ԲՀԿ ղեկավար Գագիկ Ծառուկյանը ծավալուն հոդվածով է հանդես եկել համաշխարհային հեղինակավոր ամսագրերից մեկին

Մանուկ Գուրգենյանը ֆեյսբուքյան իր էջում գրում է՝

 

ԲՀԿ ղեկավար Գագիկ Ծառուկյանը ծավալուն հոդվածով է հանդես եկել համաշխարհային հեղինակավոր ամսագրերից մեկին՝ Հայաստանի տնտեսության զարգացման մոդելի և մեր երկրի առջև ծառացած խնդիրների լուծման իր տեսլականի վերաբերյալ: 
Իր հոդվածով Գագիկ Ծառուկյանը ևս մեկ անգամ ապացուցում է , որ հանդիսանալով քաղաքական գործիչ, հրաշալի պատկերացնում է մեր երկրի առջև ծառացած խնդիրները և դրանց լուծման ճանապարհները: Մասնավորապես նա նշում է երեք հիմնական ուղղություններ, որոնք անհրաժեշտ են Հայաստանի տնտեսությունը նոր մակարդակի բարձրացնելու համար: Դրանք են՝ գոյություն ունեցող սոցիալական անջրպետի հաղթահարումը, հավասար և արդար մրցակցային պայմանների ստեղծումը և ներկայիս տնտեսական մոդելի փոփոխությունը, ներգաղթի կազմակերպումը: 
Պարոն Ծառուկյանն իր հոդվածում մատնանշում է, թե ինչպես կարող է Հայաստանը՝ լինելով Եվրոպայի և Ասիայի խաչմերուկում և վարելով բալանսավորված քաղաքականություն տարբեր տնտեսական միությունների ՝ այդ թվում ԵԱՏՄ-ի և ԵՄ-Ի միջև, դառնալ նոր ինովացիոն մտքերի և գաղափարների կրող ՝ դարձնելով իր տնտեսությունը մրցունակ և բարգավաճող:
Վերջերս Երևանում ԲՀԿ ղեկավարի նախաձեռնությամբ կայացավ միջազգային համաժողով, որի նպատակն էր աշխարհում գոյություն ունեցող տարբեր տնտեսական մոդելների համակցությամբ մշակել նոր մարտավարություն, որը հնարավորություն կտա կիրառել առաջադեմ երկրների փորձը մեր երկրի բարգավաճման համար: Այս համաժողովը ապացուցեց Գագիկ Ծառուկյանի տնտեսական նոր մոդելի թեզի մրցունակությունը և առաջին քայլն էր Հայաստանի տնտեսությունը վերելքի ճնապարհին բերելու համար: