Իսպանական «Ակցիոնա Էներգիա Գլոբալ» ընկերությունը վերահաստատում է այլընտրանքային էներգիայի արտադրության ծրագրերի իրականացման պատրաստակամությունը

 Գեղարքունիքի մարզում այլընտրանքային էներգետիկայի արտադրության կազմակերպման նպատակով դեռեւս այս տարվա հունիսին Գեղարքունիքի մարզպետարանի եւ իսպանական «Ակցիոնա Էներգիա Գլոբալ» ընկերության միջեւ ստորագրվել էր համագործակցության հուշագիր: Նույն հուշագիրը կյանքի կոչելու շրջանակներում այսօր Գեղարքունիքի մարզպետի տեղակալ Անդրանիկ Հակոբյանն ընդունել էր իսպանական «Ակցիոնա Էներգիա Գլոբալ» կազմակերպության ներկայացուցիչներին:

«Արմենպրես»-ի տեղեկացմամբ՝ Գեղարքունիքի մարզում այլընտրանքային էներգիայի արտադրության ոլորտում համագործակցելու նպատակով Գեղարքունիքի մարզպետ Կարեն Բոթոյանն ընդունեց իսպանական «Ակցիոնա Էներգիա Գլոբալ» ընկերության ներկայացուցիչներ Սառա Լարրազին եւ Աշոտ Առաքելյանին: «Արմենպրես»-ի տեղեկացմամբ՝ Ինչպես ներկայացրին «Ակցիոնա Էներգիա Գլոբալ» ընկերության տնօրենը եւ ներկայացուցիչ Աշոտ Առաքելյանը, իրենց կողմից նախապատրաստվում է առաջիկայում Գեղարքունիքի մարզի Վարսեր համայնքի տարածքում տեղադրել 80 մետր բարձրություն ունեցող 2 չափիչ կայան եւ 1 հատուկ սարքավորում՝ քամու տեխնիկական տվյալները ստուգելու նպատակով:

«Ստուգման գործընթացի համար անհրաժեշտ կլինի մեկ տարի: Բավարար տվյալներ ունենալու դեպքում 2018 թվականի նույն ժամանակահատվածում ընկերությունը նշված տարածքում կկատարի մոտ 40 մլն դոլարի ներդրում՝ 150 մեգավատ հզորությամբ հողմաէլեկտրակայաններ կառուցելու համար:

Ընդ որում, միայն կայանի սպասարկման համար Վարսերում կբացվի մշտական 20 աշխատատեղ: Մեր կազմակերպությունը նախատեսում է ներդրումներ կատարել նաև արեւային ֆոտովոլտային կայանների կառուցման ուղղությամբ»,- հավաստեց Աշոտ Առաքելյանը:Մարզպետի տեղակալ Անդրանիկ Հակոբյանը պատրաստակամություն հայտնեց՝ աջակցել ընկերությանը հողհատկացման, շինթույլտվության,շինարարության եւ մնացած բոլոր այն բոլոր ձեռնարկներում, որոնք կնպաստեն աշխատանքների բնականոն ընթացքին եւ էապես կնպաստեն մարզի էներգետիկ եւ բիզնես ոլորտի զարգացմանը, բնակչության կենսամակարդակի բարելավմանը, նոր ու կայուն աշխատատեղերի ստեղծմանը:

«Այս հանդիպմամբ իսպանական կողմը վերահաստատեց մեր մարզում այլընտրանքային էներգիայի արտադրության կազմակերպման իր պատրաստակամությունը, որը ստանձնել էր հունիսին Գեղարքունիքի մարզպետարանի հետ ստորագրված համագործակցության հուշագրով: Համոզված եմ, որ մոտ ապագայում իսպանական կազմակերպությունը մեր մարզում կյանքի կկոչի էներգետիկ ոլորտի զարգացման լուրջ ծրագրեր»,-«Արմենպրես»-ի հետ զրույցում նշեց մարզպետի տեղակալ Անդրանիկ Հակոբյանը: