Ռեփը հասանելի է բոլորին, բայց ոչ բոլորին է ընկալելի. Արշո

Citylife.am-ի զրուցակիցն է ռեփեր Արշոն:

Citylife.am- Ե՞րբ և ինչու՞ ընտրեցիք երաժշտական հենց այս ոճը՝ ռեփը:

Արշո– Փոքր տարիքից սիրել եմ այս ոճը, միշտ ինձ հետաքրքիր է եղել ռեփը,  շատ եմ լսել: Հետո որոշեցի ինքս փորձել: Տասնչորս տարեկանից սկսեցի կարդալ, բայց գործերս հանրությանս ներկայացրեցի տասնհինգ տարեկանից:

Citylife.am– Ըստ ձեզ երաժշտական այս ժանրը ինչու՞ չեն սիրում մեծահասակները:

Արշո– Մեծահասակների մոտ  կարծիք է ձևավորվել, որ ռեփը, դա արագ-արագ ասված անբարո  բառերի շարք է: Դրա համար էլ չեն ընկալում այն: Ժամանակի ընթացքում կուղղվի այդ ամենը:

Citylife.am– Պատկերացրեք ձեզ 60 տարեկան հասակում: Կշարունակե՞ք ռեփ կարդալ:

Արշո– 60 տարեկան հասակում ոչ, բայց 40 տարեկանում շատ հավանական է:

Citylife.am– Ի՞նչ եք պատասխանում, երբ հարցնում են «Ի՞նչ կա, չկա»:

Արշո– Ինչ կա, չկային պատասխանում եմ կախված ժամանակից և նրանից, թե ինչ կա, չկա:

Cityife.am– Արդյո՞ք ռեփը հասանելի է բոլորին:

Արշո– Հասանելի է բոլորին, բայց ոչ բոլորին է ընկալելի:

Citylife.am– Ո՞ր իրադարձությունը ձեր կյանքում հանգեցրեց ռեփին:

Արշո–  Դեպի ռեփը ինձ հանգեցրեց իմ նպատակին, իմ ձգտմանը, իմ խոսքը բոլորին ասելու և հասկացնելու ցանկությունը:

Citylife.am– Հիմա երբ լսում եք ձեր առաջին գործերը, ի՞նչ կարծիք ունեք. շատ բանկշտկեիք: 

Արշո– Առաջին գործերս լսելուց հետո, իհարկե, շտկելու շատ բաներ կան, բայց դա էլ մի փուլ էր, որը անցել եմ: Եթե ամեն ինչ իդիալական լիներ, այժմ ես այսպիսի ահռելի աճ չէի ունենա:

Citylife.am– Ձեր կարծիքով ինչպե՞ս է ընկալում և ընդունում ռեփը հայերիտասարդությունը:

Արշո– Հայ երիտասարդությունը սիրում և ընդունում է ռեփը, և ես շատ ուրախ եմ  այդ փաստի համար: Նույնիսկ այնքան, որ ամեն երկրորդը, երորդը ինքն է փորձում կարդալ:Citlife.am– Արշո՛, ձեր և Լիլույի դուետը շատ սիրվեց հանդիսատեսի կողմից:  Ինչպե՞սստեղծվեց միտքը և ու՞մ կողմից:

Արշո– Լիլույի հետ որոշեցինք և արեցինք, իսկ եթե ցանականում ենք հզոր բան ստանալ, ապա ստանում ենք:

Citylife.am– Առաջիկայում ի՞նչ նորություններ ունեք:

Արշո– Առաջիկայում նոր տեսահոլովակներ, բայց ավելի բարձր մակարդակով  համագործակցություններ ռուս ռեփերների հետ և… այլ փակագծեր չբացեմ: