ՊԱՏՄՈՒԹՅԱՆ ԱՅՍ ՕՐԸ (19 ՀՈՒԼԻՍԻ)․ Երեք ան­գամ ԼՂՀ նա­խա­գահ է ընտր­վել Բա­կո Սա­հա­կյա­նը

ՀԱՅ-ՀԱՅԱՍՏԱՆ

1934– վախճանվել է գրող, մանկավարժ, հասարակական գործիչ Սիպիլը` Զաբել Հովհաննեսի Խանջյանը:

2004-սկսվել է Իրան – Հայաստան գազամուղի իրանական 100 կիլոմետրանոց հատվածի կառուցումը:

2007-կայացել են ԼՂՀ նախագահական չորրորդ ընտրությունները։ ԼՂՀ նախագահ է ընտրվել Բակո Սահակյանը։

-Ճանապարհային ոստիկանությունը հայտարարել է «գոլդ» պետհամարանիշները աճուրդով վաճառելու որոշման մասին:

2010– վախճանվել է գրող, արձակագիր Ռաֆայել Նահապետյանը:

2011– վախճանվել է նշանավոր կոմպոզիտոր Կարեն Խաչատրյանը:

2012- Լեռնային Ղարաբաղում անցկացվել են նախագահական ընտրություններ. գործող նախագահ Բակո Սահակյանը վերընտրվել է

2014-երեկոյան մի խումբ անձանց կողմից ծրագրված հարձակում է իրականացվել Թբիլիսիի Սուրբ Էջմիածին եկեղեցու հոգևոր դասի և հավատացյալների վրա:

2016- ՊՊԾ գնդի գրավման ժամանակ Սարի թաղում ոստիկանության ու քաղաքացիների միջև նախորդ օրը երեկոյան տեղի ունեցած բախման կապակցությամբ հարուցվել է քրեական գործ:

2017-խորհրդարանի կողմից Լեռնային Ղարաբաղի նախագահ է վերընտրվել Բակո Սահակյանը: Երկու թեկնածուների միջև ձայները բաշխվել են 28-4 հարաբերակցությամբ:

ԱՇԽԱՐՀՈՒՄ

3228 մ.թ.ա.- ծնվել է հինդուիզմի աստվածներից մեկը համարվող՝ Վիշնու աստծո ութերորդ ավատար Կրիշնա-Ջանմաշտամը:

711– Գվադալետեի մոտ տեղի ունեցած ճակատամարտում արաբները հաղթանակ են տոնել վեստ-գոթերի նկատմամբ և դրանով սկսվել է Պիրենեյան թերակղզու գրավումը Արաբական խալիֆայության կողմից, որը տևել է շուրջ 800 տարի:

810- ծնվել է արաբ քարոզիչ, մուսուլմանական սուրբ գրքերը կազմող իմամ Ալ-Բուխարին:

1374- վախճանվել է իտալացի բանաստեղծ Ֆրանչեսկո Պետրարկան:

1551-Կարլսբուրգյան պայմանագրով հաստատվել է գաբսբուրգների իրավունքը Հունգարիայի և Տրանսիլվանիայի նկատմամբ:

1553 - Անգլիայի՝ 9 օր կառավարած թագուհի Ջեյն Գրեյը գահընկեց է արվել, նոր թագուհի է թագադրվել Մարիա Թյուդորը:

1650 –թուրք դեսպան Օսման աղան Չիգիրինում ռազմական դաշինք է կնքել Բոգդան Խմելնիցկու հետ:

1695-Մեծ Բրիտանիայում հրատարակվող և ժողովրդականություն վայելող «Ինչպես բարելավել տնտեսությունը և առևտուրը» ամսագրում հայտնվել է աշխարհում առաջին ամուսնական հայտարարությունը:

1696 –Ազովի թուրքական կայազորի անձնատուր լինելուց հետո Պետրոս 1-ինը ելք է ստացել Ազովում:

1789 –այն ժամանակ դեռևս քիչ հայտնի պատգամավոր Ռոբեսպիերը ելույթ է ունեցել՝ պաշտպանելով հեղափոխականներին:

1814 –Անգլիացի ծովագնաց Ֆլայնդերզը իր գրքում առաջին անգամ Կանաչ մայրցամաքը անվանել է Ավստրալիա (գրքի հրապարակումից 24 ժամ անց նա վախճանվել է):

1814 –ծնվել է ամերիկացի կոնստրուկտոր և արդյունաբերող, հրաձգային զենքի արտադրությամբ զբաղվող ընկերության հիմնադիր Սեմյուել Կոլտը:

1834– ծնվել է ֆրանսիացի հռչակավոր գեղանկարիչ, գրաֆիկ, քանդակագործ Էդգար Դեգան:

1870-Սուրբ Աթոռը դոգմա է հրապարակել Պապի անսխալության վերաբերյալ: -սկսվել է ֆրանս-պրուսական պատերազմը:

1893– ծնվել է ռուս հայտնի գրող, բանաստեղծ, դրամատուրգ Վլադիմիր Մայակովսկին:

1900 - բացվել է Փարիզի մետրոպոլիտենը:

1908 –Լոնդոնի Սուրբ Պետրոսի տաճարում եպիսկոպոսը, օրհնելով օլիմպիական խաղերը, ասել է այսօր արդեն թևավոր դարձած խոսքերը. «Կարևորը ոչ թե հաղթանակն է, այլ մասնակցությունը»:

1918 —ուժի մեջ է մտել ՌԽՖՍՀ-ի առաջին Սահմանադրությունը:

1924 —լույս է տեսել «Կարմիր սպորտ» թերթի առաջին համարը ( հետագայում «Սովետական սպորտ»):

1926 –Եկատերինսլավը վերանվանվել է Դնեպրոպետրովսկ:

1938 –ծնվել է վրացի դերասան, երգիչ, սցենարիստ, ռեժիսոր, երգերի հեղինակ Վախթանգ Կիկաբիձեն:

1941-Ստալինը նշանակվել է ԽՍՀՄ-ի պաշտպանության ժողկոմիսար:

1943 –Ուինսթոն Չերչիլը ներկայացրել է այսբերգները որպես լողացող օդանավակայաններ օգտագործելու պլանը:

1949– Լաոսը անկախացել է Ֆրանսիայից:

1963 –Ինդոնեզիան հայտարարել է, որ Հնդկական օվկիանոսը վերանվանում է Ինդոնեզական օվկիանոսի:

1980 –Մոսկվայում տեղի է ունեցել 22-րդ օլիմպիական խաղերի բացումը:

1996 – ԱՄՆ-ի Ջորջիա նահանգի Ատլանտա քաղաքում մեկնարկել են 26-րդ ամառային օլիմպիական խաղերը:

Կամո Խաչիկյան