Ռաքքայում ԻՊ-ի վերացմանը խոչընդոտում է Թուրքիան. սիրիացի քրդեր

МЕЖДУНАРОДНОЕ 20 Ноябрь, 2015 11:40

Քրդական համայնքների միության (KCK) ղեկավարման խորհրդի համանախագահ Ջեմիլ Բայըքը, ով միաժամանակ հանդիսանում է Քրդստանի աշխատավորական կուսակցության (PKK) զինված թեւի առաջնորդներից մեկը, հայտարարել է, որ եթե Թուրքիան չխոչընդոտի, Սիրիայում «Իսլամական պետության» (ԻՊ) «մայրաքաղաք» համարվող Ռաքքան կարճ ժամանակում կազատագրվի ԻՊ-ից:

Այս մասին Բայըքը հայտարարել է ԻՊ-ի նկատմամբ Թուրքիայի մոտեցումների վերաբերյալ Azadiye Welat եւ ՃzgՖr Politika թերթերին տված մեկնաբանության մեջ:

Նա ասել է, որ Թուրքիայի իշխող «Արդարություն եւ զարգացում» կուսակցությունը (AKP) եւ քաղաքական, եւ նյութական, եւ բարոյական աջակցություն է ցուցաբերում ԻՊ-ին: Նրա խոսքով, Ռաքքայից ԻՊ-ին դուրս քշել չի հաջողվում, քանի որ դրան խոչընդոտում է Թուրքիան, որը չի ցանկանում, որ ԻՊ-ն պարտվի Իրաքում եւ Սիրիայում:

«Սիրիայում ԻՊ-ի դեմ պայքարող քրդական Ժողովրդական ինքնապաշտպանական ջոկատները (YPG/YPJ), դեմոկրատական Սիրիայի ուժերը ունակ են կարճ ժամանակում հաղթել ԻՊ-ին եւ դուրս քշել Ռաքքայից, եթե Թուրքիան դադարեցնի ահաբեկիչներին արվող աջակցությունը: Աշխարհը պետք է իմանա, որ թուրքական խոչընդոտի վերացումը ԻՊ-ի վերջն է նշանակում: Այդ պատճառով, եթե միջազգային ուժերը ցանկանում են պարտության մատնել ԻՊ-ին, առաջին հերթին պետք է վերացնեն այդ հարցում Թուրքիայի խոչընդոտ հանդիսանալը», -ասել է Բայըքը:

Նրա խոսքով` ասվածի ապացույցնեից մեկն էլ Ստամբուլում Թուրքիա-Հունաստան ֆուտբոլի ընկերական հանդիպման ժամանակ Փարիզում ահաբեկչության զոհերի հիշատակի րոպեի ժամանակ մարզադաշտում երկրպագուների սուլոցներն ու իսլամիստներին քաջալերող պաստառներն են, ինչը AKP-ի մտայնության ցուցադրությունն է:

«Որեւէ տեղ տեսե՞լ եք քաղաքացիների մահվան համար ուրախացող հասարակություն: AKP-ի կառավարությունը Թուրքիան հասցրել է քաղաքացիական անձանց զանգվածային կոտորածի համար ուրախացող երկրի: Թուրքական հասարակությունը հասցվել է վախենալու վիճակի», -հավելել է նա: