Իդեալական կնոջ 4 հատկություն

Wnews.am-ը գրում է.

Ես նրան ոգևորում եմ, իսկ նա ինձ  փալասի տեղ է դնում:  Ինձանից միայն սեքս են ուզում:  Իմ տղամարդն իմ մասին հոգ չի տանում, ծաղիկներ, նվերներ չի նվիրում:  Ես արդեն սովորել եմ միայնակ լինելուն:  Տղամարդիկ ինձ չեն գնահատում…

Այս արտահայտություններից որևէ մեկը ձեր մասի՞ն է, ուրեմն շարունակեք կարդալ:

Յուրաքանչյուր կին ունի չորս վիճակ, անկախ նրանից օգտագործում է չորսն էլ, թե ոչ, բայց դրանք կան յուրաքանչյուր կնոջ մեջ:  

Թագուհի. ինքնավստահ, ինքնուրույն, խնամված, ինքնագոհ, հպարտ: Հրաշալի կարիերա, գիտելիքներ, նրանով հիանում են: Նա երբեք չի խնդրի օգնություն, գիտի ինչպես պահել իրեն հասարակության մեջ:  Այսպիսի կինն ուզում է ստանալ, այլ ոչ թե տալ: Նա կարծես ասում է. ես լավն եմ, ես դա գիտեմ և տղամարդը պետք է ներդրում անի ինձ իր կողքին պահելու համար. այսինքն ուշադիր լինի, զարմացնի, հիանա:  Տնտեսուհի. սա մայրական էներգիան է, տալու, այլ ոչ թե ստանալու էներգիան: Այսպիսի կինը լավ տնային տնտեսուհի է, լվանում է, մաքրում է, նրա հետ շատ հարմարավետ է:

Աղջնակ. թույլ, բայց կենսուրախ: Ստանալու, այլ ոչ թե տալու էներգիան է: Նա միշտ ստանում  է այն, ինչ ուզում է, բայց ոչ թագուհու նման, ով ինքնուրույն է ամեն ինչին հասնում: Նրան անընդհատ ինչ որ մեկը պետք է օգնի, հոգ տանի, կամակորությունները բավարարի: Նա իսկական երազող է:

Սիրուհի. տալու, ոչ թե ստանալու էներգիան է: Հեշտությամբ է գրավում տղամարդկանց: Սեքսուալ է, կրքոտ:  Այս չորս էներգիայի տեսակները, պետք է լինեն հավասարակշռության մեջ, բայց, հաճախ այդպես չի լինում:

Եթե գերակշռում է թագուհու տեսակը. միայնություն, ոչ ոք նրան դուր չի գալիս, սառնություն: Նրան թվում է բոլոր տղամարդիկ թույլ են և արժանի չեն իրեն:

Եթե գերակշռում է տնտեսուհու տեսակը. այսպիսի կանայք շատ հոգատար են, նրանց հետ հարմար է, բայց տղամարդիկ այսպիսի կանանցով չեն հիանում, նրանց չեն գնահատում: Հնարավոր է ընդհրանրապես անտեսեն: Այսպիսի կանանց մասին տղամարդիկ չեն ուզում հոգ տանել:

Եթե գերակշռում է աղջկա տեսակը. մի կողմից տղամարդկանց դուր է գալիս օգտակար լինել, ուրախացնել այս աղջկան, հոգ տանել նրա մասին, բայց եթե դա անընդհատ է կրկնվում, ձանձրացնում է տղամարդկանց: Ի վերջո նրանք էլ են ուզում ինչ որ բան ստանալ, այլ ոչ թե միայն տալ:

Եթե գերակշռում է սիրուհու տեսակը. տղամարդիկ նրանց ցանկանում են,   գրավում են, բայց կապել նրանց հետ կյանքը, ամուսնանալ չեն ուզում: Նրանք չեն կարողանում տղամարդուն իրենց կողքին երկար պահել:  Լավ, իսկ ինչ անել:

Իսկական կանացի բնական վիճակը այս չորս տեսակների ներդաշնակությունն է: Կինը պետք է ճկուն լինի և կախված իրավիճակից մի էներգիան փոխարինի մյուսով: Երբ տղամարդը սոված գալիս է տուն, նրան հետաքրքրում է միայն մեկ բան, նա ուզում է ուտել: Այստեղ պետք է «միացնել» տնտեսուհու էներգին , եթե նա աշխատավարձ է ստացել, «միացրեք» աղջկա էներգիան և հիացեք ձեր տղամարդով: Այսպես նաև մյուս իրավիճակներում:  Օգտագործելով ձեր ներքին կանացի ռեսուրսներն ըստ պահի և անհրաժեշտության,  եղեք երջանիկ, սիրված և գոհ: