Կալցիումն օրգանիզմին անհրաժեշտ է արյան, նյարդերի և ոսկորների ճիշտ աշխատանքի համար: Կալցիումի դեֆիցիտը կարող է շատ խնդիրներ առաջացնել:
Քանի որ կալցիումը նոր բջիջներ է ձևավորում, անհրաժեշտ է ոսկորների, ատամների, մկանների առողջության, նյարդերի, հորմոնների գործողության, արյան մակարդման համար:
Եթե մարդը չի ստանում օրական խորհուրդ տրվող 1000-1300 մգ կալցիում, ապա այդ վիտամինի պակաս է ունենում:
Կանայք հետդաշտանադադարի շրջանում, վեգանները և լակտոզա չտանող մարդիկ առանձնակի հակված են կալցիումի պակասի առաջացման:
Կալցիումի պակասի դեպքում մարդու օրգանիզմը կարող է թուլացնել ոսկորները, կարող են տարբեր հիվանդություններ առաջանալ:
EnterTrain-ը ներկայացնում է կալցիումի պակասի 9 հիմնական նշան:
1. Ոսկորների խտության նվազեցում: Դա կալցիումի պակասի ամենավտանգավոր նշաններից է, քանի որ կարող է կոտրվածքների հանգեցնել:
2. Մկանային ջղաձգություններ՝ առաջանում են, որովհետև կալցիումը սովորաբար օգնում է կարգավորել մկանային կծկումները:
3. Թեթև կապտուկներ: Կալցիումի պակասի դեպքում վնասվածքներն ավելի արտահայտված են լինում:
4. Ցավոտ ամսեկաններ: Այդ օրերի ուժեղ ջղաձգությունները կարող են կալցիումի պակասի պատճառով լինել:
5. Հիշողության կորուստ՝ կալցիումի պակասի ամենալուրջ նշաններից է:
6. Ատամի ցավ: Կալցիումի պակասի դեպքում ատամները թուլանում են:
7. Փխրուն եղունգներ:
8. Թմրություն կամ ծակծկոց:
9. Ուժերի անկում: Կալցիումի պակասի դեպքում կարող է ընդհանուր հոգնածության զգացում առաջանալ:
Ինչպես կարող եք բավականաչափ կալցիում ստանալ
Բավականաչափ կալցիում օգտագործեք: 9-18 տարեկան մարդիկ օրական 1300 մգ կալցիումի կարիք ունեն, 19-50 տարեկան մարդիկ՝ 1000 մգ:
Հղիներին կամ կերակրող մայրերին կարող է ավելի շատ պահանջվել՝ մոտ 1200 մգ: 50 տարեկանից հետո կանանց անհրաժեշտ է առնվազն 1200 մգ օրական, տղամարդկանց՝ 1000 մգ:
Կալցիում կարելի է որպես հավելում ընդունել կամ սննդակարգի միջոցով: Կարևոր է նաև բավականաչափ վիտամին D ստանալ, քանի որ այն օրգանիզմին օգնում է կլանել կալցիումը:
Կալցիումի բարձր պարունակությամբ մթերքներ՝
- Մութ տերևավոր կանաչի,
- Պանիր,
- Կաթ,
- Յոգուրտ,
- Սոյայով մթերքներ,
- Բրոկոլի,
- Կանաչ լոբի,
- Ձուկ,
- Նուշ:
