Գաղտնիք չէ, որ մաքուր արյունը առողջության գրավականն է: Սակայն մեր անոթների պատերը հաճախ պատվում են խոլեստերինով և աղերով: Երակների և զարկերակների խցանումները կարող են տարբեր հիվանդությունների առաջացման պատճառ դառնալ:
Անոթները արդյունավետ կարելի է մաքրել տնային պայմաններում պատրաստված միջոցներով, որոնք ի դեպ իրենց արդյունավետությամբ չեն զիջում թանկարժեք դեղորայքներին:
Վերցնել 4 գլուխ սխտոր, բաժանել ատամիկների և մաքրել :
Վերցնել 4 հասած կիտրոն, լավ լվանալ և բաժանել մասերի (կեղևը պետք չէ հեռացնել)
Կիտրոնը և սխտորը անցկացնել մսաղացով կամ հարել բլենդերով, որ ստացվի համասեռ զանգված:
Կիտրոնասխտորային զանգվածը լցնել երեք լիտրանոց բանկայի մեջ, վրան ջուր լցնել, փակել կափարիչով և դնել տաք տեղում երեք օր:
Ամեն օր խառնել բանկայի պարունակությունը:
Երեք օր անց քամել, փակել հերմետիկ կափարիչով և դնել սառնարանը:
Ընդունել կես բաժակ օրը երեք անգամ ուտելուց 20 րոպե առաջ: Կուրսը՝ 40 օր:
Հիշեցում. Քանի որ այպիսի թուրմը չի կարելի երկար պահել, ապա պետք է բանկայի պարունակությունը թարմացնել 6-7 օր անց:
Անոթներն էլաստիկ դարձնելու համար
Վերցնել 2 պինդ կիտրոն, լավ լվանալ ,բաժանել մասերի, կեղևը չհեռացնել:
Անցկացնել մսաղացով
Ավելացնել 2 ճաշի գդալ մեղր (մաքուր), լավ խառնել
Լցնել ապակե տարայի մեջ և պահել մութ տեղում:
Մեկ օր անց խմել 2-3 թեյի գդալ ուտելուց առաջ:
