Բոլոր մարդիկ արժանի են սիրո և երջանկության, անկախ այն բանից, թե ինչ տեսք ունեն: Բայց արի ու տես, որ որոշ մարդիկ հաճույք են ստանում այլոց տառապանքները տեսնելով և ծաղրում են նրանց:
Ժակլին Էդենը նախկինում կշռում էր 220 կգ. և նրան մեծ ջանքերի շնորհիվ հաջողվեց ազատվել շուրջ 150 կգ ավելորդ քաշից: Դա իսկապես որ բավականին տանջալից գործընթաց է, այնուամենայնիվ նա կարողացավ և դա նրան հաջողվեց ճիշտ սնվելու և մարզումների շնորհիվ:
Նա ուրախ է, որ կարողացել ազատվել այդ քաշից, սակայն մաշկի վրա մնացել են ծալքեր, հատկապես ոտքերի վրա, որոնց պատճառով նա շատ վատ է զգում իրեն: Նա վերջապես քաջություն հավաքեց և կատարեց իր վաղեմի երազանքը գնաց լողափ լողազգեստով: Ժակլինը պատահաբար լսեց ու նկատեց, թե ինչպես են ոմանք ծիծաղում, մատնացույց անելով իր ոտքերի ծալքերը, նույնիսկ մեկը նրա ոտքերը անճոռնի անվանեց:
Նա վերադառնալուն պես Ինստագրամում կիսվեց իր մտքերով.
«Ես այդ պահին ինձ շատ վատ զգացի, միթե՞ նրանք չեն հասկանում, որ ես ինքնս էլ լավ չեմ զգում դրանից, բայց ես թույլ չեմ տա այդպիսի անզգամներին ազդել ինձ վրա, նրանք չպետք է խանգարեն ինձ ապրել նորմալ կյանքով: Նրանք չգիտեն, թե ես ինչպիսի ջանքերի շնրոհիվ եմ կարողացել ազատվել 150 կիլոգրամ քաշից, նրանք չգիտեն, թե քանի լուրջ վիրահատություն եմ տարել, նրանք իրավունք չունեն նստել և մատով ցույց տալ ինձ ու ծիծաղել:
Մի պահ ես որոշեցի ծածկել ոտքերս ու նստած մնալ, բայց հետո պարզապես ժպտացի նրանց ու մտա ծովի տաք ջրի մեջ:
Կարևոր չէ, թե ինչ են ասում ուրշները, կարևոր է, թե դուք ինչպես եք դրան արձագանքում: Ես սիրում եմ ինձ ու իմ մարմինը, ինչպիսին էլ որ այն լինի: Շարունակեք ժպտալ:
