Լուսանկարներ, որոնցում երևում է՝ ինչպես են ողջ մնացած երեխային դուրս բերում Հրվ. Սուդանում կործանված ինքնաթիռից

ЛАЙФ 6 Ноябрь, 2015 9:59

Tert.am–ը գրում է.

Սա այն անհավանական պահն է, երբ ողջ մնացած երեխան դուրս է բերվում Հարավային Սուդանում նոյեմբերի 4-ի առավոտյան կործանված բեռնատար ինքնաթիռից, գրում է The Daily Mail-ը։ Պարբերականը հավելում է, որ ավիաաղետի հետևանքով զոհվել է 41 մարդ։

Ինչպես հաղորդվել էր ավելի վաղ, Հարավային Սուդանում Ան-12 ինքնաթիռի կործանման ժամանակ ողջ է մնացել մի երեխա։ Դրան նպաստել է երեխայի մոր հուսահատ քայլը, որը նրան դուրս է նետել պատուհանից, երբ ինքնաթիռը սկսել է կտրուկ իջնել։

Ռուսական արտադրության Антонов-12 ինքնաթիռը կործանվել է մայրաքաղաք Ջուբայի օդանավակայանից մոտ մեկ մղոն հեռավորությամբ:

Հարավային Սուդանի նախագահի խոսնակ Աթենի Վեկ Աթենիի խոսքով՝ զոհերի թվում են նաև 10 հոգի, որոնք եղել են ցամաքում։ Այնուամենայնիվ, ինչպես գրում է թերթը, ականատեսները և առաջին արձագանքողները հայտնել են, որ դաշտում ոչ մեկ չի եղել, երբ ինքնաթիռն ընկել է։

«Հարավային Սուդանում կործանված Ան-12 ինքնաթիռում եղել է 12 ուղևոր և անձնակազմի վեց անդամ, այդ թվում՝ հինգ հայ և մեկ ռուս»,- ասել է Աթենին՝ հավելելով, որ բոլոր ուղևորները սուդանցիներ են եղել:

Միևնույն ժամանակ, Քենիայում ուկրաինացի դիվանագետը հայտնել է, որ հինգ ռուս է եղել ինքնաթիռում:

Թերթը վկայակոչում է ռուսական LifeNews հեռուստաալիքին, որի՝ ռուսական ավիացիոն գործակալությունում աղբյուրը հայտնել է, որ ինքնաթիռը կարող էր գերծանրաբեռնված լինել և որ այն պատրաստվել է Խորհրդային միությունում 1971 թվականին։

«Սովորաբար, այս չվերթը 12 մարդ էր տեղափոխում, բայց խնդիրն այն է, որ նրանք ավել մարդ են վերցրել: Այս ինքնաթիռը միայն բեռի համար է, ոչ ուղևորների: Այն արտոնագրվել է ապրանքների համար»,- ասել է Հարավային Սուդանում չարտերային չվերթներ իրականացնող Combined Air Services ընկերության օպերացիոն մենեջերի օգնական Քենիյ Գալան։

ՀՀ Արտաքին գործերի նախարարությունը երեկ հրապարակել է Հարավային Սուդանում կործանված ինքնաթիռի անձնակազմի անդամների անունները։

Ըստ նախնական տեղեկությունների՝ Հարավային Սուդանում վթարի ենթարկված բեռնատար ինքնաթիռի անձնակազմի անդամներ են.

Հրամանատար Գևորգ Թովմասյան
Երկրորդ օդաչու Սամվել Համբարձումյան
Բորտ-ինժեներ Սամվել Մկրտչյան
Ավիատեխնիկ Արմեն Անտոնյան
Ավիատեխնիկ Սուրեն Պետրոսյան

2014թ.-ից AN12 օդանավը հանվել է Հայաստանի գրանցումից: Այն պատկանում էր տաջիկական Asia Airways ընկերությանը։

Miracle: Rescuers carry a baby who was pulled from the wreckage of a cargo plane that crashed in South Sudan, killing dozens of people

South Sudanese officials cross the river in a boat to take an injured man and baby to hospital from the crashed Russian cargo plane in Juba

Horror: Locals gather at the site where a cargo plane crashed in South Sudan shortly after taking off from Juba airport, killing at least 25 people

Disaster: Presidential spokesman Ateny Wek Ateny said the plane had been bound for the Paloch oil fields in Upper Nile state when it crashed

Destroyed: The scene of a cargo airplane that crashed after take-off near Juba Airport in South Sudan killing at least 25 people

Shocking: Packages of sandals, cigarettes, beer and crackers were strewn amid the bodies and wreckage of the Russian-built cargo plane

Officials investigate the scene of a cargo plane that crashed after take-off near Juba Airport in South Sudan on Wednesday

Obliterated: The crash site was just 800 metres from the runway it took off from in the South Sudanese capital of Juba