Բանագետ Ալվարդ Ղազիյանին կհիշեն որպես իր ժողովրդի վաղվա օրով մտահոգվող ազնիվ մարդու

 Կյանքի 86-րդ տարում վախճանվել է բանագետ, ժողովրդագետ Ալվարդ Ղազիյանը:

«Արմենպրես»-ի հաղորդմամբ` նրա հոգեհանգստի արարողությունը տեղի է ունենալու հուլիսի 4-ին, ժամը 19:00-ին՝ Հրաչյա Քոչար 22 շենքի 8-րդ բնակարանից, իսկ վերջին հրաժեշտի արարողությունը նույն տեղից ժամը 13:00-ին:

ՀՀ ԳԱԱ հնագիտության և ազգագրության ինստիտուտի բանահյուսության, տեքստաբանության բաժնի վարիչ, բգդ. Թամար Հայրապետյանը շատ կարևորեց Ալվարդ Ղազիյանի դերն ու նշանակությունը իրենց ինստիտուտի գործունեության մեջ:

«Ընդգծված քաղաքացիական պարտքի գիտակցության տեր անձնավորություն էր: Նրա համար առաջնայինը պետության, հասարակության, աշխատանքի շահն էր»,- ասաց Հայրապետյանը:

Բանագետը հեղինակել է յոթ տասնյակից ավելի գիտական լրագրային հոդվածներ, գրախոսական հրապարակումներ: Ուշադրության են արժանի նշանավոր հայագետ, բանագետներին, հայազգի ռազմական անվանի գործիչներին նվիրված նրա հոդվածները:

«Ճանաչված բանագետի, իր ժողովրդի վաղվա օրով մտահոգվող ազնիվ քաղաքացու հիշատակը միշտ վառ կմնա իր հարազատների, գործընկերների և ճանաչողների սրտերում»,- նշեց Հայրապետյանը:  

Ալվարդ Սարուխանի Ղազիյանը ծնվել է 1930 թվականի դեկտեմբերի 13-ին Հայկական ԽՍՀ Իջևանի շրջանի Սարիգյուղում` Ղարաբաղից այստեղ տեղափոխված ընտանիքում: 1937 թվականին ընդունվել և 1947 թվականին ավարտել է քաղաքի թիվ 10 հայկական միջնակարգ դպրոցը: Նույն թվականին ընդունվել է Երևանի պետական համալսարանի բանասիրական ֆակուլտետի «Հայբանասիրություն» բաժինը, որն ավարտել է 1960 թվականին։ 1961 թվականի հոկտեմբերին Ալվարդ Ղազիյանն ընդունվել է ՀԽՍՀԳԱ հնագիտության և ազգագրության ինստիտուտի հայ ժողովրդական բանահյուսության բաժինը, որտեղ աշխատում է մինչև օրսաշխատում էր։

1971 թվականին Ալվարդ Ղազիյանը պաշտպանել է «Հայ ժողովրդական ռազմի և զինվորի երգեր» թեմայով թեկնածուականատենախոսությունը, որը տպագրվել է 1989 թվականին։

Ալվարդ Ղազիյանը 1994 թվականից եղել է ԼՂՀ գրողների միության անդամ։ 

Ալվարդ Ղազիյանը կազմել և հրատարակել է «Հայ ժողովրդական հեքիաթներ» գիտական հրատարակության 13-րդ (Մուշ-Տարոն, 1985) և 14-րդ (Վասպուրական, 1999) հատորները։

2004 թվականին Ալվարդ Ղազիյանը Ս. Վարդանյանի հետ հավաքել, կազմել և հրատարակել է «Բաքվի հայոց բանահյո