ՊԱՏՄՈՒԹՅԱՆ ԱՅՍ ՕՐԸ (15 ՀՈՒՆԻՍԻ). Բացվել է պաղպաղակի առաջին գործարանը, ստեղծվել է ՈՒԵՖԱ-ն

ՏՈՆԵՐ

Հայաստան՝ Պետական խորհրդանիշների օր, Կոստա Ռիկա՝ Ծառատնկման օր, Ղըրղըզստան՝ Հրշեջների օր, Կորեայի Հանրապետություն՝ Գյուղատնտեսության օր, Ճապոնիա՝ Սաննո Մացուի փառատոն:

ՀԱՅ-ՀԱՅԱՍՏԱՆ

1899-ծնվել է հայ խորհրդային նկարիչ-արձանագործ Երվանդ Քոչարը:

1912-ծնվել է հայ կենսաքիմիկոս Գագիկ Հովակիմյանը:

1915– Կ. Պոլսում կախաղան է բարձրացվել հայ ազգային-ազատագրական շարժման գործիչ, գրող, Սոցիալ-դեմոկրատ հնչակյան կուսակցության անդամ Փարամազը, իսկական անուն-ազգանունը` Մատթեոս Սարգիսյան։

1935– տեղի է ունեցել առաջին հայկական հնչյունային ֆիլմի` «Պեպոյի» պրեմիերան։

1957-ծնվել է նկարչուհի, Հայաստանի վաստակավոր նկարիչ Թենի Վարդանյանը:

1978-վախճանվել է արձակագիր, մանկագիր Արաքսը (Արաքս Ավետիսյան):

1988-Հայկական ԽՍՀ Գերագույն խորհուրդը տվել է իր համաձայնությունը Լեռնային Ղարաբաղի Ինքնավար Մարզը իր կազմ ընդունելուն և այդ առիթով դիմել է ԽՍՍՀ Գերագույն խորհրդին:

2006-ԵԱՀԿ Մինսկի խմբի նոր համանախագահ է նշանակվել ԱՄՆ-ի պետքարտուղարի Եվրոպայի և Կենտրոնական Ասիայի հարցերով տեղակալի օգնական Մեթյու Բրայզան:

2005- Արցախում կայացել են խորհրդարանական ընտրություններ։

2006– ընդունվել է Հայաստանի զինանշանի մասին նոր օրենքը։

2009-հայաստանաբնակ իրանցիները ցույց են կազմակերպել Երևանում Իրանի Իսլամական Հանրապետության դեսպանատան դիմաց` բողոքելով Իրանում անցկացված նախագահական ընտրությունների պաշտոնական արդյունքներից:

2011-Մինաս Ավետիսյանի որմնանկարների` Գյումրիից Երևան տեղափոխելու շուրջ ստորագրահավաք է նախաձեռնվել նկարչի 4 որմնանկարները վերադարձնելու պահանջով:

2017-«Երևանյան հեռանկարներ» միջազգային երաժշտական փառատոնի շրջանակներում «Արամ Խաչատրյան» համերգասրահում հանդես է եկել Չայկովսկու անվան սիմֆոնիկ մեծ նվագախումբը՝ աշխարհահռչակ դիրիժոր, 85-ամյա Վլադիմիր Ֆեդոսեևի ղեկավարությամբ:

2018- Վճռաբեկ դատարանն ազատ է արձակել առաջին ատյանի կողմից վեց տարվա ազատազրկման դատապարտված Սամվել Բաբայանին:

ԱՇԽԱՐՀ

313-Բյուզանդիայի թագավոր Կոնստանտինը հայտարարել է խղճի ազատություն և հրամայել է քրիստոնյաներին վերադարձնել բռնագրավված ունեցվածքը:

1215– Անգլիայի թագավոր Հովհաննես I Անհողի կողմից ստորագրվել է մի փաստաթուղթ, որը հետագայում դարձել է Մեծ Բրիտանիայի սահմանադրական-օրենսդրական հիմնարար փաստաթղթերից մեկը:

1389-Կոսովյան դաշտում տեղի ունեցած ճակատամարտում սերբական բանակը պարտություն է կրել սուլթան Մուրադ Առաջինի բանակից, սերբերի առաջնորդ Լազարը սպանվել է:

1502-Կոլումբոսը հայտնագործել է Մարտինիկա կղզին:

1580-Ֆրենսիս Դրեյկի՝ շուրջերկրյա ճանապարհորդություն իրականացնող արշավախումբը անցել է Բարեհուսո հրվանդանը:

1667-ֆրանսիացի բժիշկ Ժան-Բատիստ Դենին իրականացրել է առաջին հաջողված արյան փոխներարկումը՝ 15-ամյա տղային փոխներարկել է գառան արյուն:

1836-Արկանզասը դարձել է ԱՄՆ-ի քսանհինգերորդ նահանգը:

1844-Չարլզ Գուդիերը արտոնագրել է ռետինի վուլկանացումը

1851-կաթնագործ Ջեկոբ Ֆուսսելը Բալթիմորում հիմնել է պաղպաղակի՝ աշխարհում առաջին ֆաբրիկան:

1869-Նյու Յորքում Ջոն Խայատը արտոնագրել է ցել յուլոիդը:

1896-Ճապոնիայի Սանրիկու նահանգում տեղի ունեցած ստորջրյա երկրաշարժի արդյունքում առաջացած հսկայական ցունամի ալիքը ծովն է լցրել ավելի քան 10 000 շինություն և 27 000 մարդու:

1918-Օսմանյան Թուրքիան իրականացրել է քուրդ-եզիդների ցեղասպանություն:

1924-Ֆորդ ընկերության հոսքագծից դուրս է եկել տասը միլիոներորդ մեքենան:

1932-սկսվել է պատերազմ Բոլիվիայի և Պարագվայի միջև:

1954– ստեղծվել է Եվրոպական ֆուտբոլային ասոցիացիաների միությունը` ՈՒԵՖԱ։

1946-ծնվել է հույն երգիչ Դեմիս Ռուսոսը:

1985-Էրմիտաժում Ռեմբրանտի «Դանայա» կտավը փչացրել են՝ այն ցողելով ծծմբական թթվով:

1996– մահացել է ամերիկացի հայտնի ջազային երգչուհի Էլլա Ֆիցջերալդը։

Կամո Խաչիկյան