Կյանքը հենց հրաշք է, որ կա. Լուսինե Հովակիմյան

Ամանորին ընդառաջ Citylife.am-ը հարցազրույց ունեցավ սիրված դերասանուհի Լուսինե Հովակիմյանի հետ : Վերջին շրջանում «Թաքնված սեր» հեռուստասերիալում նկարահանվող դերասանուհին խոսել է ամանորյա ակնկալիքների , աշխատանքի և ընտանիքի մասին:

Citylife.am- Ժամանակին Դուք հրաժարվել եք կարիերայից` ընտրելով ընտանիքը: Ձեր ընտրությունը տվեց և´ երջանիկ ընտանիք, և´ իրականում չուշացած մասնագիտական վերելքներ: Ո՞րն է երջանիկ ընտանիք ունենալու գաղտնիքը:

Լուսինե– Ամուր սիրո հիման վրա ստեղծված ընտանիքն եմ համարում իսկական, երջանիկ ընտանիք:

Citylife.am- Ավարտին է մոտենում «Թաքնված սեր» հեռուստասերիալը, հետագա ի՞նչ ակնկալիքներ կարող են ունենալ հեռուստադիտողները Լուսինե Հովակիմյանից:

Լուսինե– Հետագայի հետ կապված հստակ ոչինչ ասել չեմ կարող: ՈՒզում եմ ավելի շատ բալիկներիս կողքին լինել:

Citylife.am- Որքանո՞վ եք սկզբունքային դերեր ընտրելիս, ի՞նչ չափորոշիչների եք առաջին հերթին ուշադրություն դարձնում:

Լուսինե– Ինձ համար հետաքրքիր կարող է լինել ցանկացած դեր, պարզապես կան բաներ, որ ուղղակի չեմ անի:

Citylife.am- «Թաքնված սեր» հեռուստասերիալի անձնակազմի սոցիալական էջերում տեղադրված լուսանկարներից կարելի է ենթադրել, որ առողջ և ջերմ միջավայրում եք աշխատում: Որքանո՞վ է Ձեզ համար կարևոր աշխատանքային միջավայրն ու կոլեկտիվը:

Լուսինե– Այո´, ճիշտ եք նկատել, ունեմ շատ ջերմ կոլեկտիվ, ինչի համար շնորհակալ եմ Շանթ հեռուստաընկերությանը: Աշխատանքային միջավայրն, իսկապես, շատ եմ կարևորում: Ես սիրով չէի աշխատի, եթե իմ աշխատավայրում լիներ վատ աուրա: Կոլեգաներիս դրական տրամադրվածությունն, անշուշտ, ազդում է իմ աշխատանքի վրա:Citylife.am- Կվերադառնա՞ք թատրոն:

Լուսինե– Չեմ կարծում…

Citylife.am- Եվ ո՞րն է պատճառը:

Լուսինե– Անկեղծ ասած դժվար կլինի համատեղել թատրոնը, հեռուստատեսությունը և ընտանիքը: Նկատի ունեմ` ուզում եմ ավելի շատ ընտանիքիս կողքին լինել, իսկ այդ ամենը միասին, ժամանակային առումով, դժվար կլինի համատեղել:

Citylife.am- Ի՞նչ ձեռքբերումներ և ձախողումներ ունեցաք անցնող տարում:

Լուսինե- Ձեռքբերումներ…չգիտեմ, ուղղակի բուռն աշխատանքային տարի էր: Ձախողումներ, բարեբախտաբար, չեն եղել:Citylife.am- Ի՞նչ ակնկալիքներ ունեք գալիք 2017թվականից:

Լուսինե– Ես միշտ մտածում եմ, որ լավ օրերն առջևում են…

Citylife.am- Ի՞նչ են Ձմեռ Պապիկից խնդրել Ձեր երեխաները. կհիշե՞ք` նրանց տարիքում դուք ի՞նչ էիք խնդրում:

Լուսինե– Երեխաներս խաղալիքներ են խնդրել, իսկ ես հստակ հիշում եմ` շա՜տ շոկոլադ էի խնդրում:

Citylife.am- Հավատում ե՞ք ամանորյա հրաշքներին: Ունե՞ք հրաշքի կատարման օրինակ Ձեր կյանքում:

Լուսինե– Իհարկե հավատում եմ: Կյանքը հենց հրաշք է, որ կա:

Citylife.am- Ձեր ամանորյա մաղթանքը հանրությանը:

Լուսինե– Պարզապես ուզում եմ միմյանց հանդեպ բարի լինենք:

Citylife.am-ը շնորհավորում է Ձեր գալիք Ամանորն ու ցանկանում օրհնություններով լի տարի: Շնորհակալ եմ, Լուսինե՛, հետաքրքիր զրույցի համար: