ՌԴ ՊՆ-ն «թաքցրել» է Սիրիայում հայ զինվորի զոհվելու մասին տեղեկությունը. BBC-ի անդրադարձը (լուսանկարներ)

Աղբյուրը մանրամասնում է, որ դա Առուստամյանի երկրորդ զինվորական գործուղումն էր Սիրիա:

Ըստ պաշտոնական վարկածի՝ կրտսեր սերժանտը զոհվել է Դեր Զորում, մասնավորապես՝ Աշ Շուլայում, հակատանկային ականների պայթյունից:

Հատկանշական է, որ նոյեմբերի սկզբին Սիրիայում տեղի ունեցած պայթյունի ու դրա հետևանքով ՌԴ մի քանի քաղաքացու հնարավոր մահվան մասին առաջինը հայտնել էր «Նովայա գազետա»-ն, սակայն «Նորությունների դաշնային գործակալություն»-ը տեղեկությունը կեղծ էր անվանել՝ բացատրելով, որ դա ընդամենը եղել է «Իսլամական պետություն»-ից առգրավված զենք-զինամթերքի պայթեցման գործողություն:

ՌԴ ՊՆ-ն և Սիրիայում ռուսական զորքերի հրամանատարությունը տվյալ լուրը որևէ կերպ չեն մեկնաբանել:

ՊՆ-ն վերջին անգամ Սիրիայում կրած կորուստների մասին հայտնել էր սեպտեմբերի 17-ին:

Նշվում է, որ ինչ-ինչ պատճառներով որոշում է կայացվել Առուստամյանի մահվան լուրը չհրապարակել:

Կրտսեր սերժանտի ընտանիքին տրամադրված մահվան տեղեկանքում նշվում է, որ Առուստամյանը զոհվել է ականապատ արգելափակոցի պայթյունի հետևանքով՝ ստանալով կյանքի հետ անհամատեղելի վնասվածքներ: Նշվում է, որ երիտասարդը զոհվել է այն ժամանակ, երբ փորձել է բացել արգելափակոցը, սակայն չի կարողացել պահել այն ու գցել է, ինչի հետևանքով պայթել է միանգամից չորս ական:

Սակայն Առուստամյանի հարազատները կատարվածի պաշտոնական վարկածին կասկածանքով են վերաբերվում:

«Հակատանկային ականը չի կարող պայթել, եթե այն գցեն ոչ մեծ բարձրությունից: Այլ բան է, եթե ամբողջ գործողության իմաստը ռուսական զենքի գովազդն է: Սիրիա ուղարկվող ռուսական հրթիռները, ինքնաթիռներն ու տանկերը նոր են, մինչդեռ զինամթերքը, արկերն ու ականները՝ դեռևս խորհրդային արտադրության, որոնց մի մասը դեռ շատ վաղուց էր պետք ոչնչացնել: Անորակ ականը, հավանաբար, կարող էր պայթել նման ցածր տարածությունից ընկնելու դեպքում»,-նշել է Առուստամյանի բարեկամներից մեկը, որը նախկինում առնչություն է ունեցել զինված ուժերի հետ:

Զոհվածի եղբայրներից մեկն էլ նշել է, որ ՌԴ ՊՆ-ն փորձում է ավելորդ անդամ կորուստի մասին չհաղորդել, որպեսզի չվախեցնի Սիրիա զինվորական ծառայության համար մեկնել պատրաստվող կամավորներին:

2015թ. ի վեր Սիրիայում սկսված ռուսական ռազմական արշավի շրջանակում, ՌԴ ՊՆ-ի հաղորդմամբ, զոհվել է 100-ից ավելի զինծառայող, սակայն Reuters գործակալության հաշվարկով՝ զոհերի թիվն անհամեմատ ավելի մեծ է: Նշվում է, որ ՌԴ նախագահ Վլադիմիր Պուտինը գաղտնի կարգադրություն է տվել առ այն, որ ՊՆ-ն  Սիրիայում ռուս զինծառայողների մահվան ոչ բոլոր դեպքերի մասին հրապարակավ հայտնի: