Ինչպես տղամարդուն ստիպել սիրահարվել ձեզ

Ինչպես նվաճել տղամարդուն: Իհարկե «հարյուր տոկոսանոց երաշխավորված միջոցներ գոյություն չունեն», բայց կանանց փոքրիկ գաղտնիքներ կան, որոնք կօգնեն հարաբերությունները «հրել» դեպի քո ուզած սցենարը: 

1. Միայն լավը մտածիր

Երբ դրական ես տրամադրված, դա անմիջապես արտացոլվում է քո դեմքին. դեմքդ բարեհոգություն է ճառագում: Եվ տղամարդու համար հեշտ է մոտենալն ու ծանոթանալը: Ավելին, երբ լավ տրամադրություն ունես, նրան չես վախեցնի կտրուկ ֆրազներով: Եվ միանգամից հայացքդ մի փախցրու. տեսողական շփումը շատ կարեւոր է:

2. Մի փոքր շփոթմունքը վնաս չի տա 

Շատերը սխալմամբ ենթադրում են, որ եթե կինն իր հմայքին վստահ սիրահետում է, տղամարդն անպայման նրա ցանցը կընկնի: Բայց դա բոլորովին ճիշտ չէ: Ուժեղ սեռին թուլությունն է գրավում: Դրա համար էլ մի փոքր շփոթմունքը միայն օգուտ կտա քեզ. դա այնքան լավ է նայվում:

3. Ուզում ես ավելի գրավի՞չ դառնալ

Նախ եւ առաջ սովորիր սիրել եւ գնահատել քեզ: Այդ վերաբերմունքը կփոխանցվի նաեւ շրջապատին: Ինքդ քեզ ավելի հաճախ հիշեցրու քո արժանիքների մասին: Համեստությունը լավ բան է, բայց ոչ միշտ է օգտակար: Դրա համար էլ մի ամաչիր ի ցույց դնել քո դրական որակներն ու տաղանդները: Դա քեզ ինքնավստահություն կտա եւ կօգնի ավելի անկանշկանդ լինել (իսկ հմայքը կաշկանդվածության ընկերը չէ):

4. Թվում է, դուք լրիվ տարբեր եք

Դու արտույտ ես, իսկ նա՝ բու: Դու ռոք ես սիրում, իսկ նա՝ ջազ… Ի՞նչ կա որ, գտիր եւ ընդգծիր այն, ինչ միավորում է ձեզ: Կամ էլ ինքդ շփման կետեր ստեղծիր (բայց ազնվորեն, առանց կեղծիքի): Ասա, որ քեզ դուր է եկել այն ֆիլմը, որը նա գովում էր եւ խորհուրդ տալիս նայել: Նրա հետ խոսիր նրան իրոք հետաքրքրող բաների մասին: 

5. Նախաձեռնություն հանդես բեր

Երբեմն լրիվ անմեղ քայլը կարող է հեռուն գնացող հետեւանքներ ունենալ: Նա առաջարկում է սրճարա՞ն գնալ: Ինքդ սրճարանում այնպիսի առանձնասենյակ ընտրիր, որտեղ լուսավորությունը շատ պայծառ չլինի: Նա հաճոյախոսությո՞ւն է անում: Նրան պատասխանիր կրքոտ խոստովանությամբ, իսկ հետո շփոթվիր. «շատ տաքացար»… Եթե ճիշտ ես հասկացել նրա մտադրությունները, նա քեզ շնորհակալ կլինի նախաձեռնության համար ու ինքն էլ նույն կերպ կպատասխանի:

6. Թույլ եղիր

Ոչինչ մարդկանց այնպես չի մերձեցնում, որքան փոքրիկ գաղտնիքներն ու թուլությունները: Նրան խոստովանիր, որ շատ ես վախենում շներից (մթից, բարձրությունից): Տղամարդուն թույլ տուր, որ իրեն պաշտպան զգա, ուժեղ ու խիզախ: Հոգեբանները նման հնարքը վաղաժամ անկեղծություն են կոչում եւ խորհուրդ են տալիս կիրառել վստահելի հարաբերություններ ստեղծելու համար: Բայց չափը մի անցիր, որ հիմար վախկոտի տպավորություն չթողնես:

7. Ավելի շատ շփվեք

Անձեռնմխելի սառույցի կտոր մի եղիր: Ժպտա, կատակիր, զրույցի ընդհանուր թեմաներ գտիր: Մի վախեցիր համակրելի տղամարդուն ընթրիքի հրավիրել (տուն կամ սրճարան) կամ էլ կինոթատրոն: 
8. Նրան ծանոթացրու քո ընկերների հետ

Նախ, նրանք կարող են այդ տղամարդու մեջ այնպիսի բան տեսնել, որը դու չես նկատել: Երկրորդ՝ կտեսնես, թե ընկերական շրջապատում իրեն ինչպես է պահում, այդ թվում նաեւ՝ քո հանդեպ:

9. Բաժանումը սրում է զգացմունքները

Ոչինչ մարդկանց այնպես չի մերձեցնում, որքան փոքրիկ գաղտնիքներն ու թուլությունները: Նրան խոստովանիր, որ շատ ես վախենում շներից (մթից, բարձրությունից): Տղամարդուն թույլ տուր իրեն պաշտպան, ուժեղ, համարձակ զգալ: Հոգեբանները նման հնարքը վաղաժամ անկեղծություն են անվանում եւ խորհուրդ են տալիս կիրառել հարաբերություններում վստահություն ստեղծելու համար: Բայց չափը մի անցիր, որ հիմար վախկոտի տեսք չունենաս:

Աղբյուրը՝ NEWS.am STYLE