Ցանկացած նախասիրությունից առավել է ընտանիքիս հետ հաճելի ժամանակ անցկացնելը. Գևորգ Մարտիրոսյան

Citylife.am.  Երկրպագուների մեծ բանակ ունեցող երգիչ, այսօր արդեն դերասանական ասպարեզում իր ուժերը փորձող, սկսնակ,  բայց արդեն համակրանք վայելող դերասան: Ո ՞րն է հաջողության գաղտնիքը, Գևո՛րգ:

Գևորգ. Պետք է մշտապես աշխատել, նպատակներ ունենալ և ձգտել ավելիին: Ոչ ոք քեզ համարճանապարհ չի հարթելու, եթե դու ինքդ քեզ վրա չաշխատես: Իհարկե, բացի աշխատասիրությունիցնաև տաղանդ է հարկավոր, այս դեպքում պետք է թե՛ մեկը, թե՛ մյուսը: Իմ դեպքում պահանջվել էտարիների քրտնաջան աշխատանք, և դեռ շատ եռանդ է պետք:

Citylife.am.  Գևո՛րգ, դեռ դպրոցական տարիներից հետաքրքրվում էիք ֆուտբոլով, բայց միևնույն ժամանակ հաճախում էիք ջութակի դասերի, ինչպե՞ս ստացվեց, որ արվեստի նկատմամբ սերը հաղթեց սպորտասերին:

Գևորգ. Սխալ կլինի ասել թե հաղթեց, պարզապես եղան մի շարք խանգարող հանգամանքներ՝ստացա ոտքի վնասվածք: Այս և մի շարք այլ խնդիրներ հանգեցրին սպորտը թողնելուն:

Citylife.am.  Միշտ ներկայանում եք այնպիսի երգերով, որոնք շատ արագ յուրացվում են ունկնդիրների կողմից, հատականշական է, որ երգերը դյուրամարս են, հեշտ հիշվող: Հետաքրքիր է՝ ի՞նչպես են ծնվում նոր երգերը:

Գևորգ. Երգերիս հեղինակները հիմնականում ՎահրամՊետրոսյանն և Ռիչարդ Մադլենյանն են, երբեմն ես նույնպեսստեղծագործում եմ: Երգերի վրա շատ երկար եմ աշխատում, մանրազննին երգը ուսումնասիրում եմ: Այն պետք է նաև իմէությանը համապատասխանի, որպեսզի ես կարողանամ ըստարժանվույն ներկայացնել:

 Citylife.am. Խոսենք մի փոքր Ֆուլ Հաուսի մասին, ինչն այս օրերին շատ քննարկվող է: Ինչպե՞ս հայտնվեցինք դերասանական կազմում, ինչպե՞ս էին անցնում նկարահանումները:

Գևորգ. Առաջարկը Արմեն Պետրոսյանի կողմից էր: Մեծ սիրովընդունեցի, քանի որ սիթքոմը շատ հաջողված ու սիրված էր, ուես անձամբ շատ էի հավանում: Ինձ համար սա նոր ասպարեզէր, ճիշտ է՝ ես դերասան չեմ, բայց ինձ դուր է գալիս այս աշխատանքը: Հաճելի էր նաև աշխատելանձնակազմի հետ, ովքեր իմ հին և լավ ընկերներն են:

Citylife.am. Խոսեցինք մասնագիտության, աշխատանքի մասին, իսկ նախասիրություններ ունի Գևորգ Մարգիրոսյանը:

Գևորգ. Միանշանակ սպորտն է, սպորտ, սպորտ… Կցանկանայի, որտղաս այդ ուղին ընտրեր, իհարկե, դա առայժմ իմ ցանկությունն է, երբ մեծանա թող ինքը իր ցանկությամբ առաջնորդվի: Երգարվեստը ևս կարող եմ համարել նախասիրություն. այն ինձ համար ոչ միայն աշխատանք է, այլև հաճելի զբաղմունք: Ցանկացած նախասիրությունից առավել է ընտանիքիս հետ հաճելի ժամանականցկացնելը, նրանց հետ քաղաքից դուրս բնության գրկում լինելը: Աշխատանքս շատ ժամանակ է խլում ինձնից, բայց հնարավորինսփորձում եմ  <<կեսերիս>>  հետ լինել:

 Citylife.am. Գևո՛րգ, խոսեցիք Ձեր որդու մասին, իսկ հետաքրքիր է՝ ինչպե՞ս եք զբաղվում նրա դաստիրակությամբ. շեշտն ինչի՞ վրա եք դնում:

Գևորգ. Որդուս հետ պարզապես ընկերություն ենք անում: Անձամբչեմ հիշում, ոը հայրս ինձ խրատած կամ պատժած լինի: Տղայիս հետ էլ նույն սկզբունքով եմ շփվում: Սխալի դեպքում փորձում եմ ընկերաբար բացատրել: Գտնում եմ, որ հայր և որդի նախ և առաջ պետք էընկերներ լինեն. մեր դեպքում այդպես է:

Citylife.am. Միշտ հետաքրքիր է տղամարդու համար կնոջ իդեալի կերպարը: Ինչպիսի՞ն է Գևորգ Մարտիրոսյանի համար կնոջ, մասնավորապես՝ հայ կնոջ, իդեալը:

Գևորգ. Երբ այդպես եք ասում , ակամայից մայրս է գալիս աչքերիս առաջ: Ես նրա մեջ եմ տեսել հայկնոջ, մոր կերպարը՝ բարի և անսահման նվիրվածությամբ: Կարծում եմ կինն է հենց ընտանիքի սյունը, նա կարող է բարձրացնել իր ամուսնուն, լուսավորել իր ընտանիքը: Իմ ապագա կնոջը և երեխաներիմորը ես այդպիսին էլ պատկերացրել եմ: Եվ այսօր իմ ընտանիքում հենց այդպես է, տարիներիընթացքում զույգերը իրար լրացնելով գալիս են իրենց պատկերացրած իդեալի կերպարի ստեղծմանը:

Citylife.am. Գևո՛րգ, շնորհակալ եմ անկեղծ հարցազրույցի համար: