Շատ հաճախ բժիշկները պզուկները բուժելու նպատակով նշանակում են իզոտրետինոին: Այս դեղորայքը չի կարելի օգտագործել հղիության ընթացքում, քանի որ այն կարող է բացասական ազդեցություն գործել պտղի ներարգանդային զարգացման վրա, առաջացնելով բնածին խանգարումներ:
Բացի այդ իզոտրետինոինը կարող է առաջացնել մաշկի չորություն, որոշ դեպքերում հոգեկան խանգարումներ, օրինակ տագնապայնություն կամ փսիխոզ, մկանային ցավեր:
Չնայած այս ամենին, բժիշկները հաճախ են նշանակում այս պրեպարատը:
Բրազիլացի բժիշկներն իրենց ուսումնասիրությունների արդյունքում հանգել են այն եզրակացության, որ այս դեղորայքի կողմնակի ազդեցություններն ավելի շատ են, քան նրա օգտակարություն, այսինքն դրա թերությունները մի քանի անգամ գերազանցում են առավելությունը:
Այս պրեպարատը ազդում է հակաբիոտիկների պես, սակայն ավելի լուրջ կողմնակի ազդեցություն ունի, քան հակաբիոտիկները:
