Ucom–ի նոր առաջարկը իր բաժանորդներին

Past.am-ի տեղեկությունների համաձայն հայկական Ucom և ռուսական MTT ընկերությունները հայտարարեցին նոր ու համատեղ «Ունիվերսալ պլյուս» և «Իմ Հայաստան» ծառայությունների մեկնարկի մասին:

Երևանում կայացած մամուլի ասուլիսի ընթացքում Ucom ընկերության գլխավոր տնօրեն Հայկ Եսայանը, ներկայացնելով ծառայության վերաբերյալ մանրամասները, նշեց, որ

Dual SIM տեխնոլոգիայի շնորհիվ Ucom–ի բաժանորդները բացառիկ հնարավորություն կունենան մեկ SIM քարտում համատեղել երկու հեռախոսահամար` հայկական և ռուսական, հայկական համարը` ՀՀ–ում, ռուսականը` ՌԴ–ում օգտագործելու համար:

«Հայաստանում բաժանորդները կօգտագործեն հայկական հեռախոսահամարը «Ունիվերսալ պլյուս» հետվճարային սակագնային պլանով և ներառված րոպեներով կկարողանան զանգել նաև ՌԴ–ի բոլոր ցանցեր, իսկ ՌԴ–ում կօգտվեն ռուսական համարից «Իմ Հայաստան» կանխավճարային սակագնային պլանով և կզանգեն Հայաստանի բոլոր ցանցեր մատչելի սակագներով»,– պարզաբանեց Հայկ Եսայանը: 

Նա հավելեց, որ սակագնային պլանը ստեղծվել է՝ հաշվի առնելով Ucom–ի բաժանորդների շրջանում անցկացված հետազոտության արդյունքները, ըստ որոնց ընկերության բաժանորդների միջազգային զանգերի 70%–ից ավելին կատարվում է դեպի Ռուսաստան: «Ունիվերսալ պլյուս» հետվճարային ծառայության հետ բաժանորդները ոչ միայն ձեռք են բերում 1SIM քարտ երկու համարով` հայկական և ռուսական, այլ նաև սակագնային պլանում ներառված րոպեները կարողանում են օգտագործել ՀՀ–ից ՌԴ–ի բոլոր ցանցեր զանգեր կատարելու համար: Ինչպես ՀՀ–ում, այնպես էլ ՌԴ–ում գտնվելիս` ցանկացած համարով ստացված բոլոր մուտքային զանգերն անվճար են»,– ընդգծեց Հայկ Եսայանը: