Ինչ կրթություն ունեն հայ դերասանները

Wnews.am-ը գրում է.

Անհավանական է, բայց Wnews.am-ի ցանկում ներկայացված դերասաններից որևէ մեկը չի ավարտել ԵԿԹԻ-ն, բայց դա չի խանգարել նրանցից շատերին հասնել հաջողության: Սա նշանակում է , որ իսկապես տաղանդավոր մարդու դեպքում կրթությունն այնքան էլ էական չէ: Իհարկե քիչ չեն նաև  մարդիկ, ովքեր իրենց տեղում չեն և վատ չէր լինի, եթե զբաղվեին իրենց իրական մասնագիտությամբ:

 

Աիդա Բաբաջանյան. դերասանուհի-Սովորել է  Թբիլիսիի պետական խորեոգրաֆիայի ուսումնարանում՝ ստանալով բալետի դերասանի որակավորում:

Ալեքսանդր Խաչատրյան. դերասան-Սովորել է Երևանի Գ.Սունդուկյանի անվան ազգային ակադեմիական թատրոնին կից դրամատիկ ստուդիայում: Աշխատել է նույն թատրոնում` որպես դերասան:  

Անդրանիկ Հարությունյան-դերասան, հումորիստ. Ավարտել է Երևանի պետական Կամերային թատրոնին կից ստուդիան և սկսել աշխատել` որպես դերասան:

Անժելա Սարգսյան. դերասանուհի. Սովորել է Երևանի պետական համալսարանի ռադիոֆիզիկայի ֆակուլտետում: 2000թ-ից աշխատում է Երևանի Հ.Ղափլանյանիանվան պետական դրամատիկական թատրոնում` որպես դերասանուհի:

Արման Նշանյան. դերասան, երաժիշտ. Ավարտել է ԱՄՆ «Howard Fine Acting» ինստիտուտը  և ընդունվել միանգամից երկու կրթական հաստատություն` Ստելլա Ադլերի դերասանական ակադեմիա և Էրիկ Մորիսի դերասանական ինստիտուտ: 2002թ. ավարտել է դերասանական կրթությունը և դարձել է Լի Ստրասբուրգի անվան «Դերասանի Ստուդիա»-յի ցմահ անդամ, որի նախագահն է դերասան Ալ Պաչինոն:  

Գոռ Վարդանյան.  դերասան ռեժիսեր. Սովորել է Երևանի Ճարտարապետական ինստիտուտում: Մասնակցել է բազմաթիվ միջազգային մրցումների և դարձել հաղթող: 1993թ-ից աշխատել է ՀՀ նախագահի անվտանգության ծառայությունում:

Ելենա Վարդանյան. դերասանուհի ավարտել է Երևանի Կ.Ստանիսլավսկու անվան պետական ռուսական դրամատիկական թատրոնին կից դրամատիկ ստուդիան` որպես դրամատիկ թատրոնի և կինոյի դերասանուհի: Ավարտելուց հետո ընդունվել է աշխատանքի նույն թատրոն` որպես դերասանուհի:

 

Իրինա Դանիելյան.դերասանուհի. Սովորել է Երևանի Ռ.Մելիքյանի անվան երաժշտական ուսումնարանում:

Լուիզա Ղամբարյան.դերսանուհի Սովորել է Երևանի Խ.Աբովյանի անվան մանկավարժական ինստիտուտի կուլտուրայի ֆակուլտետի գեղարվեստական ռեժիսուրայի բաժնում:

 

Հայկ Մարության. դերասան, ռեժիսոր, պրոդյուսեր.Ավարտել է  Երևանի պետական ճարտարագիտական համալսարանը: Խաղացել է պոլիտեխնիկական ինստիտուտի «Արմյանսկի պրոեկտ» ՈւՀԱ թիմում:

Հովհաննես Ազոյան.դերասան, հաղորդավար.Սովորել է Երևանի պետական տնտեսագիտական համալսարանում: Ուսանողական տարիներին մասնակցել է Հայաստանի ՈւՀԱ լիգայի խաղերին, որից հետո` Մոսկվայի միջազգային ՈւՀԱ բարձրագույն լիգայի խաղերին:

 

Հրանտ Թոխատյան. դերասան,հաղորդավար, պրոդյուսեր. Սովորել է Երևանի Վ.Բրյուսովի անվան պետական լեզվաբանական ինստիտուտի ռուսաց լեզվի և գրականության ֆակուլտետում, որն ավարտելուց հետո, որպես ռուսաց լեզվի և գրականության ուսուցիչ, աշխատել է Օշականում:

Հրաչ Քեշիշյան. ռեժիսոր, պրոդյուսեր Ավարտել է Երևանի պետական համալսարանի ռադիոֆիզիկայի ֆակուլտետը:  Աշխատել է Երևանի թիվ 187 միջնակարգ դպրոցում` որպես ուսուցիչ, ապա` Հեռուստառադիոպետկոմում` որպես ռեժիսոր:

Միխայիլ Գալուստյան. հումորիստ, հաղորդավար, դերասան ,պրոդյուսեր. Ընդունվել է բժշկական ուսումնարան, որից հետո` Սոչիի Տուրիզմի պետական համալսարանի բանասիրական ֆակուլտետ: Այդ ընթացքում արդեն խաղում էր «Утомлённые солнцем» ՈւՀԱ թիմում,զբաղվածության պատճառով կիսատ է թողել ուսումը:

  

Մկրտիչ Արզումանյան. դերասան սցենարիստ, պրոդյուսեր. Սովորել է Հայաստանի պետական ճարտարագիտական համալսարանի Գյումրու մասնաճյուղում: 1995-96թթ խաղացել է համալսարանի, 1997-2002թթ` «Արմյանսկի պրոեկտ» ՈւՀԱ թմերում:

 

Շուշաննա Թովմասյան. դերասանուհի.2007-08թթ սովորել է Հայաստանի Երգի պետական թատրոնի հաղորդավարության բաժնում, 2011թ.` Ա.Աբելյանի ղեկավարած «Առաջին պրոֆեսիոնալ» դերասանական ստուդիայում: 2010թ. ընդունվել է Երևանի Խ.Աբովյանի անվան պետական մանկավարժական համալսարանի կուլտուրայի ֆակուլտետի մասսայական հանդիսությունների և ռեժիսուրայի բաժին: