Ֆեյսբուքում արդեն հնարավորություն կա գործարկել 360 աստիճան տեսանյութեր
БЛОГՌուբեն Խաչատրյանը Ֆեյսբուքյան իր էջում գրում է.
Ֆեյսբուքում արդեն հնարավորություն կա գործարկել 360 աստիճան տեսանյութեր: 360 աստիճան տեսանյութը կարելի է այս ու այն կողմ տեղաշարժել տեսախցիկը։ Սա նաև հասանելի էր Յութուբում:
Ինչպես տեսնում ենք Ֆեյսբուքը տեսանյութերի հնարավորությունները զարգացնում է և նպատակ ունի հասցնել Youtube-ի մակարդակին: Վերջին նորամուծությունը հենց վկայում է դրա մասին:
ֆեյսբուքում տեսանյութերի մշակույթը բոլորովին վերջերս տարածում ստացավ: Նախ եկենք համեմատենք թվերը և տեսնենք, թե վերջին տվյալներով օրական ինչքան դիտում է լինում ֆեյսբուքում և յութուբում: Վերջին տվյալներով տեսանյութերի օրական դիտումները ֆեյսբուքի պարագայում գերազանցում է 8 միլիարդը, իսկ յութուբի պարագայում գրեթե կեսի չափով՝ մոտավորապես 4 միլիարդ:
Չնայած նրան, որ ֆեյսբուքի ունիկալ դիտումների հաշվարկման մեխանիզը որոշակիորեն տարբերվում է յութուբից, այնուամենայնիվ փաստը մնում է փաստ, որ ֆեյսբուքն այսօր դիտումների թվային առավելություն ունի յութուբի նկատմամբ:
Արդյո՞ք սա նշանակում է , որ ֆեյսբուքը կկարողանա կարճ ժամանակահատվածում գողանալ յութուբյան օգտատերերին:
Նախ նկատենք, որ տեսանյութերի դիտման հնարավորությունները ֆեյսբուքում այնքան էլ հարմար չեն: Գոյություն չունի փլեյլիստ, ինչպես յութուբում է: Այսինքն մենք չենք կարող հավաքել մեզ դուր եկած տեսանյութերը մեկ փլեյլիստում և գործածել այնպես ինչպես յութուբում է: Սա նշանակում է, որ այս շրջանում, ունիկալ օգտատերերին գրավելու առումով ֆեյսբուքը դեռ չի հասել համապատասխան մակարդակին և որոշակի աշխատանք դեռ կա անելու: Ամեն դեպքում մոտ ապագայում ֆեյսբուքը պլանավորել է ստեղծել նմանատիպ ինչ որ բան, որը թույլ կտա օգտատերերին տեսանյութերը հավաքել առանձին ցուցակում:
Այս պայմանններում արդեն ֆեյսբուքը կկարողանա ներգրավել բոլոր այն յութուբյան օգտատերերին, ովքեր յութուբում անցկացնում են շատ քիչ ժամանակ և օգտագործում են զուտ երաժշտություն լսելու, ինչ որ տեսանյութ գտնելու նպատակով: Այսինքն ամբողջ նպատակը հետևյալն է, բոլոր ֆեյսբուքյան օգտատերերի համար ստեղծել այնպիսի վիդեո որոնողական միջավայր, որով կկարողանան պահել օգտատերերին ֆեյսբուքի սահմաններում:
Մի այսպիսի նրբություն ևս: Ֆեյսբուքում ներբեռնված տեսանյութն ավելի շատ դիտումներ և post reach է ունենում քան յութուբից ֆեյսբուք պոստ եղածը: Սա նշանակում է , որ ֆեյսբուքն արհեստականորեն ստիպում է օգտատերերին ֆեյսբուքի տարածքում օգտվել բացառապես իր արտադրանքից:
Կարծում եմ, որ բոլոր նրանց համար, ովքեր բավականին երկար ժամանակ են անցկացնում ֆեյսբուքում,ավելի պրակտիկ կլինի օգտվել միայն ֆեյսբուքի վիդեո հնարավորություններից: