8 հետաքրքիր փաստեր «Արևորդի» միջազգային բնապահպանական կինոփառատոնի մասին

Նոյեմբերի 12-ին արդեն 5-րդ անգամ մեկնարկում է Արևորդի միջազգային բնապահպանական փառատոնը: Փառատոնի կինոցուցադրությունների ծրագրում ընդգրկված են 70 կարճամետրաժև լիամետրաժ, անիմացիոն, փաստագրական և խաղարկային ֆիլմեր` 22 երկրներից: Ֆիլմերի մեծամասնությունը վերջին երկու տարիներին բազմաթիվ մրցանակներ է ստացել ամենահեղինակավոր կինոփառատոներում:

Կինոցուցադրությունները տեղի են ունենալու Մոսկվա կինոթատրոնում, Էոն և Լոֆթ ակումբներում նոյեմբերի 12-ից 15-ը: Այնուհետև մինչև տարեվերջ ֆիլմերը շրջելու են Հայաստանի ամբողջ տարածքում, և պարբերաբար ցուցադրություններ են կազմակերպվելու նաև մարզերի բնակիչների համար:

Իսկ ստորև ներկայացնում ենք 8 փաստեր, որոնցով «Արևորդի» փառատոնն որոշակիորեն տարբերվում է մյուս փառատոներից:

 

1. «Արևորդի»-ին միակն է: Այն բնապահպանական ֆիլմերի առաջին ու միակն կինոփառատոնն է հարավկովկասյան ամբողջ տարածաշրջանում:
2. «Արևորդի»-ին փառատոների փառատոն է: Այստեղ չկա ժյուրի, չկան մրցանակներ, բայց միևնույն ժամանակ ցուցադրության համար հատիկ - հատիկ ընտրվում են այն ֆիլմերը, որոնք մի շարք հեղինակավոր փառատոների մրցանակակիրներ են ու համապատասխանում են ամենաբարձր չափանիշերին:
3. «Արևորդի»-ին հասանելի է: Միակ փառատոնն է, որի ծրագրի հիմնական մասը հեռարձակվում է հեռուստատեսություններով՝ հասանելի լինելով հանրութան լայն շրջանակներին։
4. «Արևորդի»-ին բազմատարր է: Փառատոնի օրերին ֆիլմերի ցուցադրությունից զատ կազմակերպվում են նաեւ աշխատարաններ, քննարկումներ, բնապահպանական թեմայով դիմակահանդեսներ։
5. «Արևորդի»-ն չկրկնվող է:  Փառատոնի հինգ տարիների ընթացքում անվանակարգերը երբեք չեն կրկնվել:

6. «Արևորդի»-ն էկո-ընկերական է: Հրավիրատոմսերի եւ այլ տպագրությունները կատարվում են վերամշակված թղթի վրա:

7. «Արևորդի»-ին ափերից դուրս է: Փառատոնյան օրերից հետո  փառատոնը շարունակվում է. կազմակերպվում են կինոդիտումներ, քննարկումներ եւ թեմատիկ հանդիպումներ նաեւ Հայաստանի մարզերում:
8. «Արևորդի»-ին կրթական է: Փառատոնից հետո եւս կազմակերպվում են տարբեր թեմաներով վարպետության դասեր, փորձի փոխանակումներ եւ սեմինարներ՝ հյուրընկալվելով տարբեր ուսումնական հաստատություններում: