Ընդդիմությունը չի ցանկանում իր վրա պատասխանատվություն վերցնել
БЛОГԷդգար Խաչատրյանը Ֆեյսբուքյան իր էջում գրում է.
Ես քանիցս նշել եմ, որ ընդդիմությունը չի ցանկանում իր վրա պատասխանատվություն վերցնել և իրեն հարամար է զգում միայն խոսելիս:
Հիմա էլ Արամ Մանուկյանն ասում. «Այ իշխանություն, եթե գնում ես արդար ընտրության, ինչո՞ւ ես ընդդիմության վրա դնում վերահսկողության խնդիրը»: Պրն Մանուկյան իշխանությունը արդար կանցկացնի՞ այս ընտրությունները, թե՞ անարդար դա որևէ կապ չունի այն հանգամանքի հետ, որ ըդդիմությունը պետք է բոլոր տեղամասերում վերահասկողություն իրականացնի: Տունը նստած ոչ մեկ ոչ մեկի իշխանություն չի տալիս, իսկ ոնց հասկանում եմ՝ մեր ընդդիմությունը հեցն դա էլ ուզում է: Չգնա ընտրատեղամաս, չվերահսկի, չպայքարի, բայց դե իշխանությունն էլ սկուտեղի վրա պետք է ստանա:
Արամ Մանուկյանը վաղուց է զբաղվում քաղաքականությամբ ու չեմ կարծում, որ պրոֆեսիոնալն այդպիսի հայտարարություն պետք է աներ: Մի բան էլ ինքը պետք է ասեր, որ պետք է վերահսկի թե՛ դրսում թե՛ ներսում:
Մենք խոսում ենք տարբեր ինստիտուտների վատ աշխատանքից, բայց մի բաց օղակ կա՝ դա ընդդիմության պրոֆեսիոնալիզմն է: Ընդդիմությունը հենց հասկացավ, որ պետք է պատասխանատվություն կրի տարբեր հարցերում, այդ թվում վերահսկողության ոլորտում, ահագին բան կփոխվի մեր իրականության մեջ: