Նրանք ովքեր տառապում են այս առողջական խնդիրներով կհաստատեն, որ դեղորայքները միշտ չէ, որ թեթևացնում են վիճակը: Կան բնական միջոցներ, որոնք բուժումն առավել արդյունավետ են դարձնում:
Բրնձի ջուր
Եռացնել 1 լիտր ջուր, ավելացնել 150 գրամ բրինձ, 5-7 րոպե եփել մարմանդ կրակի վրա, այնուհետև անմիջապես քամել, որպեսզի բրինձը չհասցնի ջուրը ներծծել: Ստացված հեղուկը խմել օրվա ընթացքում մի քանի անգամ 100-ական մլ, ուտելու ժամերի միջև:
Խնձորով ու երիցուկով թեյ
500 մլ ջրին ավելացնել թարմ խնձոր: Երբ ջուրը եռա, ավելացնել 1 ճաշի գդալ երիցուկի ծաղիկներ, թողնել ևս մի քանի րոպե, այնուհետև վերցնել կրակից և թրմել: Խմել առավոտյան նախաճաշից և ճաշից առաջ՝ 200-ական մլ:
Կտավատի սերմերի եփուկ
1 ճաշի գդալ կտավատի սերմերի վրա ավելացնել 250 մլ եռման ջուր և թողնել թրմվի ամբողջ գիշեր: Խմել ուտելուց առաջ՝ 60-70 մլ: Եփուկը խմել 30 օր:
Կարտոֆիլի հյութ
Կարտոֆիլի հյութը քամել և խմել 1 ճաշի գդալ ուտելուց 30 րոպե առաջ:
Այրոցի դեպքում խմել 7-10 օր, գաստրիտի դեպքում՝ 15-20 օր, իսկ խոցային հիվանդության դեպքում՝ 30-40 օր:
