ՊԱՏՄՈՒԹՅԱՆ ԱՅՍ ՕՐԸ (18 ՀՈՒԼԻՍԻ)․ Մե­ղադ­րանք է առա­ջադր­վել փու­չիկ­նե­րի պայ­թյու­նի գոր­ծով, Երև­ան են մտցվել լրա­ցու­ցիչ զին­վո­րա­կան ստո­րա­բա­ժա­նում­ներ

ՏՈՆԵՐ

Իսպանիա՝ Աշխատանքի օր, ԱՄՆ՝ Հոթ-դոգի օր, Ուրուգվայ՝ Սահմանադրության օր, Ֆրանսիա՝ Սուրբ Առնուլֆի օր, Ռուսաստան՝ Ներքին գործերի ծառայության տնտեսական աշխատողների օր:

ՀԱՅ-ՀԱՅԱՍՏԱՆ

1316– Հայ Առաքելական եկեղեցու կողմից Կիլիկիայի Ադանա քաղաքում գումարվել է Ադանայի ժողովը:

820-ծնվել է բանաստեղծ, բանասեր, փիլիսոփա, Մխիթարյան միաբանության անդամ Ղևոնդ Ալիշանը:

1897 – ծնվել է լրագրող, կինոսցենարիստ, հրապարակախոս, գրական-հասարակական գործիչ Եղիա Չուբարը:

1921– Նեմեսիսի հայ վրիժառու Միսաք Թորլաքյանը Կոստանդնուպոլսում սպանել է Ադրբեջանի ներքին գործերի նախկին նախարար Բիհբութ Ջիվանշիր Խանին:

1938– վախճանվել է նշանավոր գրող, արձակագիր, բանաստեղծ Վահան Թոթովենցը:

1938– ծնվել է հայ արձակագիր, դրամատուրգ, հրապարակախոս և թարգմանիչ Պերճ Զեյթունցյանը։

1959 –երևանում Կլիմենտ Վորոշիլովը ՀԽՍՀ-ին է հանձնել Լենինի շքանշան:

1988- ԽՍՀՄ Գերագույն խորհուրդը հատուկ նիստում որոշում է ընդունել Լեռնային Ղարաբաղի կարգավիճակը չփոխել:

-Երևան են մտցվել լրացուցիչ զինվորական ստորաբաժանումներ:

-«Ղարաբաղ» կոմիտեն հայտարարել է համազգային կազմակերպություն ստեղծելու անհրաժեշտության մասին, որը հետագայում անվանվեց ՀՀՇ:

1992- զենիթային ЗУ-23-2 համակարգով խփվել է ցածր թռչող ադրբեջանական երկու Су-24-երից մեկը, որը փորձում էր ոչնչացնել հայկական Д-30 հաուբիցային դիվիզիոնը: Խփված օդանավի օդաչուն Աֆղանստանում կռված ռուս գնդապետ է եղել:

2012-Ոստիկանությունը երևանաբնակ 54- ամյա Սերոբ Բոզոյանին մեղավոր է ճանաչել մայիսի 4-ին Երևանի Հանրապետության հրապարակում ՀՀԿ նախընտրական հանրահավաքի ժամանակ տեղի ունեցած փուչիկների պայթյունի համար:

2013-Երևանում հայտարարվել է հասարակական տրանսպորտի ուղեվարձը 50 դրամով բարձրացնելու մասին:

2016-ՊՊԾ գնդի գրավման շուրջ ծագած իրադարձությունների շղթայում Սարի թաղում երեկոյան ոստիկանության ու քաղաքացիների միջև տեղի է ունեցել բախում:

ԱՇԽԱՐՀ

390 մ.թ.ա. –կելտերի առաջնորդ Բրեննը ջախջախել է հռոմեացիներին Ալին գետի մոտ տեղի ունեցած ճակատամարտում:

64 – Հին Հռոմում սկսվել է պատմությանը հայտնի Հռոմի մեծ հրդեհը:

1325 –Տեսկակո կղզու կենտրոնում ստեղծվել է ացտեկների կայսրության մայրաքաղաք Տենոչտիտլանը:

1610-վախճանվել է իտալացի նկարիչ, եվրոպական ռեալիստական նկարչության հիմնադիր Միքելանջելո Կարավաջոն:

1708-սպանվել է գյուղացիական ապստամբության առաջնորդ, Դոնի կազակների ատաման Կոնդրատի Բուլավինը:

1770 –Լարգա գետի մոտ տեղի ունեցած ճակատամարտում Ռումյանցևի ղեկավարած ռուսական բանակը հաղթել է թուրքերին:

1830 –Ուրուգվայի Մոնտեվիդեո քաղաքում հավաքված Ազգային կոնգրեսը ընդունել է Սահմանադրությունը, որով երկիրը դարձել է հանրապետություն:

1872 –Մեծ Բրիտանիայում առաջին անգամ իրականացվել է փակ գաղտնի քվեարկություն:

1883 –ծնվել է խորհրդային պետական և քաղաքական գործիչ Լև Կամենևը:

1898 – Պիեռ և Մարիա Կյուրիները Ֆրանսիայի ակադեմիայում զեկույց են ներկայացրել այն մասին, որ ուրանից բացի գոյություն ունեն նաև այլ ռադիոակտիվ տարրեր:

1918– ծնվել է Հարավաֆրիկյան Հանրապետության առաջին սևամորթ նախագահ, մարդու իրավունքների հայտնի պաշտպան, Նոբելյան մրցանակի դափնեկիր Նելսոն Մանդելան:

1918-լույս է տեսել «Մոսկովյան պրավդա» թերթի առաջին համարը:

1921-Ֆրանսիայում բժիշկներ Ալբեր Կալմետը և Կամիլ Գերենը առաջին անգամ երեխային պատվաստել են տուբերկուլ յոզի դեմ (ԲՑԺ պատվաստում):

-ԽՍՀՄ կառավարությունը կոչ է արել օգնել Պովոլժիեի սովյալներին:

1925-առաջին անգամ տպագրվել է Ադոլֆ Հիտլերի «Mein Kampf» գիրքը:

1936-սկսվել է ֆուտբոլի ԽՍՀՄ գավաթի առաջին առաջնությունը:

1942-Լադոգա լճի հատակով խողովակաշար է անցկացվել, որով վառելիք էր տրվում շրջափակված Լենինգրադին (Սանկտ Պետերբուրգ):

1947-Մեծ Բրիտանիայի թագավոր Գեորգ 6-րդը ստորագրել է հրաման, ըստ որի, Բրիտանական Հնդկաստանը անկախություն է ստանում:

1962 –Պերուում ռազմական հեղաշրջում է տեղի ունեցել:

1968-Ռոբերտ Նոյսը և Գորդոն Մուրը ստեղծել են «Intel» ընկերությունը:

1994- «Հզբոլլահը» պայթեցրել է Բուենոս Այրեսի Հրեական կենտրոնը, որի արդյունքում զոհվել է 86 մարդ:

1999– Մեթյու Հոլմանի և Բրետ Գլեդմանի կողմից հայտնաբերվել է Ուրանի միանգամից 3 անկանոն արբանյակ՝ Ստեֆանո, Պրոսպերո և Սետեբոս:

2000-Լոնդոնում բացվել է Ջոն Լենոնի հուշարձանը:

2011- տիեզերք է ուղարկվել «Ռադիոաստրոն» տիեզերական աստղադիտարանը:

Կամո Խաչիկյան