Այս տարօրինակ երևույթը ԱՄՆ-ում կոչեցին ուրվական խնձորներ՝ իրենց տեսքի համար: Սա առաջին անգամ նկատվեց ԱՄՆ-ում սաստիկ անոմալ ցրտերից հետո, ֆերմեր Էնդրյու Սիցեմայի այգում:
Խնձորի ծառի վրա կախված էին խնձորների սառցե նմանակները:
Ֆերմերն ինքը երկար փնտրտուքներից հետո գտավ հանելուկի պատասխանը:
Էնդրյուն ասում է, որ, երբ խնձորները դեռ ծառի վրա են եղել, սառույցը պատել է նրանց, սակայն քանի որ խնձորին ավելի շատ ցածր ջերմաստիճան է պետք սառչելու ամար քան ջրին, ապա խնձորը սառույցի մեջ վերածվել է շիլայի, որն էլ ծորալով դուրս է եկել սառցե կաղապարի ներքևի մասից:
Ֆերմերն ասում է, որ սա կարող է տեղի ունենալ ցանկացած մրգերի ու բանջարեղենի հետ, որոնք չեն հավաքվել բերքահավաքի ժամանակ և որոնք ենթարկվել են այդպիսի ուժեղ ցրտահարման:
Վիլիամ Շուկեյկերը, Իլինոյսի համալսարանի նախկին բուսաբանը, ասում է, որ դա էքստրեմալ ցրտի հետևանքով է եղել, և, որ նման պայմաններում խնձորները ոչ միայն կարող են սառցապատվել, այլ անգամ փտել: Դրանք պահպանում են իրենց ֆորման, սակայն ներսում ավելի շատ խնձորային սոուսի են վերածվում:
Որոշ մարդիկ հետաքրքրվեցին, թե ինչու խնձորներն ուղղակի չեն սառցակալել ու մնացել պինդ, ինչպես հաճախ է լինում:
Նախկին բուսաբանը պատասխանում է, որ դա կլիներ այն դեպքում, եթե ցուրտը էստրեմալ չլիներ:
