am-  Ինչպե՞ս էին ընթանում նկարահանումները: Գիտեմ, որ բավականին բարդպայմաններում եք աշխատել, արդյոք դժվար չէ՞ր:

Տաթև– Նկարահանումներն, իսկապես, դժվար էին, դա հեռուսադիտողն էլ կհասկանա։ Բայց հաճելի հոգնածություն եմ հիմա զգում։ Կարծում եմ` բոլորս ենք այս հոգեվիճակում։

Citylife.am- Շնորհակալություն անչափ հետաքրքիր հարցազրույցի համար: Մաղթում եմ նորանոր հաջողություններ և ամենայն բարիք: