Ադրբեջանական լոբբինգը հաստատում է մաֆիայի և գլխակերների օրինականությունը

Ադրբեջանա-թուրքական լոբբինգն աստիճանաբար զարգանում է այլ ուղղություններով` իրականացնելով երկրի վարկանիշի բարձրացմանն ուղղված տարբեր PR ակցիաներ և քաղաքական վարկանիշի բարձրացման նախաձեռնություններ: Թուրքիայի պարագայում «թուրքական սփյուռքը» ձգտում է առաջ մղել Անկարայի հետաքրքրությունները Քրդական կամ Իրաքյան հիմնահարցերում, Կիպրոսյան կարգավորման խնրում, Բաքվի դեպքում` Իրանի ադրբեջանցիների ազգային շարժումները խրախուսելու, Վրաստանում` ադրբեջանական գործոնն ակտիվացնելու և Միացյալ Նահանգներում՝ Բաքվի վարկանիշը բարձացնելու նախաձեռնություններում:

Հատկանշական է, որ Ադրբեջանը մասնավորապես առանցքային դերակատարում է հատկացնում հրեական լոբբիի և նպատակասլաց աշխատում է հրեական կառույցների հետ մերձենալու, սիրաշահելու կամ հաճոյանալու համար:

Ադրբեջանական սփյուռքի հարցերով պետական հանձնաժողովի նախագահ Նազիմ Իբրահիմովը հայտարարել է, որ հրեական կազմակերպությունների հետ համագործակցությունը համահունչ է Ադրբեջանի շահերին: ԱՄՆ-ում ադրբեջանամետ լոբբինգի խթանման թեմայով Վաշինգտոնում գործող Խորհրդային հրեաների ազգային խորհուրդ կառույցի ղեկավար Մարկ Լևինը նշել է, որ «ԱՄՆ հայկական կառույցները շատ ուժեղ և կազմակերպված են և հանդես են գալիս միասնական ճակատով»:

http://www.rg.ru/2014/09/30/ibragimov.html 

Ադրբեջանի իշխանությունները տարիներ շարունակ թաքցնում են մարդու իրավունքների իրավիճակը՝ ԱՄՆ-ում հանդես գալով որպես «ահաբեկչության դեմ պայքարի» հուսալի գործընկեր, Իսրայելի հավատարիմ ընկեր և էներգակիրների կարևոր մատակարար: Բացի ավանդական դիվանագիտությունից, Ադրբեջանը իր ագրեսիվ լոբբինգի շնորհիվ իր ազգային շահերն է առաջ մղում աշխարհի հետազոտական կենտրոններում, Նահանգների օրենսդրական մարմիններում և Կոնգրեսի դահլիճներում:

Ադրբեջանի կառավարության և ԱՄՆ-ում ադրբեջանական լոբբիստների պարտադիր հաշվետվությունները ցույց են տալիս, որ միայն 2014 թվականին պետությունն ու իր հավատարմատարները 4 մլն դոլար գումար են ծախսել: Սակայն այս ամենն, ինչին Կոնգրեսի սրահներում կարողացել են հասել ադրբեջանցիներն ու նրանց լոբբիստները, ապշեցնում է, հատկապես եթե հաշվի առնենք ռեժիմի իրական բնույթը:
Կոնգրեսի աշխատակիցը, որը չի ցանկացել բացահայտել անունը, պատմել է ադրբեջանական ռեժիմը սատարող ուժերի կազմակերպած ընդունելությունների մասին, մասնավորապես՝ «Ամերիկայի ադրբեջանական ալյանսի»: Վերջինս նշում է, որ մասնավոր միջոցառումների ժամանակ Կոնգրեսի 20 անդամներ «շարք են կանգնում բեմում»՝ սպասելով իրենց հերթին, որ գովաբանեն Ադրբեջանին տնտեսական հաջողությունների, ԱՄՆ-ի հետ գործընկերության և Իսրայելի հետ բարեկամության համար: Աշխատակցի խոսքով, չնայած հրապարակային հասանելի արձանագրություններ չկան, ադրբեջանական ուժերը սիրում են պարծենալ բուռն արձագանքներով, որոնք ռեժիմը ստանում է ԱՄՆ-ի պաշտոնատար անձանցից, իսկ դրանց ընթերցումից մարդու սիրտ է խառնում:

Ադրբեջանցի ակտիվիստ Էմին Միլլին, որը կեղծ մեղադրանքով 17 ամիս բանտում է անցկացրել, վերջերս ԱՄՆ է այցելել, որպեսզի իր ընկեր Հադիջա Իսմայլովայի փոխարեն, ով անկախ լրագրող է և ներկայումս գտնվում է բանտում, ստանա մամուլի ազատության հեղինակավոր մրցանակը: Լրագրողների հետ զրույցում վերջինս պատասխանելով հարցին, թե՝ «ինչ է փոխվում ռեժիմի հասցեին ամերիկյան կոնգրեսականների գովասանքներից հետո», Է. Միլլին դժվարությամբ զսպելով զայրույթը, պատասխանել է. «Արդյունքը կործանարար է, քանի որ դուք ժողովրդավարական ճանապարհով ընտրված ներկայացուցիչներ ունեք, որոնք հաստատում են մաֆիայի օրինականությունը, գլխակերների օրինականությունը, ինչպես նաև այն մարդկանց խմբի օրինականությունը, որոնք սպանում են, տանջում, բանտարկում՝ իրենց կարծիքն արտահայտողներին»:

https://foreignpolicy.com/2015/06/11/how-azerbaijan-and-its-lobbyists-spin-congress/

Ա. Պետրոսյան