Խորհուրդներ, թե ինչպես գտնել ձեր մատներին համապատասխան իդեալական մատանի

Դեռ հին ժամանակներից մատանին համարվում էր ամենակարևոր և արժեքավոր զարդերից մեկը: Այն խոսում է մարդու սոցիալական կարգավիճակի և անհատականության մասին: Բացի այդ այն նաև ձեռքն ավելի էլեգանտ է դարձնում և ընդգծում է դրա գեղեցկությունը: Սակայն սխալ մատանի ընտրելու դեպքում մենք կարող ենք նաև հակառակ արդյունքն ստանալ և ընդգծել ձեռքերի թերությունները:
Այսօր մենք ձեզ մի քանի խորհուրդներ կտանք, որոնք կօգնեն գտնել ձեր ձեռքերին և մատներին համապատասխան մատանիները:

Բարակ և փոքրիկ քարով մատանին ընդգծում է երիտասարդ մաշկի թարմությունը
Մեծ մատանիները իրենց վրա կուղղեն ուշադրությունը և կստիպեն ուշադրություն չդարձնել կնճիռների վրա
Երկարավուն քարով մատանիները մատներն ավելի երկար են ցույց տալիս
Եթե երկար մատներ ունեք ուրեմն կարող եք մեկ մատի վրա երկու մատանի դնել
Եթե շատ երկար մատներ ունեք, ուրեմն խուսափեք երկարավուն և օվալաձև քարերով մատանիներ կրելուց
Նեղ և բարակ մատանիներն ավելի են ընդգծում մատների հոդերը, ուստի նախընտրությունը տվեք ավելի մեծ քարերով մատանիներին
Եռանկյունաձև և ասիմետրիկ դեկորացիաներով մատանիները մատներն ավելի փոքր են ցույց տալիս:

Ըստ էթիկայի կանոնների
Ադամանդյա մատանիները միայն երեկոյի համար են: Մի կրեք դրանք ջինսի կամ սվիտերի հետ:
Մեկ ձեռքի վրա չափից շատ մատանիներ դնելը խոսում են կրողի անճաշակության մասին:
Նուրբ և երկրաչափական պատկերներով մատանիներն ավելի գեղեցիկ են նայվում ցուցամատի վրա
Տարբեր մետաղներից և տարբեր գույնի քարերով մատանիները պետք չէ միասին կրել
Վառ գույնի մատների լաքի հետ մի՛ կրեք թանկարժեք կամ մեծ և փայլուն քարերով մատանիներ
Եթե երեկույթի համար խիստ դրես-կոդ է սահմանված, ուրեմն կրեք միայն ամուսնական մատանին
Եթե ձեր եղունգները շատ երկար են ուրեմն մի՛ կրեք երկարավուն քարերով մատանիներ: Փոխարենը նախընտրությունը տվեք ավելի բարակ և փոքրիկ քարով մատանիներին
Բթամատին դրված մատանիները խոսում են ձեր օրիգինալության մասին: Այդ մատի համար ընտրեք մեծ և առանց դեկորացիաների մատանիներ
Ճկույթի համար ընտրեք շատ փոքրիկ և առանց քարերի մատանի