Մարդուն գնահատում են՝ ելնելով իր բոլոր առավելությունների ու թերությունների հանրագումարից. Գագիկ Մամուլյան

Ճարտարագիտական համալսարանի երբեմնի ուսանողն այսօր շատ հեռու է իր մասնագիտությունից: Նա այսօր ֆեյսբուքյան հայկական տիրույթի ամենավառ կերպարներից է և վայելում է բազմաթիվ մարդկանց համակրանքը: Citylife.am-ի այսօրվա հյուրը բլոգեր, լրագրող, սցենարիստ Գագիկ Մամուլյանն է:

Citylife.am. Գագիկ, հավանաբար դուք էլ մյուսների նման գրանցվեցիք Ֆեյսբուք սոցիալական կայքում, որովհետև այն նոր ու հետաքրքիր էր: Բայց Ձեր դեպքում ամեն ինչ չէ, որ եղավ սովորականի պես. ինչպե՞ս ստացվեց, որ հազարավոր մարդիկ հետևում են Ձեզ, հետաքրքրվում Ձեզնով:

Գագիկ. Նախ շնորհակալ եմ հարցազրույցի ցանկության համար 

: Գրանցվել էի 2010 թվականին` բանակ զորակոչվելուց առաջ, բայց առանձնապես ակտիվություն չէի ցուցաբերում Ֆեյսբուքում: Բանակից զորացրվելուց հետո որոշ ժամանակ Ֆեյսբուքն ինձ չէր հետաքրքրում, քանի որ ես, որպես իրեն հարգող ցանկացած զինվոր, սովորել էի ok.ru կայքում ազատ ժամանակ շփվել գեղեցիկ աղջիկների հետ: Պատահաբար մասնակցեցի ֆեյսբուքյան քննարկումներից մեկին, որից հետո Ֆեյսբուքը, ֆեյսբուքահայերը սկսեցին դուր գալ: 2013-ից Ֆեյսբուքում ակտիվացա, քանի որ աշխատանքս էլ արդեն պարտադրում էր` լրատվական կայքերից մեկի բլոգ բաժնի պատասխանատուն էի. մատս միշտ պետք է լիներ լրահոսի զարկերակին: Դե, բնականաբար, երբ աշխատանքդ Ֆեյսբուքում է, պետք է նաև չձանձրանալ. սկսեցի ինչ որ բաներ գրել, մասնակցել քննարկումների ու ակամա հայտնվեցի ֆեյսբուքահայության ուշադրության կենտրոնում: Կարճ ժամանակահատվածում ընկերներիս թիվը մեծացավ ու դարձավ ավելի հետաքրքիր:

Citylife.am. Ֆեյսբուքյան «հաջողություններով» Մամուլյանը, կարծես թե, չբավարարվեց. ունեք նաև բլոգ. խոսենք բլոգը ստեղծելու գաղափարի և գործունեության մասին:

Գագիկ. Քանի որ ես ավելի ուշ եմ սկսել շփվել ինտերնետ միջավայրի հետ այնպես, ինչպես հիմա, նախանձով էի նայում այն մարդկանց, ովքեր բլոգոլորտի ծիծեռնակներն են եղել: Իզաբելլա Աբգարյան, Սամվել Մարտիրոսյան, Արխանգելո. մարդիկ, ովքեր մինչև ֆեյսբուքն էլ ունեին բլոգ, հրապարակումներ էին անում իրենց բլոգներում ու ունեին բազմահազարանոց լսարան: Ես էլ բացեցի բլոգ, որտեղ սկզբում անում էի իմ մասնագիտությանը վերաբերող գրառումներ. ավտոմոբիլային նորություններ, առհասարակ ավտոմոբիլաշինության մասին, օգտակար խորհուրդներ վարորդներին: Հետո այն դարձավ ժամանցային: Հետագայում ժամանակ չունենալու պատճառով սկսեցի այն թարմացնել շատ մեծ պարբերությամբ, բայց վերջնական նպատակս է ստեղծել կայք, որը կունենա հետաքրքիր կոնտենտ ավելի լայն լսարանի համար:

Citylife.am. Ամեն օր համացանցը ակտիվորեն ողողում եք Ձեր հետաքրրքիր մտքերով, ո՞րն է Ձեր ոգեշնչման աղբյուրը:

Գագիկ. Ողողու՞մ