Մոնակո՝ միլիարդատերերի քաղաք (լուսանկարներ)

Այս գաճաճ պետությունը պայքարում է՝ աշխարհում բնակչության 1 շնչին հասնող ամենաբարձր ՀՆԱ-ի համար,- տեղեկացնում է Past.am-ը: «Մոնակո» բառն արտաբերելիս, մեր աչքի առաջ գալիս են խաղատներ, փողի կույտեր, սպորտային ավտոմեքենաներ, սակայն քչերն են մտածում, թե ինչպես է այդ փոքրիկ քաղաքը դարձել մագնիս՝ հարուստների համար:

Մոնակոյում՝ Ֆրանսիական Ռիվիերայի հարևանությամբ, միջերկրածովյան այս ափին ապրում է մոտավորապես 37 հազար մարդ: WealthInsight գործակալության հաղորդմամբ՝ նրանց մեկ երրորդը միլիոնատերեր են:

Ինչպե՞ս այդպես ստացվեց։

Նախ և առաջ՝ շնորհիվ հարկային համակարգի: Մոնակոյի դքսությունը փոխեց հարկային համակարգը 1869-ին, ընկերությունների ու ֆիզիկական անձանց հարկերը չափազանց ցածր են: Ավելի քան 100 երկրի մարդկանց գրավում է իր կարողության մեծ մասն այստեղ պահելու հնարավորությունը:

Մոնակոյում են ապրում «Ֆորմուլա-1»-ի ավտոարշավորդ Լյուիս Համիլթոնը, թենիսիստ Նովակ Ջոկովիչն ու Թինա Գրինը՝ բրիտանացի միլիարդատեր Ֆիլիպ Գրինի կինը: Հարուստներին Մոնակոն գրավում է ոչ միայն հարկային ռեժիմով, այլև կենսակերպով:

Կլոր տարին Մոնակոյում հրաշալի եղանակ է, կայուն քաղաքական վիճակ, մշտական բարձրաշխարհիկ միջոցառումներ: Հարուստների շրջանում մեծ ճանաչում է վայելում «Ֆորմուլա-1»-ի Գրան պրին:

Մինչև Մոնակո՝ հարմար է ուղևորվել Նիցցայի օդանավակայանից՝ Ֆրանսիայի հետ սահմանը մոտ է: Միլիոնատերերի հոսքը բարձրացրել է Մոնակոյում անշարժ գույքի գները Մոնակո քաղաք-պետությունը Նյու Յորքի Կենտրոնական այգու չափ է: Անշարժ գույքի գները տատանվում են: Պահանջարկը գերազանցում է առաջարկը, ու Մոնակոյում անշարժ գույք գնել իրենց կարող են քչերը թույլ տալ:

Մոնակոյում ամենաթանկ տները վաճառվում են 0,1մ²-ն 9 հազար դոլլարով: Մանհեթենում գինը մոտավորապես կրկնակի էժան է: Մոնակոյում զբոսանավերը լավ բիզնես են:

Բազմաթիվ գործակալություններ բնակարանների ու առանձնատների հետ առաջարկում են զբոսանավեր: Մոնակոյի նավահանգստում կան հարյուրավոր նավեր Սուպերմեքենան Մոնակոյում սովորական երևույթ է։

Բազմաթիվ զբոսաշրջիկներ գալիս են Մոնակո՝ լուսանկարելու անհավանական թանկ ավտոմեքենաները: