Ինչպե՞ս կանխարգելել և բուժել զարկերակային գերճնշումը

Այն անձինք՝ ովքեր տառապում են զարկերակային գերճնշմամբ, պետք է գիտակցեն հետևյալը.
Սիրտ-անոթային հիվանդությունների զարգացման ռիսկային բարձր գործոն է համարվում զարկերակային գերճնշումը:
Միայն բազմաթիվ սքրինինգ հետազոտություններից հետո է գերճնշման ախտորոշումը կատարվում՝ կայուն կամ փոփոխական կայուն ճնշման ցուցանիշներից ելնելով:
Բուժման նպատակն է՝ իջեցնել կայուն կամ փոփոխական կայուն զարկերակային ճնշումը
հասցնելով տարիքային նորմայի:
Կանխել սիրտ-անոթային, ցերեբռո-վասկուլյատոր և թիրախային օրգանների խոցման
հավանականությունը:
Ինչպես բարձր այնպես էլ ցածր զարկերակային ճնշման չափանիշը վտանգավոր են մարդու
առողջական վիճակի համար:
Բուժման արդյունավետությունը կախված է ճիշտ բուժման մարտավարությունից հաշվի առնելով
էթիոլոգիկ և կլինիկական տարբերակման տարիքային և երկրորդային պաթոլոգիկ վիճակները:
Զարկերակային գերճնշման ճիշտ բուժման համար անհրաժեշտ է ճիշտ սննդակարգի, կենսակերպի
փոփոխությունների ինչպես նաև ճիշտ ընտրված դեղորայքի կայուն ցուցումների պահպանում:
Ոչ մի հակահիպերտենզիկ դեղամիջոց զերծ չէ երկրորդային վտանգներից:
Հիպերտոնիկ կրիզները պահանջում են անհապաղ սքրինինգ հետազոտություն և ինտենսիվ
հիպոտոնիկ թերապիա:
Զարկերակային գերճնշման իջեցման արագությունից է կախված մարդու հետագա կյանքի որակը:
Կտրուկ իջեցված զարկերակային ճնշումը, ինչպես նաև ինքնաբուժությունը և ինքնաբուժական
բուսաբուժությունը կարող է հանգեցնել նույնիսկ մահվան:
Հարևանների, ծանոթների և նույնիսկ դեղատան աշխատակիցների կողմից նշանակված
դեղամիջոցները՝ օգնելու փոխարեն վնասում են հիվանդին:
Չի կարելի երբևիցե համեմատել ցավային երևույթները հարևան, ծանոթ, բարեկամների՝ թեկուզ
նույն դիագնոստիկ վիճակների հետ, քանի որ միանման գանգատների տակ թաքնված են բազմաթիվ
վտանգավոր հանգամանքներ:
Բնակարանային պայմաններում ինտենսիվ կատարվող ճնշաչափումները դեռ չեն համարվում
զարկերակային գերճնշման սքրինինգային միջոցառումներ, վերջինս կատարվում է բուժ
մասնագիտացված անձնակազմի կողմից հիվանդանոցային պայմաններում:
Արդյո՞ք արդիական է ավանդական բուսաբուժությունը զարկերակային գերճնշման ժամանակ
Զարկերակային գերճնշունը մի ախտաբանական վիճակ է, որի ժամանակ առաջանում է ներքին օրգանների
լարված վիճակ: Ավանդական բուսաբուժությունը որպես արդի բժշկության անբաժանելի մասնիկ ներառում
է նաև թերապիա՝ բույսերի թրմերի, մզվածքների, բուսական պրեպարատների և այլ բազմաթիվ
տարբերակներով, սակայն ամբողջովին հենվել բուսական միջոցների վրա կտրականապես արգելվում է:
Բուսական միջոցները շատ լավ արդյունք են տալիս կոմպլիմենտար թերապիաների ժամանակ, երբ
դեղամիջոցներին և բժշկական պրոցեդուրաներին հետ համատեղ հատուկ մասնագիտացված բժիշկները
նշանակում են նաև բուսական պրեպարատներ, թրմեր կամ մզվածքներ: Բուսաբուժությունը զարկերակային
գերճնշման ժամանակ կատարվում է հատուկ ցուցում ունեցող բուսատեսակների միջոցով՝ հատուկ
բժիշկների կողմից կանխորոշված չափաբաժիններով:
Ինչ՞ի կարող է հանգեցնել ինքնաբուժությունը

Ըստ վիճակագրական տվյալների ՀՀ-ում մինչ բժշկի դիմելը մարդիկ նախ զբաղվում են ինքնաբուժությամբ՝
հետևելով հարևան, ծանոթ և ազգական անձանց խորհուրդներին: Ցանկացած վորոնշյալ բուսական միջոց
ինչպես և դեղորայքային միջոցները օժտված են կողմնակի երևույթներով, և ոչ ճիշտ ընտրված բուժման
ժամանակահատվածը և դոզավորումը կարող է հանգեցնել լուրջ հետևանքներ: Համաշխարհային բժշկական
կազմակերպությունները քննադատում են ինքնաբուժությունը: Եվրոպական երկրներում ինքնաբուժության
մակարդակը հասցված է նվազագույնի հատկապես Դանիայում և Բելգիայում:
Արդյո՞ք զարկերակային գերճնշման սքրինինգ հետազոտությունները ՀՀ տարածաշրջաններում կատարվում
են անվճար: Ո՞ր բուժ հաստատություններն են կատարում զարկերակային գերճնշման անվճար սքրինինգ
հետազոտություններ:
Զարկերակային գերճնշման սքրինինգ հետազոտությունը կատարվում է սովորական ճնշաչափման միջոցով:
Ըստ բժիշկների ցուցումների հնարավոր են նաև երկրորդային սքրինինգային հետազոտություններ (ԷԿԳ,
ՄՌՏ, ԷԽՕ և այլն): ՀՀ առողջապահության նախարարության կողմից 2015 թվականին մեկնարկված և
մինչ այսօր շարունակվող՝ սքրինինգային ծրագրի շրջանակներում ՀՀ 35-68 տարեկան քաղաքացիների
շրջանում իրականացվում են հետազոտություններ՝ քաղաքային պոլիկլինիկաներում և գյուղական
ամբուլատորիաներում լիովին ԱՆՎՃԱՐ: Ցանկացած անձ կարող է մոտենալ իր տարածքային բուժ
հաստատություն և պահանջել անվճար սքրինինգային հետազոտությունների վերաբերյալ ծանոթացում:
Առողջապահության ոլորտի մասնագետները խորհուրդ են տալիս քաղաքացիներին անպայման հետազոտվել
և կանխել զարկերակային գերճշնման զարգացումն ու բացասական հետևանքները մարդու կյանքում։