ՊԱՏՄՈՒԹՅԱՆ ԱՅՍ ՕՐԸ (9 ԱՊՐԻԼԻ). Մոմավառություն, կառավարության հրաժարական, էլեկտրագնացքի վթար

ՏՈՆԵՐ

Վրաստանում՝ Ազգային միասնության, Կոսովոյում՝ Սահմանադրության, Ֆիլիպիններում՝ Արիության:

ՀԱՅԱՍՏԱՆ

1938-մահացել է հայ գրականագետ, թարգմանիչ Հարություն Սուրխաթյանը:

1960-ծնվել է հայ ազատամարտիկ, քաղաքական գործիչ, «Արաբո» ջոկատի հիմնադիր Մանվել Եղիազարյանը:

2001-ԱՄՆ նախագահ Բուշը Սպիտակ տանն առանձին-առանձին, 15-ական րոպեով հանդիպել է նախ՝ Ռոբերտ Քոչարյանին, ապա Հեյդար Ալիևին: Ըստ ամերիկյան ԶԼՄ-ների  հավաստիացումների, բանակցություններում լուրջ առաջընթաց է արձանագրվել:

2009-Ոստիկանության կողմից իրականացվել է քաղաքացիների՝ Հյուսիսային պողոտայում «զբոսնելու» իրավունքից զրկելու փորձեր: Բանը հասել է բռնության գործադրման: Եղել են ձերբակալություններ: Լարումը հանդարտեցնելու նպատակով ոստիկանության հետ բանակցել փորձող ՀԱԿ համակարգող Լևոն Զուրաբյանը ևս բերման է ենթարկվել։ 

2012- մահացել է օպերային երգչուհի Լիլի Չուգազյանը:

2013-Ոստիկանապետ Վլադիմիր Գասպարյանի և Րաֆֆի Հովհաննիսյանի միջև երկար բանակցություններից հետո տեղի է ունեցել մոմավառություն, որով էլ ավարտվել են Հովհաննիսյանի բողոքի ակցիաները:

-ՀՀ Ազգային ժողովի հատուկ նիստում տեղի է ունեցել Սերժ Սարգսյանի՝ հանրապետության նախագահի պաշտոնը ստանձնելու հանդիսավոր արարողությունը:

-Նախագահ Սերժ Սարգսյանը ընդունել է Տիգրան Սարգսյանի կառավարության հրաժարականը: 

2014-«Դեմ եմ»-ի ակտիվիստները փակել են Նալբանդյան փողոցի՝ կառավարության դիմացի հատվածը, նստել գետնին և վանկարկել՝ «Մենք ենք տերը այս երկրի»:

2016-Նախագահ Սերժ Սարգսյանն ընդունել է ԵԱՀԿ Մինսկի խմբի համանախագահներին, իսկ Երևանի Հանրապետության հրապարակում մի խումբ քաղաքացիներ նախաձեռնել են բողոքի ցույց՝ ընդդեմ միջազգային կառույցների՝ կապված ապրիլ յան պատերազմի հետ:

2018-Ղեկավարվելով ՀՀ Սահմանադրության 212 հոդվածով՝ վարչապետ Կարեն Կարապետյանը նախագահ Արմեն Սարգսյանին է ներկայացրել կառավարության հրաժարականի դիմումը, որն ընդունվել է: 

ԱՇԽԱՐՀ

1336- ծնվել է միջինասիական զորավար, աշխարհի ամենահայտնի նվաճողներից մեկը՝ Թամեռլանը:

1799- անգլիացի քիմիկ Հեմֆրի Դևին հայտնագործել է անզգայացնող ազոտի երկօքսիդը՝ «ուրախացնող գազը»:

1843-մահացել է Անգլիայի թագավոր Էդուարդ 4-րդը:

1865- ԱՄՆ-ում տեղի է ունեցել քաղաքացիական պատերազմի ավարտը հանդիսացող հյուսիսվիրջինյան բանակի կապիտուլ յացիան Ապպոմատտիկսում:

1928-Թուրքիայում իսլամը ընդունվել է որպես պետական կրոն:

1933- ծնվել է ֆրանսիացի հանրահայտ դերասան ժան Պոլ Բելմոնդոն:

1940-նացիստական Գերմանիան ներխուժել է Նորվեգիա և Դանիա:

1945- Խորհրդային բանակը՝ մարշալներ Վասիլևսկու և Բաղրամյանի ղեկավարությամբ, գրավել է գերմանական Քյոնիգսբերգ՝ ներկայիս Կալինինգրադ քաղաքը:

1972-կնքվել է խորհրդա-իրանական բարեկամության և համագործակցության մասին համաձայնագիրը:

1991-Վրաստանի Գերագույն խորհրդի կողմից ընդունվել է Վրաստանի անկախության հռչակագիրը:

2000-Էդուարդ Շեվարդնաձեն վերընտրվել է Վրաստանի նախագահ:

2005-Ուելսի թագաժառանգ Չարլզը և Կամիլա Պարկեր-Բոուլզը նշանադրվել են Վինձորի ռատուշայում:

2017 -մերձմոսկովյան էլեկտրագնացքը, որը շարժվում էր Մոսկվա-Ուսովո ուղղությամբ, գիշերը բախվել է Մոսկվա-Բրեստ ուղղությամբ շարժվող գնացքին: Բախման հետևանքով տուժել է 50 ուղևոր, նրանցից 12-ը հոսպիտալացվել է:

Կամո Խաչիկյան