Եվրոպայի 10 պատմական քաղաքներ, որոնք պետք է այցելել կյանքում գոնե մեկ անգամ

ФОТО 21 Ноябрь, 2015 13:29

Blog.1in.am-ը գրում է.

Այս լեգենդար քաղաքներն առանձնանում են յուրահատուկ էներգիայով՝ իրենց մթնոլորտը, կյանքի ոճն ու կարգը նմանը չունեն։ elle.ru-ն ներկայացնում է 10 ամենահետաքրքիր քաղաքները։

1 Ֆլորենցիա։ Իրենք՝ իտալացիները, Ֆլորենցիան համարում են մշակութային մայրաքաղաք և երկրի ամենագեղեցիկ քաղաքը։ Պատմական կենտրոնն այստեղ 15-րդ դարից պահպանված է նախնական ձևով։ Ֆլորենցիան համարվում է Վերածննդի օրրանը։ Այն նաև եղել է միջնադարյան Եվրոպայի գլխավոր ֆինանսական և առևտրական կենտրոնը։ Ֆլորենցիան Տոսկանա շրջանի վարչական կենտրոնն է։

2. Վենետիկ։ «Դիմակների քաղաք», «Կամուրջների քաղաք», «Սիրո քաղաք», «Ջրանցքների քաղաք»՝ ինչպես ասես չեն կոչում Վենետիկը, որն արդեն մի քանի դար է, ինչ պաշտոնապես համարվում է աշխարհի ամենագեղեցիկ քաղաքներից մեկը։ Ջրի վրայի այս քաղաքը համարվում է երաժշտության, ժամանակակից արվեստի և գեղեցկագույն կառնավալների անցկացման կենտրոն։

3. Հռոմ։ Հավերժական քաղաք Հռոմն անվանում են ահռելի թանգարան՝ բաց երկնքի տակ։ Այն առ այսօր պահպանում է պատմության ոգին և խորհրդանշում է այն ամեն արժեքավորը, ինչով այսօր հայտնի է Եվրոպան։

3. Рим

4. Փարիզ։ Համարվում է աշխարհի ամենառոմանտիկ քաղաքը, բացի այդ՝ նաև ամենամեծ հաճախելիությունն ունեցող զբոսաշրջային քաղաքն է աշխարհում։ Իզուր չէին լավագույն բանաստեղծները, նկարիչներն ու երաժիշտները Փարիզը համարում իրենց ներշնչանքի գլխավոր աղբյուր։

4. Париж

5. Պրահա։ Այս հնամյա քաղաքն արդեն 1100 տարեկան է։ Գոթական ճարտարապետությունը, հին ձիերը, հայտնի գարեջրատները՝ չեխական գարեջրով, ինչպես նաև կաթոլիկների ավանդույթներով նշվող Սուրբ ծնունդը իրավամբ գրավում են զբոսաշրջիկներին։

5. Прага

6. Ամստերդամ։ Այս քաղաքի անվանումը թարգմանվում է որպես «պատնեշ՝ Ամստել գետի վրա»։ Այն Եվրոպայի կարևորագույն նավահանգիստն է։ Քաղաքը հայտնի է իր գիշերային կյանքով, նկարիչների և այլ արվեստագետների համար անցկացվող փառատոներով և ազատ բարքերով։

6. Амстердам

7. Բրյուգե։ Բելգիայի հյուսիսարևմտյան մասում գտնվող այս քաղաքը լայն ճանաչում է գտել «Պառկել Բրյուգեի ընդհատակում» ֆիլմի շնորհիվ։ Միջնադարյան ճարտարապետությունը՝ Միքելանջելոյի գլուխգործոցով՝ Մայր Աստվածածնի եկեղեցով, փողոցային համերգները, գեղեցիկ կամուրջները, պատկերասրահները, երաժշտական ու խոհարարական փառատոները Բրյուգեն դարձրել են զբոսաշրջիկների սիրելի վայրերից մեկը։

7. Брюгге

8. Բուդապեշտ։ Հունգարիայի մայրաքաղաքն իրենից ներկայացնում է անցյալի ու ներկայի հետաքրքիր խառնուրդ։ Բուդայան ամրոցը, տաք ջրերի հայտնի լողավազանները և պապրիկայով ուտեստները Բուդապեշտին թույլ են տալիս ընդգրկվել Եվրոպայի լավագույն հյուրանոցների շարքում։

8. Будапешт

9. Լիսաբոն։ Պորտուգալիայի մարգարիտ Լիսաբոնի ճարտարապետությունը բազմաբնույթ է, այստեղ կան և՛ ռոմանական ու գոթական ոճերի, և՛ բարոկկո ոճի հուշարձաններ։ Թանգարաններ, այգիներ, նեղ փողոցներ, խճանկարված հրապարակներ՝ ոչ բոլոր քաղաքները կարող են հպարտանալ նման գեղեցկություններով։

9. Лиссабон

10. Բարսելոն։ Կատալոնիայի մայրաքաղաքը նաև համաշխարհային ֆուտբոլի մայրաքաղաքն է։ Այն հայտնի է իր գոթական թաղամասերով և Անտոնիո Գաուդիի օրիգինալ ճարտարապետությամբ։ Քաղաքն ունի 7 լողափ և 68 կանաչ տարածք՝ կիրակնօրյա զբոսանքների և սպորտով զբաղվելու համար։

10. Барселона