ՊԱՏՄՈՒԹՅԱՆ ԱՅՍ ՕՐԸ (1 ՄԱՅԻՍԻ). Նի­կոլ Փա­շի­նյա­նը վար­չա­պետ չընտր­վեց...

ՏՈՆԵՐ ԵՎ ՀԻՇԱՏԱԿԻ ՕՐԵՐ

Աշխատավորների համերաշխության օր, Ղազախստան՝ Ղազախստանի ժողովուրդների միասնության օր, ԱՄՆ՝ Լոյալության օր, Մանկական առողջապահության օր և Իրավունքի օր, Հավայան կղզիներ՝ Հավայական պարերի օր։

ՀԱՅ-ՀԱՅԱՍՏԱՆ

1912-ծնվել է հայ նկարչուհի Մարիամ Պետրոսյանը։

1930-ծնվել է հայ բանաստեղծ, թարգմանիչ լրագրող Վլադիմիր Աբրահամյանը։

1939-ծնվել է ֆրանսիահայ երգչուհի Ռոզի Արմենը։

1920- Երևանում և մի շարք այլ քաղաքներում տեղի են ունեցել հակակառավարական ցույցեր։

1978-մահացել է հայ մեծանուն կոմպոզիտոր Արամ Խաչատրյանը։

1988-Ստեփանակերտում մայիսմեկյան շքերթը վերածվել է ցույցի, որի մասնակիցները բարձրաձայնել են Լեռնային Ղարաբաղը Հայաստանին միացնելու պահանջը։

1991- ԱՄՆ-ի Սենատը միաձայն որոշում է ընդունել, որով դատապարտել է ԽՍՀՄ-ի և Ադրբեջանի կողմից Լեռնային Ղարաբաղի, Հայաստանի և Ադրբեջանի հայերի նկատմամբ իրականացված բռնությունները:

2001- Արաբական Միացյալ Էմիրությունների Դուբայ քաղաքում անցկացված «Շեյխի գավաթ» ավանդական՝ թվով երրորդ շախմատի մրցույթի սահմանած գավաթը նվաճել է Կարեն Ասրյանը:

2002- ավտոմատ հրազենից արձակված կրակոցներից սպանվել է Արմավիրի մարզի Նորապատ գյուղի գյուղապետ, 51-ամյա Զորիկ Բադալ յանը: Ձերբակալվել է Նորապատի հարևան գյուղի՝ Ջանֆիդայի 35-ամյա բնակիչ, նախկինում դատված Գագիկ Պետրոսյանը: Պատճառը եղել է գյուղի մերձակայքում գտնվող շուկայի վերահսկողության շուրջ սուր առճակատումը:

2007-Ժողովուրդների բարեկամության ռուսաստանյան համալսարանում զանգվածային ծեծկռտուք է տեղի ունեցել հայաստանցի և ադրբեջանցի ուսանողների միջև, որի հետևանքով եղել են տուժածներ:

2018- վարչապետի պաշտոնում առաջադրված միակ թեկնածու, «Իմ քայլը» շարժման առաջնորդ, ընդդիմադիր «Ելք» խմբակցության ղեկավար Նիկոլ Փաշինյանը չի ստացել բավարար թվով ձայներ և չի դարձել վարչապետ: Իշխող ՀՀԿ-ից ընդամենը մեկ պատգամավոր է կողմ քվեարկել Նիկոլ Փաշինյանին:

ԱՇԽԱՐՀ

305-Հին Հռոմի կառավարիչներ Դիոկլիտանը և Մակսիմիլիանը հրաժարվել են իշխանությունից։

1328-համաձայն խաղաղության պայմանագրի, Անգլիան ճանաչել է Շոտլանդիայի անկախությունը։

1682-Լյուդովիկոս 14-րդը մեծ շուքով բացել է Փարիզի աստղադիտարանը։

1707-միավորվել են Անգլիան և Շոտլանդիան՝ առաջացել է Մեծ Բրիտանիան։

1786-Վիեննայում մեծ հաջողությամբ կայացել է Մոցարտի «Ֆիգարոյի ամուսնությունը» օպերայի պրեմիերան։

1873-մահացել է անգլիացի հետազոտող Դավիթ Լիվինգստոնը։

1884-Չիկագոյում սկսվել է 10 հարկանի շենքի՝ աշխարհում առաջին երկնաքերի շինարարությունը։

1890-առաջին անգամ մայիսմեկյան տոները նշել են Ավստրո-Հունգարիայի, Բելգիայի, Գերմանիայի, Դանիայի, Իսպանիայի և եվրոպական այլ երկրների բանվորները։

1899-վաճառակետերում հայտնվել են ասպիրինի առաջին դեղահաբերը։

1919-բավարական կարմիր բանակը պարտվել է, ընկել է Բավարական Խորհրդային Հանրապետությունը։

1924-Խարկովում արտադրվել է առաջին խորհրդային թրթուրավոր տրակտորը՝ «Կոմունարը»։

1925-Կիպրոսը հայտարարվել է բրիտանական թագի գաղութ։

1929-ծնվել է կինոյի և թատրոնի լեհ դերասան Ստանիսլավ Միկուլսկին՝ Հանս Քլոսի դերակատարը։

1937-ավարտվել է Մոսկվա-Վոլգա ջրանցքի կառուցումը։

1948- Ստեղծվել է Կորեայի Ժողովրդադեմոկրատական Հանրապետությունը։

1960-Սվերդլովսկի տարածքում խփվել է ամերիկյան ՈՒ-2 հետախույզ-օդանավը, որի օդաչուն էր Ֆրենսիս Պաուերսը։

1993-Շրի-Լանկայի Կոլոմբո քաղաքում ահաբեկչական գործողության արդյունքում զոհվել է նախագահ Ռանասինխ Պրեմադասան։

Կամո Խաչիկյան