Գեղեցկության թագին արժանացած 9 կանանց ողբերգական մահը

Wnews.am-ը գրում է.

Մի ծնվիր գեղեցիկ, այլ ծնվիր երջանիկ. այս ինը գեղեցկուհիները հաստատ կփոխեին իրենց գեղեցկությունը երկար ու երջանիկ կյանքի համար, սակայն նրանց հանդեպ ճակատագիրը դաժան էր։

Wnews.am-ը ներկայացնում է նրանց։

Մոնիկա Սպրի. «Միսս Վենեսուելա 2004»

Գեղեցկուհի Մոնիկան շահել է «Միսս Վենեսուելա 2004» տիտղոսը, իսկ 2005-ին երկիրը ներկայացրել «Միսս Տիեզերք» գեղեցկության մրցույթում։ Այդ ժամանակահատվածում նա ամուսնալուծված էր, բայց շարունակում էր մտերիմ հարաբերություններ պահպանել Թոմաս Բերիի հետ։ 39-ամյա բրիտանացին նրա հինգամյա դստեր հայրն էր։ Զույգը տեղափոխվել էր Միացյան Նահանգներ, բայց տոներին ու արձակուրդներին պարբերաբար այցելում էր Վենեսուելա։ Այդպես նրանք վարվեցին նաեւ 2014 թվականին։ Նրանց ավտոմեքենան վթարի ենթարկվեց, որից ոչ ոք տրավմաներ չստացավ։ Նրանք սպասում էին ոստիկանությանը, երբ այդ ընթացքում դժբախտաբար գողեր հայտնվեցին ու սպանեցին Մոնիկային ու Թոմասին։ Նրանց դուստրը հրաշքով փրկվեց։ Մի քանի րոպե անց ժամանած ոստիկանությունը ձերբակալեց մարդասպաններին։

 

Մարիա Խոսե Ալվադորո. «Միսս Հոնդուրաս 2014»

 

19-ամյա Մարիա Խոսե Ալվադորոն տոնում էր իր քրոջ ընկերոջ ծնունդը, որից հետո  քույրերից ոչ ոք տուն չվերադարձավ։ Նրանց կորստի մասին հայտարարեց հոբելյարը, ով հետագայում խոստովանեց, որ հենց ինքն է սպանել քույրերին։ Նա սկզբում խանդել է իր ընկերուհուն, ով գեղեցկուհու քույրն էր, կրակել ու սպանել նրան, հետո դեպքի վայրում տեսել է Մարիային ու նրան եւս սպանել։ Մարիան պետք է մեկներ Լոնդոն մասնակցելու «Միսս Աշխարհ» գեղեցկության մրցույթին։

Ագնեշկա Կոտլյարսկա. «Միսս Ինթերնեյշնլ 1991»

 

1990թ, երբ Ագնեշկան ճանաչվել էր «Միսս Լեհաստան», նրա կյանքում հայտնվեց գաղտնի երկրպագու, ով ամեն տեղ հետապնդում էր նրան։ Աղջիկը դրան ուշադրություն չէր դարձնում եւ չէր էլ կասկածում, որ վեց տարի անց նրա պատճառով կմահանա։ Մահվան պատճառը դարձավ գեղեցկուհու ամուսնությունը, ինչն էլ կատաղության հասցրեց մարդասպանին։

1996թ. գեղեցկուհին ամուսնու հետ գնում էր դեպի ավտոմեքենա, երբ մարդասպանը մեծ դանակով վրա հասավ գեղեցկուհու ամուսնու վրա։ Երբ Ագնեշկան ամուսնուն օգնության հասավ, մարդասպանը սպանեց նրան։  Ոստիկանությունը ձերբակալեց 36-ամյա մարդասպանին. նա դատապարտվեց   14 տարվա ազատազրկման։

 

 

Ալեքսանդրա Պետրովա. «Միսս Ռուսաստան 1996»

Ալեքսանդրան մահացել է 2000թ. նրան պատահաբար կրակել են կրիմինալ վեճի ժամանակ։ Դեռեւս  90-ականների կեսերին Ալեքսանդրան հարաբերություններ ուներ հանցավոր աշխարհի ներկայացուցիչ  Կոնստանտին Չուվիլինի հետ։

Սվետլանա Կոտովա. «Միսս Ռուսաստան 1996»

Ոչ, սա սխալմունք չէ։ Երկու հաղթողներն էլ սպանվել են։ Սվետլանայի դեպքում ամեն բան ավելի  վատ ավարտ ունեցավ։ Մրցույթի մասնակցությունից հետո նա իր կյանքը կապեց մարդասպան Ալեքսանդր Սոլոնիկոյի հետ։ Ամանորյա տոներին նա աղջկան հրավիրեց Հունաստանի իր վիլլա։ Մահվանից մեկ օր առաջ նա զանգել էր մորն ու ասել, որ գտնվում է իսկական դրախտում։ Այս խոսքերը ճակատագրական էին. հաջորդ օրը զինված ուժերը  ներխուժեցին նրանց տուն եւ սպանեցին նրանց։

 

Լայնա Կեզա. «Միսս Աֆրիկա 2010»

 

29-ամյա սեւամորթ մոդելը սպանվել է  2013թ.։ Նրան սպանել է իր երեքամյա դստեր հայրը։ Մահվանից մի քանի օր առաջ  նա վերջնականապես խզել էր իր կապերը Դեւիդի հետ, ով էլ օրեր անց նրան սպանեց։

Մելոդի Գերշբախ. «Միսս Ինթերնեյշնլ 2009»

Գեղեցկության թագը ստանձնելուց ընդամենը մեկ տարի անց ֆիլիպինյան գեղեցկուհին զոհվեց ավտովթարում։ Նա ընդամենը 24 տարեկան էր։

Հենեզիս Կարմոնա. «Միսս Տուրիզմ 2013», Վենեսուելա

Հենեսիս Կարմոնան մասնակցում էր Նիկոլաս Մադուրոյի կառավարության դեմ բողոքի ակցիային։ Անսպասելիորեն նրա վրա կրակեցին. աղջկան հիվանդանոց տեղափոխեցին, սակայն նա մահացավ։ Մինչ օրս էլ անհայտ է, թե ով է կրակել նրա գլխին։

Միքաելա Մակարիվի. Հնդկաստանի գեղեցկուհի

2011 թ. հունվարին Միքաելան ամուսնացավ եւ մեկնեց ամուսնական ճանապարհորդության։ Զույգը հոյակապ ժամանակ էր անցկացնում։ Ընթրիքին գեղեցկուհին ցանկանում էր իր սենյակից ինչ-որ բան վերցնել, վերադառնալով իր սենյակ նա հյուրանոցի երկու աշխատակիցներին հայտնաբերեց այնտեղ։ Նրանք հավանաբար ցանկանում էին  գողություն անել։ Տեսնելով գեղեցկուհուն նրանք խեղդում են նրան։ Մահվան հանգամանքների մասին ապացույցները քիչ էին, այդ պատճառով էլ դատարանը արդարացրեց կասկածյալներին։