5 համադրություն, որ տգեղացնում է յուրաքանչյուր կնոջ (լուսանկարներ)

Wnews.am-ը գրում է.

Համարձակ փորձարկումներն ու անհամադրելին համադրելն այժմ նորաձև է, բայց կան համադրություններ, որոնք կարող են տգեղացնել անգամ ամենագեղեցիկ կառուցվածքը:

Wnews.am-ը ներկայացնում է համադրություններ, որոնցից անհրաժեշտ է խուսափել:

Մինչև ծունկ հասնող երկարաճիտ կոշիկներ + մինչև ծունկը հասնող կիսաշրջազգեստ.

Այս համադրությունը կարող ենք վստահ անվանել հայուհիների ամենասիրելի համադրությունը, սովորաբար այն կրում են մարմնագույն զուգագուլպաների հետ: Սա թերևս ամենաանթույլատրելի համադրությունն է, որը նկատելի կարճացնում է հասակը, եթե անգամ դուք ունեք երկար ոտքեր, այս համադրության դեպքում դրանք կիսով չափ կարճ են երևում: Բացի այդ, ոճաբանների կարծիքով, սա ամենաանճաշակ համադրություններից մեկն է: Ճիշտ տարբերակում կամ կիսաշրջազգեստը պետք է ավելի երկար լինի և ծածկի երկարաճիտ կոշիկների վերևի հատվածը, կամ երկարաճիտ կոշիկների փոխարեն հագնում եք բոտիլիոններ:  

Ճիշտ տարբերակներ՝

Լայն, կարճ տաբատ  + բարձրակրունկներ.

Երբ հագնում եք մինչև կոճը հասնող նեղ տաբատներ  + բարձրակրունկներ, ամեն ինչ հրաշալի է, բայց երբ տաբատը լայն է, միևնույն ժամանակ ՝ կարճ, այն չի կարելի հագնել բարձրակրունկների հետ: Լայն տաբատները, որոնք չենք ծածկում կոշիկների կրունկները, միանգամից կարճացնում են հասակը և վիզուալ ավելի գիրացնում կնոջը: Այնպես որ, լայն տաբատներ ընտրելիս անպայման ուշադրություն դարձրեք երկարությանը, դրանք պետք է ծածկեն ձեր բարձրակրունկների կրունկները:   

Ճիշտ տարբերակ՝

Ամառային թեթև զգեստ+ դասական սև կոշիկներ (лодочки) .

Կան մարդիկ, ովքեր  “սևը ամեն ինչի հետ էլ  սազում է” սկզբունքով այս կոշիկները համադրում են ինչի հետ պատահի: Բայց սուր ծայրով սև կոշիկների հետ պետք է զգույշ լինել, հատկապես, եթե խոսքը ամառային զգեստի հետ համադրության մասին է: Եթե այնուամենայնիվ, որոշել եք թեթև ամառային զգեստի հետ սև կոշիկներ հագնել, դրանք պետք է լինեն կամ նուրբ կապիչով բոկոտիկներ կամ հակառակը՝ կոնտրաստ ստեղծելով նուրբ զգեստի և կոպիտ  կոշիկների միջև:    

Ճիշտ տարբերակ՝

Տրիկոտաժե բոլերո +ինչ ասես

 Տրիկոտաժե կամ գործած բոլերոն հագուստ է, որն ուղղակի պետք է չհագնել, երբեք, ոչ մի բանի հետ: Այն փչացնում է յուրաքանչյուր կերպար:   

Մենք ասում ենք ոչ դրա յուրաքանչյուր տեսակին: 

Վերարկու + ուգգի

Տարօրինակ համադրություն  է էլեգանտ վերարկուն և ուգգիները: Ընդհանրապես, ուգգիները նախատեսված չեն քաղաքային կյանքի համար: Բայց եթե իսկապես շատ ցուրտ է և ուգգիից բացի ուրիշ ոչինչ չունեք, համադրեք  այն դուտե վերարկուների հետ:   

Ճիշտ տարբերակ՝