Արա Պապյանը կանխատեսում է Թուրքիայի արտաքին քաղաքականության կոշտացում

 Քաղաքագետ Արա Պապյանի դիտարկմամբ, Թուրքիայում կայացած արտահերթ խորհրդարանական ընտրություններում նախագահ Ռեջեփ Թայիփ Էրդողանին հաջողվեց հասնել իր նպատակին: «Ես սխալվեցի այն կանխատեսումներում, որ Էրդողանին չի հաջողվի հաղթահարել ստանալ բացարձակ մեծասնություն ,և, փաստորեն,  նրան հաջողվեց համոզել թուրքական ժողովրդին, որ միայն իրենց կուսակցությանը կհաջողվի երկրում պահպանել կարգուկանոնը»,- լրագրողների հետ նոյեմբերի 4-ին կայացած հանդիպմանը հայտնեց նա:

Նա նկատեց, որ Թուրքիան էլ ավելի կկոշտացնի իր արտաքին քաղաքականությունը հարևանների` մասնավորապես Հայաստանի նկատմամբ: «Այս ընտրություններից հետո Թուրքիա-Արևմուտք հարաբերությունները էլ ավելի կլարվեն, որովհետև Թուրքիան վարում է անկախ քաղաքականություն, ինչը զայրացնում է հատկապես Ամերիկայի Միացյալ Նահանգներին: Բացի այդ` վերջին իրադարձությունները ցույց տվեցին, որ Թուրքիան գնալով ավելի է հակվում բռնատիրության, քան մենք կարծում էինք»,-շեշտեց Պապյանը` հավելելով, որ լուրջ կասկածներ կան, որ Թուրքիայում տեղի ունեցող բախումները հրահրված են իշխանության կողմից, և այդ ալիքը կարող է դուրս գալ վերահսկողությունից:

Քաղաքագետի պնդմամբ, Թուրքիայի մեջլիսում երեք հայ պատգամավորների ներկայությունը ավելի շատ ձևական բնույթ է կրում: «Հայերի ներկայությունը Թուրքիայի խորհրդարանում ավելի շատ կապված է Հայոց ցեղասպանության 100-ամյակի հետ, որը շատ խելամիտ տակտիկական քայլ էր կուսակցությունների կողմից»,-պարզաբանեց Արա Պապյանը:

Անդրադառնալով Ադրբեջանում կայացած խորհրդարանական ընտրություններին` Արա Պապյանը նշեց, որ այնտեղ գրանցված արդյունքները կարծես նկարված լինեն: «Բացի կառավարող կուսակցությունից Ադրբեջանում խորհրդարան անցան ևս 11 կուսակցություն, որոնցից մեկը ստացավ երկու տեղ, իսկ մնացածը` մեկական, ինչը ցույց է տալիս այդ ընտրությունների ողջ էությունը: Արևմուտքը կոշտ գնահատական տվեց այս ընտրություններին, և այդ փաստը ավելի կմեկուսացնի Ադրբեջանը արտաքին աշխարհից»,-եզրափակեց Պապյանը:Թուրքական «Ան ատոլու» գործակալությունը տվյալներ է հրապարակել ընտրատեղամասերի 100 տոկոսի արդյունքներիվերաբերյալ, որոնց համաձայն, նոյեմբերի 1-ին կայացած խորհրդարանական ընտրությունների նախնական հաշվարկներով, ձայների գերակշիռ մեծամասնությունը՝49,48 տոկոսն ստացել է վարչապետ Ահմեդ Դավութօղլուի գլխավորած «Արդարություն և զարգացում» կուսակցությունը (ԱԶԿ, 317 մանդատ): Ընդդիմադիր քեմալականՀանրապետական ժողովրդական կուսակցությունը (ՀԺԿ) ստացել է ձայների 25,31 տոկոսը (134 պատգամավոր), «Ազգայնական շարժում» կուսակցությունը (ԱՇԿ)՝ 11,90տոկոսը (40 պատգամավոր) և քրդամետ Ժողովուրդների դեմոկրատական կուսակցությունը (ԺԴԿ)՝ 10,75 տոկոսը (59 պատգամավոր): Տվյալներում ներառված են նաևարտերկրում քվեարկած քաղաքացիների քվեները: Ընտրություններին մասնակցել է ընտրողների 85.18 տոկոսը: Թուրքիայի մեջլիսում ընտրվել է 3 հայ պատգամավոր՝ԱԶԿ-ից, ՀԺԿ-ից և ԺԴԿ-ից:

Ադրբեջանի իշխող «Ենի Ազերբայջան» կուսակցությունը հայտարարել է կիրակի անցկացված խորհրդարանական ընտրություններում նախնական տվյալներով իրհաղթելու մասին: Կուսակցությունը խորհրդարանում կզբաղեցնի 125 պատգամավորական տեղերից նվազագույնը 70-ը: