ՊԱՏՄՈՒԹՅԱՆ ԱՅՍ ՕՐԸ (27 ԱՊՐԻԼԻ). Կու­սակ­ցու­թյուն­նե­րը դի­մել են Սահ­մա­նադ­րա­կան դա­տա­րան, ստեղծ­վել են նոր պե­տու­թյուն­ներ

ՏՈՆԵՐ ԵՎ ՀԻՇԱՏԱԿԻ ՕՐԵՐ

Իսրայել՝ Հիշողության օր, ՀԱՀ՝ Ազատության օր, Սլովենիա՝ Ազգային դիմադրության օր, Ավստրիա՝ Երկրորդ հանրապետության օր, Իրան՝ Անվտանգ երթևեկության օր, ԱՄՆ՝ Ծառատնկման օր։

ՀԱՅ-ՀԱՅԱՍՏԱՆ

1912-ծնվել է հայ խորհրդային քիմիկոստեխնոլոգ Էդգար Տեր-Ղազարյանը։

1915-ծնվել է հայ մեծանուն բանաստեղծ Հովհաննես Շիրազը։

1965-մահացել է հայ նշանավոր կինոռեժիսոր Համո Բեկնազարյանը։

1992-Հայաստանը դարձել է Արժույթի միջազգային հիմնադրամի անդամ-երկիր։

2001- «Հրազդանցեմենտ» փակ բաժնետիրական ընկերությունը վաճառվել է «Միկա-Արմենիա» ընկերությանը՝ 415 մլն դրամով:

2003-ստեղծվել է շուրջ 1 միլիոն դոլար հիմնադիր կապիտալ ունեցող «ԱԳԲԱ լիզինգ» ընկերությունը։

2004- Ազատության հրապարակում հայաստանյան միացյալ ընդդիմության ղեկավարները վերահաստատել են իրենց վճռականությունը՝ հասնել երկրի նախագահ Ռոբերտ Քոչարյանի հրաժարականին:

2005-Հայաստանում Միացյալ Նահանգների դեսպան Ջոն Էվանսը, տիկին Դոննա Էվանսը, բարձրաստիճան այլ անձինք մասնակցել են «Հայաստան-ծառատունկ» ծրագրին Կարին գյուղում:

2006-Ֆուտբոլի Հայաստանի հավաքականը 2008 թվականի Եվրոպայի առաջնության ընտրական մրցաշարում ընդգրկվել է առաջին խմբում: Նույն խմբում է նաև Ադրբեջանը: 

2007-Հայաստանի պաշտպանության նախարարության Մարշալ Խանփերյանցի անվան ռազմաավիացիոն ինստիտուտում տեղի է ունեցել ԱՄՆ-ի եվրոպական հրամանատարության «Համատեղ ձգտում – 2007» զորավարժությունների բացման հանդիսավոր արարողությունը։

2012- ՀԱԿ-ը, ՀՅԴ-ն և ԲՀԿ-ն դիմել են Սահմանադրական դատարան (ՍԴ)` պահանջով, որպեսզի ՍԴ-ն հակասահմանադրական ճանաչի Ընտրական օրենսգրքի այն նորմերը, որոնցով արգելվում է հրապարակել ընտրողների ստորագրած ցուցակները:

2015-Միացյալ Նահանգներում կազմավորված «Փարոս» հիմնադրամը Գյումրիում բացել է Երեխաների զարգացման կենտրոն։

2017- հայ հանդիսատեսը դիտել է Քըրք Քըրքորյանի Survival pictures ընկերության կողմից նկարահանված «Խոստումը» ֆիլմը, որի ռեժիսորը օսկարակիր Թերրի Ջորջն է:

ԱՇԽԱՐՀ

1512-Ֆիլիպիններում աբորիգենները սպանել են պորտուգալացի ծովագնաց Ֆերնան Մագելանին։

1644-Կանադայում առաջին անգամ ցորեն են ցանել։

1791-ծնվել է ամերիկացի նկարիչ և գյուտարար, գրող, հեռագրի և մորզեի այբուբենի ստեղծող Սեմուել Մորզեն։

1812-Ռուսաստանի ցար Ալեքսանդր Առաջինը նոտա է հղել Ֆրանսիայի կայսր Նապոլեոնին՝ պահանջելով ազատել շվեդական Պոմերանին։

1828-բացվել է Լոնդոնի կենդանաբանական այգին։

1922-ՌԽՖՍՀ-ի կազմում առաջացել է Յակուտական Ինքնավար ԽՍՀ-ն։

1927-ծնվել է թատրոնի և կինոյի արտիստ, ՌԽՖՍՀ ժողովրդական արտիստ Եվգենի Մորգունովը։

1933-ծնվել է ռուս մանկական վիրաբույժ, պրոֆեսոր, հասարակական գործիչ Լեոնիդ Ռոշալը։

1960-Ֆրանսիայի կողմից կառավարվող Տոգոլենդի մի մասը դարձել է անկախ պետություն՝ Տոգո։

1961-Սիերրա-Լեոնան ստացել է անկախություն Մեծ Բրիտանիայից։

1963-Կուբայի հեղափոխության առաջնորդ Ֆիդել Կաստրոն առաջին անգամ ժամանել է ԽՍՀՄ։

1965-ԱՄՆ-ում արտոնագիր է տրվել առաջին միանգամյա օգտագործման տակդիրների՝ «Պամպերսի» համար։

1978-սկսվել է ապրիլ յան հեղափոխությունը Աֆղանստանում, որը համարվում է քաղաքացիական պատերազմի սկիզբ, ինչը շարունակվում է նաև հիմա։

1992-Հարավսլավիայի տրոհումից հետո Սերբիան և Չեռնոգորիան ստեղծել են նոր Հարավսլավիայի Ֆեդերատիվ Հանրապետություն՝ Բելգրադ մայրաքաղաքով։

2007-մահացել է թավջութակահար, դիրիժոր, ԽՍՀՄ ժողովրդական արտիստ Մստիսլավ Ռոստրոպովիչը։

2012-Ուկրաինայի Դնեպրոպետրովսկ քաղաքի կենտրոնում տեղի են ունեցել ահաբեկչական գործողություններ։

Կամո Խաչիկյան