Ինչպես հեշտությամբ նիհարել 2-3 կգ առանց դիետայի

Դուք կարող եք շարունակել հաշվել ձեր կալորիաները և մտցնել նոր սահմանափակումներ ձեր սննդակարգի մեջ, բայց միևնույն ժամանակ չկորցնել ավելորդ քաշ: Սակայն կարող եք նաև սնվել ձեր ցանկությամբ և դրա հետ մեկտեղ նիհարել 2-3 կգ:

 

Յուրաքանչյուր մարդ գիտի, որ ավելորդ քաշ կորցնելու համար առանց սահմանափակումների չի կարող լինել: Սակայն, պահպանելով հերթական դիետան, մենք գալիս ենք ճիշտ հակառակ արդյունքի, քանի որ չգիտենք մեր օրգանիզմի առանձնահատկությունները: 

Այս առումով ճանաչված փորձագետ է համարվում մարկետինգի և կիրառական տնտեսագիտության պրոֆեսոր Բրայան Վանսինկը: Նա Կոռնելյան համալսարանի Սնվելու հոգեբանության փորձառարական կենտրոնի հիմնադիր-տնօրենն է, «Խելահեղ սնունդ. Ինչո՞ւ ենք մենք ուտում ավելին, քան մեզ թվում  է» գրքի հեղինակը:  Ձեզ ենք ներկայացնում գիտնականի և նրա կոլեգաների մի քանի եզրահանգումները, որոնք կօգնեն նորովի նայել ձեր սնվելու համակարգին:

 

1. Պլանավորում ենք նախօրոք. Մի զլացեք կիրակի երեկոյան կազմել ձեր ողջ շաբաթյա սնունդի մենյուն:  Գծեք գրաֆիկ և լրացրեք այն ըստ ձեր ցանկությունների: Երբ դուք աչքի առաջ ունենաք բոլոր այն ուտելիքների ցուցակը, որոնք պլանավորում եք օգտագործել, ապա շանսերը մեծ են, որ մենյուն կլինի առողջարար: Իսկ հետո մնում է միայն պահպանել այդ մենյուն ամեն օր: Այլապես եթե դուք տուն գաք աշխատանքից  և սնունդ պատրաստեք այն ամենից, ինչ կա այդ պահին ձեռքի տակ, ապա ճարպեր և այլ անօգուտ սնունդ օգտագործելու շանսերը ավելանում են:

 

2. Պահպանեք սնունդը սառնարանում. Կոռնելյան համալսարանում նիհարել ցանկացողների 20 տոկոսը խոստովանել են, որ նրանց մոտ ախորժակ է առաջանում, երբ նրանք տեսնում են սնունդ: Այդ պատճառով մի պահեք կոնֆետները, մրգերը և քաղցրավենիքը սեղանին կամ բաց դարակներում: 

 

3. Սովորում ենք ճապոնացիներից. Գիտական հետազոտությունները ցույց են տվել, որ ուղեղին անհրաժեշտ է 20 րոպե, որպեսզի այն ընկալի, որ դուք արդեն կշտացել եք: Իսկ եթե դուք ուտում եք արագորեն, թեկուզ մեծ չափաբաժնով սնունդ, ապա չեք հասցնում գիտակցել, որ արդեն սոված չեք և շարունակում եք ուտել: Դրա համար պետք է ուտել դանդաղ: Դրան կարող է օգնել, օրինակ, ճապոնական փայտիկների օգտագործումը: Դա բարդ է,  դժվար և ավելի անհարմար:

 

4. Ստեղծում ենք խոչընդոտներ. Պահեք սնունդը փաթեթներում. Ինչպես գրում է Վանսինկը, որքան ավելի դժվար է հասնել սնունդին, այնքան ավելի քիչ ջանք դուք կգործադրեք ուտելու համար: Փաթաթեք երշիկը և կարագը ժապավենի մեջ, հացը՝ փաթեթի և այլն: Այժմ մեկ բուտերբրոդ պատրաստելու համար պետք  կատարել բավականին շատ գործողություններ և նոր միայն ուտել:

 

5. Տեսողության խաբկանքը. «Գնահատելով կերածի չափն ու կալորիականությունը, մարդիկ հակված են կենտրոնանալ սնունդի արտաքին տեսքի վրա, այլ ոչ թե սեփական զգացումների», գրում է Վենսինկը: Օրինակ, ունենք երկու չափաբաժին սպագետի, որոնցից մեկը եփած է մեծ ամանում, մյուսը՝ փոքր: Եթե դուք ընտրեք երկրորդ տարբերակը, ապա ավելի շուտ կգիտակցեք, որ կերել եք բավականին շատ:

 

6. Իմացիր տեղը. Մարդը ուտում է ավելի շատ կոնֆետներ, եթե դրանք ձեռքի տակ են: Փորձարկման մասնակիցները ուտում էին 7.7 կոնֆետ մեկ օրում, եթե դրանք ձեռքի տակ էին, և 3.1 կոնֆետ, եթե  դրանց համար պետք էր գնալ և բացել դարակը: Նույնը վերաբերում է նաև այլ «վտանգավոր» ուտելիքներին:  Դա կօգնի ձեզ դիմակայել ավելորդ չափաբաժին ուտելու ցանկությանը:

 

7. Ամբողջի մասերը. Եվս մեկ հնարք. Նայեք երկու ամաններին, որտեղ դրված է նույն չափով միս, սակայն դրանցից մեկը մեկ ամբողջական կտոր է, իսկ մյուսը կտրատված է մանր կտորների, ինչի պատճառով էլ այն երևում է ավելի շատ և ախորժարար, սակայն դուք արդյունքում ուտում եք նույն բաժինը: 

 

8. Խոհանոց առանց հեռուսատցույցի.  «Եթե սեղանի առջև դրված է  հեռուստացույց, համարեք, որ դուք թակարդում եք», նշում է Վենսինկը: Ըստ նրա, մարդը չի կարող վերահսկել իր ուտելու գործընթացը, եթե կենտրոնացած է մեկ այլ բանի վրա՝ ընթերցանություն, հեռուստացույց, զրույց: