Ամեն ինչ անվտանգ արևայրուքի և այրվածքների կանխարգելման համար

Յուրաքանչյուր երկրորդ զբոսաշրջիկ երազում է հանգստից վերադառնալուց իր բերել ոչ միայն հիշողություններ, գեղեցիկ լուսանկարներ և հուշանվերներ, այլև` գեղեցիկ և հարթ արևայրուք:

Սակայն ոչ բոլորը գիտեն ճիշտ արևային լոգանք ընդունելու կանոնները, ինչի հետևանքով առաջանում են այրվածքներ` տհաճ երկարատև հետևանքներով:

Ըստ «sobesednik.ru»-ի՝ եթե անգամ Դուք գնացել եք ծով և հենց առաջին օրը ցանկանում ենք գտնվել լողափին թեկուզ մեկ ժամով, հրաժարվեք այդ մտքից, քանի որ Ձեր հանգիստը կարող է ուղղակի դժոխքի վերածվել. այրվածքները Ձեզ հանգիստ չեն թողնի օր ու գիշեր:

Ճիշտ և գեղեցիկ արևայրուք ունենալու համար արևի տակ պառկեք երկու րոպե փորի վրա, ևս երկու րոպե էլ մեջքի վրա, ապա ստվերոտ հատված գտեք և այնտեղ վայելեք ձեր հանգիստը:

Սոված կամ շատ մեծ քանակությամբ սննունդ ընդունած չարժի գնալ ծովափ:

Անպայման օգտագործեք արևապաշտպան կրեմներ, այն ոչ միայն այրվածքներից ձեզ կպաշտպանի, այլև՝ արևայրուքը գեղեցիկ և հարթ կդարձնի, իսկ եթե չեք ցանկանում, որ Ձեր աչքերի շուրջը կնճիռներ հայտնվեն, ապա անպայման Ձեզ հետ վերցրեք արևային ակնոցներ և գլխարկ, որը կպաշտպանի արևահարվելուց:

Այսպես 5 անհրաժեշտ խորհուրդներ արևային լոգանք ընդունելու հետևանքով այրվածքներ չստանալու համար:

1. Արևային լոգանք ընդունելու ժամանակ մաշկը չքորել, տեսանյութեր չնայել, թուլացեք և հանգստացեք
2. Շատ խմեք հեղուկներ, ցանկալի է՝ ջուր, աղի քանակը թույլ չի տալիս, որ հեղուկները դուրս գան օրգանիզմից:
3. Եթե դուք արևային լոգանք եք ընդունում մեջքի վրա պառկած, ապա գլխի տակ դրեք սրբիչ կամ բարձ այնպես, որ գլուխը բարձր լինի, որպեսզի արյան շրջանառությունը լավ կատարվի:
4. Արևի տակ տաքանալուց հետո չարժի միանգամից նետվել սառը ջրի մեջ: Կտրուկ տատանումներն օրգանիզմն ընդունում է որպես սթրես և կարող է հանգեցնել ճնշման բարձրացման: Արևի ուղիղ ճառագայթների տակ գտնելուց հետո վեր կացեք և ստվերոտ հատված տեղափոխվեք, կարճ ժամանակ մնալուց հետո միայն ջուրը նետվեք:
5. Շատ լավ է, եթե Դուք կարողանաք գտնել համախոհ, ում հետ կխաղաք վոլեյբոլ, ֆուտբոլ կամ այլ խաղեր, ծովափին ակտիվությունը ողջունելի է:

Հիշեք՝ մարդիկ տարբեր են և այն, որ ձեր հարևանը ողջ օրը նստած է եղել ծովափին և չի արևահարվել, դա երաշխիքներ չի տալիս, որ դուք ևս չեք արևահարվի:

Իսկ արևահարվելու պարագայում օգտագործեք կաթնային մթերքներ՝ թվվասեր, կեֆիռ, սերուցք: Դեմքի արևահարվելու պարագայում պատրաստեք դիմակ. 2 կարտոֆիլը եփել, ապա այն տրորել՝ վրան ավելացնելով սերուցք, որից հետո պատրաստված զանգվածը քսեք դեմքին, իսկ 15 րոպե անց հեռացրեք անձեռոցիկի միջոցով: