Այդքան սպասված փոքրիկը մահացած էր ծնվել. Զույգը չէր դադարում հավատալ հրաշքի. տեղի ունեցավ անհավատալին (լուսանկարներ)

Blog.1in.am-ը գրում է.

Մերի Սյուզան Ուիլյամսն ամբողջ կյանքը երազել է մայրանալ: Բայց նա պատկերացում անգամ չուներ՝ ինչ դժվարությունների միջով է անցնելու ամուսնությունից հետո:

Երբ Մերին առաջին անգամ հղիացավ, բժիշկները նրան տեղեկացրին, որ կան լուրջ բարդացումներ, և պտուղն անհաջող է զարգանում: Պահանջվում էր վիրահատություն, որից հետո կինը կարող էր հետագա ամբողջ կյանքում այլևս չհղիանալ: Բայց զույգը որոշեց ապավինել Աստծուն ու դիմակայել ճակատագրի հարվածին:

3.5 տարի անց նրանք իմացան, որ նորից երեխայի են սպասում: Նրանք անչափ ուրախացել էին և նույնիսկ սկսեցին վարել բլոգ՝ «Մեր հավատի ճամփորդությունը» խորագրով:

Մերին ու Բրենդանն իմացան, որ աղջիկ են ունենալու: Նրանք որոշել էին աղջկա անունը դնել Դանիելա: Շաբաթ առ շաբաթ լարվածությունը մեծանում էր:

Հղիության 22-րդ ամսում Մերին որովայնի հատվածում սուր ցավերով տեղափոխվեց հիվանդանոց: Նրա մոտ սկսել էր ներքին արյունահոսություն: Եթե նա մի քանի րոպե ավելի ուշ տեղափոխվեր հիվանդանոց, մահացած կլիներ: Այդ օրը բժիշկներին հաջողվեց փրկել միայն Մերիի կյանքը, իսկ Դանիելան իր տեղը զբաղեցրեց երկնքում:

Կորստին նրանք դժվարությամբ էին դիմակայում: Բայց Մերին ու Բրեդլին կրկին որոշեցին չհանձնվել, ապավինել Աստծուն: Նրանք արդեն մեծ ճանաչում ստացած բլոգում գրառում կատարեցին. «Հավատի ճամփորդությունը շարունակվում է: Մենք չենք հանձնվելու»:

Վերջին վիրահատությունից հետո բժիշկները Մերիին հայնել էին, որ նա այլևս չի կարող հղիանալ: Նրանց պատմության մասին իմացել էր ևս մեկ զույգ՝ Օտեմ և Դոնովան Անդերսոնները: Եկեղեցում, որտեղ աղոթում էին Մերի-Սյուզանն ու Բրենդանը, հանդիպել են Անդերսոններին: Վերջիններս, հետևելով հայտնի բլոգին, ճանաչում էին Բրենդանին ու Սյուզանին: Եվս մեկ անգամ լսելով նրանց պատմությունը, Օտեմը որոշել է օգնել նրանց. «Չէ՞ որ ես կարող եմ նրանց համար երեխա լույս աշխարհ բերել: Ինձ համար այդ 9 ամիսը հեշտ չի լինի, բայց դա ամբողջությամբ կփոխի նրանց կյանքը»,- պատնել է Օտեմը: Այդ մասին Օտեմն ասել է Սյուզանին: Զույգերը հանդիպել են:

«Ընթրիքի ժամանակ հասկացա, որ այդ մարդուն մեզ ուղարկել է Ասված»,- հիշում է Սյուզանը: 3 ամիս անց Օտեմը հղիացել է:

«Ինչ-որ պահի սկսեցինք մտածել, որ այդ երազանքն այլևս չի իրականան, բայց Աստված մեզ ուղարկեց Օտեմին»,- ասել է Սյուզանը:

Ի վերջո, Բրենդանի ու Սյուզանի երազանքն ի կատար ածվեց, երբ Օտեմը նրանց համար լույս աշխարհ բերեց արու զավակի՝ Քոլինին: Նրանք 10 տարի սպասել էին բաղձալի օրվան՝ հաղթահարելով անհաջողությունն անհաջողության հետևից:

«Երբեմն մեզ թվում է, որ մեր կյանքն անիմաստ է: Բայց պետք է հավատալ: Միգուցե, ես չեմ տեսնում Աստծուն, բայց հավատում եմ նրա գոյությանը: Աստված ծրագիր ունի կապված յուրաքանչյուրիս հետ: Միշտ չէ, որ հասկանում ենք դա, երբեմն նույնիսկ չենք ցանկանում, բայց այդ ժամանակ օգնության է հասնում հույսը»,- բլոգում գրել է Բրենդանը: