ԿԺԴՀ-ի շուրջ հակամարտությունն սպառնում Է միջուկային պատերազմով. Զիգմար Գաբրիել

 Գերմանիայի արտաքին գործերի նախարար Զիգմար Գաբրիելը չի բացառել, որ ԿԺԴՀ-ի շուրջ հակամարտությունը կարող Է հանգեցնել միջուկային պատերազմի, տեղեկացնում Է «Արմենպրես»-ը: 
Պատասխանելով MՊrkische Allgemeine Zeitung թերթի լրագրողի այն հարցին, թե ինքը կարծում Է արդյոք, որ հնարավոր միջուկային պատերազմի վերաբերյալ երկյուղներն ուռճացված են, նախարարն ասել Է. «Այն բացառված չԷ: Բայց սովորական զենքի կիրառմամբ պատերազմն Էլ աներեւակայելի շատ կյանքեր կխլի»: 
Իր հերթին Գերմանիայի կանցլեր Անգելա Մերկելն օգոստոսի 14-ին Phoenix գերմանական հեռուստաալիքին տված հարցազրույցում հայտարարել Է, թե ինքը համոզված Է, որ ԿԺԴՀ-ի վրա գործադրվող ճնշման նպատակը պետք Է լինի նրա միջուկային ծրագրի շուրջ բանակցությունների վերսկսումը: 
«Ինձ համար ակներեւ Է, որ խնդիրը պետք Է խաղաղ լուծում գտնի: Նպատակը պետք Է լինի բանակցային ձեւաչափի որոնումը, ինչպիսին «6 + 1» ձեւաչափն Էր»,-ասել Է նա:
Մերկելը նաեւ պաշտպանել Է ՄԱԿ-ի Անվտանգության խորհրդի կողմից Փենյանի վրա պատժամիջոցների ճնշման խստացումը եւ հույս հայտնել, որ ԱԽ-ի մշտական անդամներն ապագայում Էլ միասնական դիրք կբռնեն Հյուսիսային Կորեայի հարցում:
Ավելի վաղ ԱՄՆ-ի Կենտրոնական հետախուզական վարչության տնօրեն Մայք Պոմպեոն հայտարարել Է, որ Հյուսիսային Կորեայի հետ միջուկային պատերազմի անմիջական սպառնալիք չկա, չնայած լարվածության աճին: 
Պոմպեոն, սակայն, ընդունել Է, որ Փենյանի զինագործական ծրագիրը զարգանում Է այնպիսի տեմպերով, որոնք «ավելի ու ավելի մեծ տագնապ» են հարուցում, եւ նշել Է, որ հյուսիսկորեական հրթիռների նոր փորձարկումները չպետք Է ոչ մեկին զարմացնեն: 
Fox Nrws-ին տված հարցազրույցում նա ընդգծել Է, որ «ռազմավարական համբերությունը», որը Վաշինգտոնը ցուցաբերում Էր Փենյանի հրթիռային եւ միջուկային ջանքերի նկատմամբ, սպառվել Է: 
Իր հերթին Հարավային Կորեայի նախագահ Մուն Չժե Ինը հայտարարել Է, որ ԿԺԴՀ-ի հրթիռային ու միջուկային խնդիրն ամեն պարագայում անհրաժեշտ Է լուծել խաղաղ ճանապարհով: «Այլեւս ոչ մի պատերազմ չպետք Է լինի Կորեական թերակղզում: Հյուսիսկորեական միջուկային հիմնախնդիրը պետք Է լուծվի խաղաղ ճանապարհով, անկախ այն բանից՝ ինչ անկումների ու վերելքների ենք մենք բախվում»,- ասել Է նա:
Նախագահը նաեւ հույս Է հայտնել, որ ԱՄՆ-ը պատասխանատու եւ հանգիստ մոտեցում կդրսեւորի իրադրության կարգավորմանը:
Բացի այդ, Մուն Չժե Ինը հորդորել Է Փենյանին՝ «դադարեցնել սադրիչ գործողություններն ու սպառնալիքները», որպեսզի չվատթարանա Կորեական թերակղզու իրադրությունը:
ԱՄՆ-ի պետքարտուղար Ռեքս Թիլերսոնը եւ Պենտագոնի ղեկավար Ջիմ Մեթիսը նույնպես հանդես են եկել Փենյանի եւ Վաշինգտոնի հարաբերությունների ճգնաժամի խաղաղ կարգավորման օգտին: «Առայժմ դիվանագիտությունը նախընտրելի միջոց Է մնում, որը կարող Է ստիպել Հյուսիսային Կորային՝ փոխել իր գործելակերպը, ռազմական միջոցներն օժանդակ են»,-ասված Է երկու քաղաքական գործիչների հոդվածում, որը հրապարակել Է Wall Street Journal-ը:
Նրանք նշել են, որ «Վաշինգտոնը ձգտում Է բանակցություններ վարել Փենյանի հետ»: Այդ մոտեցումը, ինչպես գրում են ամերիկյան երկու գերատեսչությունների ղեկավարները, պաշտպանություն Է գտնում երկրների մեծամասնության կողմից: 
Համանման հայտարարությամբ հանդես Է եկել նաեւ ԱՄՆ-ի նախագահի ազգային անվտանգության հարցերով խորհրդական Հերբերտ Մաքմասթերը: «Մենք պատերազմին ավելի մոտ չենք, քան մեկ շաբաթ առաջ, բայց ավելի մոտ ենք, քան տասը տարի առաջ»,-ասել Է նա: Մաքմասթերը նշել Է, որ ԱՄՆ-ն անհրաժեշտության դեպքում պատրաստ Է ռազմական գործողություններ սկսել Հյուսիսային Կորեայի դեմ, թեեւ Վաշինգտոնը հակված Է իրադրությունը դիվանագիտական ջանքերի օգնությամբ կարգավորելուն: 
Իսկ Պեկինը հույսԷ հայտնել, որ ԿԺԴՀ-ի միջուկային դոսյեի խնդրի լուծմամբ շահագրգռված բոլոր կողմերը լրջորեն կքննարկեն այս թեմայի վերաբերյալ Մոսկվայի եւ Պեկինի համատեղ նախաձեռնությունները: Ինչպես օգոստոսի 14-ին հայտարարել Է ՉԺՀ-ի ԱԳ նախարարության պաշտոնական ներկայացուցիչ Խուա Չունյինը. «Ներկայում Չինաստանը հուսով Է, որ բոլոր կողմերը լրջորեն կքննարկեն եւ կընդունեն կարգավորման վերաբերյալ ՉԺՀ-ի ու Ռուսաստանի կողմից ներկայացված առաջարկությունները: Դրանք հիմնվում են «կրկնակի սառեցման» նախաձեռնության վրա եւ նպատակամղված են այն բանին, որ հարկ եղած ձեւով լուծվի Կորեական թերակղզու խնդիրը»,-ասել Է Խուա Չունյինը:
Նրա խոսքով՝ Պեկինը հույս ունի, որ բոլոր շահագրգիռ կողմերը իրենց ջանքերը կկենտրոնացնեն բանակցային գործընթացի շուտափույթ վերսկսման, ինչպես նաեւ Կորեական թերակղզու ճգնաժամի կարգավորման քաղաքական միջոցներ գտնելու վրա: 
Ռուսաստանի եւ Չինաստանի արտաքին քաղաքական գերատեսչություններն ավելի վաղ համատեղ հայտարարություն են արել Կորեական թերակղզու խնդիրների վերաբերյալ: Մասնավորապես, երկու կողմերը ԿԺԴՀ-ին առաջարկել են հայտարարել միջուկային փորձարկումների եւ հրթիռների արձակման մորատորիում, իսկ Հարավային Կորեային եւ ԱՄՆ-ին՝ ձեռնպահ մնալ տարածաշրջանում զորավարժություններ անցկացնելուց, հաղորդել Է ՌԻԱ Նովոստին: