Թեսթ, որը կպարզի կանացի էներգիայի մակարդակը

Past.am-ը Ձեր ուշադրությանն է ներկայացնում մի թեստ, որը ստուգում է ձեր կանացի էներգիայի մակարդակը:

Պատասխանեք հետևյալ հարցերին «այո» կամ «ոչ»: Ստուգեք կանացի էներգիայի ձեր մակարդակը, թե որքանով եք լի այդ էներգիայով: Հիշեք, որ չկան ճիշտ կամ սխալ պատասխան, այս թեսթը ընդամենը ինքնաճանաչողության գործիքներից մեկն է:

1. Զգո՞ւմ եք արդյոք կյանքի «քաղցրությունը»: Դա կարող է լինել համեղ ուտեստի զգացողություն կամ հաճելի զրույցի գիտակցում կամ լավ սեքսը: Կարևոր չէ, թե ինչ պատճառ է հարուցել այդ զգացողությունը, գլխավորը լիարժեք կյանքի զգացողությունն է:

2. Թո՞ւյլ եք տալիս ձեզ զգալ ինչ-որ հաճելի բան՝ լինի դա մերսում, մատնահարդարում կամ այց գեղեցկության սրահ:

3. Դուք տղամարդկանց հետ մրցակցություն չե՞ք զգում: Ցանկություն չե՞ք ունենում նրանց ինչ-որ բան ապացուցել:

4. Հաճա՞խ եք ժամանակ անցկացնում բնության մեջ:

5. Թո՞ւյլ եք տալիս ձեզ լինել «անլուրջ»: Կարո՞ղ եք զվարճանալ ու ոչինչ չանել:

6. Սիրո՞ւմ եք ինչ-որ բան պատրաստել սեփական ձեռքերով (պատրաստել, նկարել, կարել):

7. Ձեզ դո՞ւր է գալիս հոգ տանել մտերիմների, կենդանիների մասին, ծաղիկների:

8. Հեշտությա՞մբ եք տղամարդկանցից օգնություն խնդրում:

9. Սիրո՞ւմ եք երեխաների հետ խաղալ:

10. Ունե՞ք սիրելի զբաղմունք, որը ձեզ էներգիայով կլցնի:

Յուրաքանչյուր «այո» պատասխանի դիմաց հաշվարկում եք 10 միավոր, «ոչ»-ի՝ 0 միավոր:

0 – 40 միավոր

Կանացի էներգիայի մակարդակը ցածր է: Հիմնականում սովոր եք օգտագործել ձեր տղամարդկային էներգիան: Դուք ինչ-որ բան ավելի շատ ինքնուրույն կանեք, քան կխնդրեք օգնություն: Դուք տղամարդկանց հետ զգում եք մեծ մրցակցություն ու ցանկանում եք ապացուցել, որ նրանցից լավն եք: Մինչև 30 տարեկանը կինը հեշտորեն կարող է օգտագործել իր տղամարդկային էներգիան, սակայն դա սպառում է կնոջը:

30-35 տարեկանից հետո կինը, ով սովոր է օգտագործել միայն իր տղամարդկային էներգիան, կարող է բախվել ուժասպառության, դեպրեսիայի հետ:

50– 70 միավոր

Ունեք կանացի էներգիայի միջին մակարդակ: Դուք օգտվում եք կանացի ու տղամարդկային էներգիայից: Դուք իրականացնում եք ձեր ցանկությունները ինչպես գործողությունների, այնպես էլ մտադրության ձևավորման միջոցով:
Դուք կարող եք թույլ տալ ձեզ լինել ինչպես թույլ, այնպես էլ ուժեղ: Դուք հմտորեն օգտվում եք ձեր երկու էներգիաներից:

80–100 միավոր

Կանացի էներգիայի բարձր մակարդակ ունեք: Ձեր մասին ասում են, որ իսկական կին եք: Դուք չեք պատկերացնում մրցակցություն տղամարդկանց հետ, քանի որ ձեզ համար տղամարդիկ «այլ տեսակ» են:

Դուք շատ լավ գիտեք ձեր առավելությունները ու կարողանում եք դրանք հմտորեն օգտագործել: Դուք հմտորեն կարողանում եք օգնություն խնդրել, սակայն սիրում եք նաև հոգ տանել այլոց մասին: