«Ես թույլ չեմ տա, որ ինչ-որ մեկն օգտագործի ինձ պարզապես իր հաճույքի համար». Իջինն անկեղծանում է անձնական կյանքի մասին

Մոսկվաբնակ հայ երգչուհի Իջինն այս օրերին Երևանում է. եկել է մի քանի կորպորատիվ միջոցառումների մասնակցելու: Մեր վերջին զրույցը երգչուհու հետ նորաձևության թեմայով էր, նա տրամադրել է իր նոր ֆոտոշարքը և զրուցել տղամարդկանց, սիրո և հարաբերությունների մասին:

Այնքան քիչ տղամարդիկ կան, որ ինձ դուր են գալիս: Կարող եմ սիրավեպ սկսել միայն այն տղամարդու հետ, ով ինձ դուր է գալիս: Քիչ տղամարդիկ են, որ ինձ դուր են գալիս: Հարաբերություններն ինձ համար մեծ խնդիր են, քանի որ կյանքում շատ հիասթափություններ եմ ապրել և կեղծավորություն տեսել: Ինձ շատ դժվար է մարդկանց վստահել: Ինստագրամում ես ուրիշ եմ, իսկ անձնական հարաբերությունների մեջ, ես ուրիշ եմ՝ զուսպ, բարոյական, հավասարակշռված, չնայած ինձանից սպասում են, որ լինեմ սիրուն աղջիկ, ով պարզապես կճպճպացնի աչքերը, բայց ես այդ ամենի հակապատկերն եմ:

Շատ տղամարդիկ վախենում են խելացի և գեղեցիկ կանանցից: Իմ մեջ կա հատուկ էներգետիկա, որ կարող է խեղդել շատ տղամարդկանց: Ես ինքնուրույն եմ և ինձ դժվար է կառավարել, ինչն իրոք տղամարդկանց համար վախենալու է: Շատ տղամարդիկ փորձում են գնել կնոջը կամ էլ փորձում այնպես անել, որ լիովին կախված լինի նրանից, այդպես իրենց տղամարդ են զգում: Իմ անձնական փորձը ցույց է տվել, որ ոչ ոքի վրա չի կարելի հույս դնել, մանավանդ՝ մեր ժամանակներում, դու պետք է ինքնուրույն լինես: Ծնողներս ինձ հենց այդպես էլ դաստիարակել են, ինչի համար միայն ուրախ եմ:

Եթե իմ նախորդ հարաբերությունները լուրջ լինեին, ես արդեն ամուսնացած կլինեի: Իմ կյանքում երեք տղամարդ է եղել, բոլորն էլ՝ լուրջ: Հարաբերությունները ձգվել են երկուսից հինգ տարի, բայց նրանցից ոչ ոք հարուստ չի եղել: Ես շատ բարոյական մարդ եմ և չեմ թույլ տա, որ ինչ-որ մեկն օգտագործի ինձ պարզապես իր հաճույքի համար, դա ինձ համար շատ վիրավորական է: Եթե ես թույլ եմ տալիս, որ տղամարդն ինձ մոտենա, ապա միայն լուրջ հարաբերություններ կառուցելու նպատակով: Իմ կյանքում եղած տղամարդիկ ոչ մի առանձնահատուկ բան չեն արել, նրանք պարզապես ինձ են դուր եկել: Այդ հարաբերությունները չեն ստացվել, քանի որ տղամարդիկ չէին կարողանում կոտրել իմ ինքնուրույնությունը, չէին կարողանում խաբել ինձ, ես միշտ ցանկացել եմ ինձ ավելի թույլ զգալ տղամարդու կողքին, բայց միշտ հակառակն էր լինում: Իսկ նման հարաբերությունները ինձ համար չէին: Կարիերայիս պատճառով, ես քիչ ժամանակ էի ունենում տրամադրել տղամարդուն, բնականաբար տղամարդուն դա դուր չի գալիս, իսկ քանի որ ինձ համար առաջնահերթ է կարիերան, ես այն էլ ընտրում էի: 

Տղամարդուց բաժանվելուց հետո կարող եմ երկու օր արտասվել, բայց հետո՝ մոռանալ: Ես շատ հավատացյալ մարդ եմ և միշտ մտածում եմ, եթե ինչ-որ բան դժվարություններով է գնում, ապա դա Աստծո կողմից չէ ուղարկված, իսկ երբ ամեն ինչ հեշտ է և հարթ, դրանք, կարծես, իդեալական հարաբերություններ լինեն: Երկու օր անց ես պարզապես հասկանում եմ՝ մեղք եմ, ինչի համար ծախսեմ ժամանակս տանջվելու վրա, ես պարզապես բաց եմ թողնում և թերթում եմ այդ էջը: Այդպես հեշտ մոռանում եմ նաև դավաճան ընկերուհիներին:

Ես երևի ավելի կարիերիստ եմ, բայց դա չի նշանակում, որ ես չեմ ուզում ընտանիք կազմել: Մինչև ես ինձ լիարժեք չզգամ, այսինքն՝ չկայանամ իմ գործունեության մեջ, ես ինձ չեմ կարող լիիրավ անհատ զգալ իմ ընտանիքում: Հիմա այնքան երես առած աշխարհում ենք ապրում, ամեն ինչ շուռ է եկել, բայց ես ավելի հին ավանդույթների մարդ եմ և կարծում եմ՝ եթե տղամարդն ուզում է, ամեն ինչ անում է, որպեսզի հասնի իր սիրելիին: Իմ դեպքում հարաբերություններ սկսելը բարդ է, ես չգիտեմ՝ տղամարդն ուզում է ինձ հետ շփվի ինքնահաստատվելու, թե պարզապես նրա համար, որ ինձ հավանել է: Դրա համար իմ երեք հարաբերությունները ձախողվեցին: Այս ամենի հետ մեկտեղ ես դեռ հավատում եմ հեքիաթների, որ յուրաքանչյուրը հասնում և հանդիպում է իր երկրորդ կեսին:

Շատ ամուսնացած տղամարդիկ են փորձում ինձ հասնել, լինում են անգամ մարդիկ, որոնցից նման վերաբերմունք չէիր սպասի: Ես տեսել եմ, թե ինչպես են տղամարդիկ դավաճանում իրենց ընտանիքներին և եթե չլիներ իմ բարոյական պահվածքը, ես երևի հիմա նրանց հաշվին կլինեի համաշխարհային աստղ: Իմ կյանքում կար մի փուլ, երբ չափազանց հիասթափված էի և չէի հավատում, որ գոյություն ունեն տղամարդիկ, ովքեր կարող են լինել ազնիվ և պարկեշտ:

Առաջ մտածում էի հարսանիքի մասին, բայց հիմա միևնույն է:Հարսանիքը, ինչպես նաև հարսանեկան զգեստ կրելը յուրաքանչյուր աղջկա կյանքում, իհարկե, շատ կարևոր է, բայց հիմա ես չեմ ուզում ինձ արքայադուստր զգալ, քանի որ նույն զգեստը ես կարող եմ անգամ բեմում կրել: Ես լավ հասկանում եմ աղջիկներին, իսկ հիմա ինձ համար այնքան կարևոր է գտնել և հանդիպել այնպիսի մարդու, ով իմը կլինի: Հարսանիքը մեկ օր է, իսկ այդ մարդու հետ դու պետք է ապրես մի ամբողջ կյանք:

Քաղաքացիական ամուսնությունն ինձ համար չէ: Տղամարդկաց համար սա ամենահարմար տարբերակն է․ ապրում են առանց պարտավորությունների, պատասխանատվության, իսկ կնոջ դեպքում տարիներն անցնում են: Գուցե կան մարդիկ, ովքեր այդպես երջանիկ են ապրում, բայց այն ինձ համար չէ:

Թանկարժեք նվերներ ստանում եմ տղամարդկանցից՝ ուշադրություն գրավելու համար: Տղամարդիկ նվիրում են բրենդային պայուսակներ, քարտեր՝ թանկարժեք խանութներից գնումներ կատարելու համար, երկու հարյուր վարդ․․․ Այդ տղամարդկանց անգամ դեմքով չեմ ճանաչում, իսկ նվերներն ուղարկելու համար մայրիկիս ստուդիայի հասցեն եմ տալիս: Իհարկե, միայն նվերներով չի սահմանափակվում, հաճախ ասում են՝ պատրաստ ենք միլիոն վճարել, միայն մեզ հետ ընթրես։ Նման նամակներ գրողներին արհամարհում եմ և անցնում առաջ: Կա տղամարդկանց տեսակ, որ մտածում է՝ ամեն ինչ վաճառվում է, իսկ ես խելագարվում են նման մարդկանց իրենց տեղը ցույց տալու համար: Իհարկե, նրանց մեղադրել չեմ կարող, քանի որ շատ աղջիկների դեպքում այդ մեթոդն աշխատում է, բայց ոչ իմ: