Դալայ Լաման Տիբեթի ժողովրդի և նաև Մոնղոլիայի և Կալմիկիայի, Բուրյաթիայի, Մերձբայկալյան երկրամասի և այլ վայրերում բնակվող` տիբեթյան բուդդիզմի հետևորդների հոգևոր առաջնորդն է:

1989-ին արժանացել է Նոբելյան մրցանակի, իսկ 2007-ին ԱՄՆ-ի Կոնգրեսի ոսկե մեդալի:

«Դալայ» մոնղոլերեն նշանակում է օվկիանոս, փոխաբերական իմաստով` «մեծ», «լամա» բառը տիբեթերեն «ուսուցիչ» նշանակությունն ունի: Ներկայացնենք «մեծ ուսուցչի» խորհուրդներից մի քանիսը.

Յուրաքանչյուր մարդ ուղղակի պարտավոր է փոխվել իր կյանքի ընթացքում. փոփոխություններն աշխարհում կախված են առանձին մարդկանց փոխվելուց:

Մի վիճեք և մի պայքարեք, այլ բանակցեք:

Եղեք բարի, երբ դա հնարավոր է: Իսկ դա միշտ է հնարավոր:

Այն, ինչ ցանկանում ենք, ոչ միշտ է այն, ինչ մեզ անհրաժեշտ է:

Երբեմն լռությունը լավագույն պատասխանն է:

Հաջողության բանալին լավատեսությունն է: Երջանկության բանալին` հոգու ջերմություն և մտքի հանգստություն:

Ավելացրեք ձեր գիտելիքները. դա է անմահության ուղին:

Թույլ մի տվեք, որ մանրուքները փչացնեն հարաբերությունները:

Նայեք դեպի ապագա, ոչ թե` անցյալ: Ապագայի երաշխիք չունենք, բայց կարող ենք այն փոխել:

Ապագան կախված է ներկայից, և մենք պարտավոր ենք ճիշտ ղեկավարել մեր ներկան:

Երբեք ձեզ առավել բարձր մի համարեք նրանցից, ում օգնում եք:

Զայրույթին զայրույթով հաղթել անհնար է:

Պարտվելիս մի մոռացեք դաս քաղել դրանից:

Կյանքի իմաստը` դառնալ երջանիկ:  

aida marti, facebook